Ezra 4:1-23 וישׁמעו צרי יהודה ובנימן כי בני הגולה בונים היכל ליהוה אלהי ישׂראל׃

HOT⁽ⁱ⁾ ¹ וישׁמעו צרי יהודה ובנימן כי בני הגולה בונים היכל ליהוה אלהי ישׂראל׃ ² ויגשׁו אל זרבבל ואל ראשׁי האבות ויאמרו להם נבנה עמכם כי ככם נדרושׁ לאלהיכם ולא אנחנו זבחים מימי אסר חדן מלך אשׁור המעלה אתנו פה׃ ³ ויאמר להם זרבבל וישׁוע ושׁאר ראשׁי האבות לישׂראל לא לכם ולנו לבנות בית לאלהינו כי אנחנו יחד נבנה ליהוה אלהי ישׂראל כאשׁר צונו המלך כורשׁ מלך פרס׃ ⁴ ויהי עם הארץ מרפים ידי עם יהודה ומבלהים אותם לבנות׃ ⁵ וסכרים עליהם יועצים להפר עצתם כל ימי כורשׁ מלך פרס ועד מלכות דריושׁ מלך פרס׃ ⁶ ובמלכות אחשׁורושׁ בתחלת מלכותו כתבו שׂטנה על ישׁבי יהודה וירושׁלם׃ ⁷ ובימי ארתחשׁשׂתא כתב בשׁלם מתרדת טבאל ושׁאר כנותו על ארתחשׁשׂתא מלך פרס וכתב הנשׁתון כתוב ארמית ומתרגם ארמית׃ ⁸ רחום בעל טעם ושׁמשׁי ספרא כתבו אגרה חדה על ירושׁלם לארתחשׁשׂתא מלכא כנמא׃ ⁹ אדין רחום בעל טעם ושׁמשׁי ספרא ושׁאר כנותהון דיניא ואפרסתכיא טרפליא אפרסיא ארכוי בבליא שׁושׁנכיא דהוא עלמיא׃ ¹⁰ ושׁאר אמיא די הגלי אסנפר רבא ויקירא והותב המו בקריה די שׁמרין ושׁאר עבר נהרה וכענת׃ ¹¹ דנה פרשׁגן אגרתא די שׁלחו עלוהי על ארתחשׁשׂתא מלכא עבדיך אנשׁ עבר נהרה וכענת׃ ¹² ידיע להוא למלכא די יהודיא די סלקו מן לותך עלינא אתו לירושׁלם קריתא מרדתא ובאישׁתא בנין ושׁורי אשׁכללו ואשׁיא יחיטו׃ ¹³ כען ידיע להוא למלכא די הן קריתא דך תתבנא ושׁוריה ישׁתכללון מנדה בלו והלך לא ינתנון ואפתם מלכים תהנזק׃ ¹⁴ כען כל קבל די מלח היכלא מלחנא וערות מלכא לא אריך לנא למחזא על דנה שׁלחנא והודענא למלכא׃ ¹⁵ די יבקר בספר דכרניא די אבהתך ותהשׁכח בספר דכרניא ותנדע די קריתא דך קריא מרדא ומהנזקת מלכין ומדנן ואשׁתדור עבדין בגוה מן יומת עלמא על דנה קריתא דך החרבת׃ ¹⁶ מהודעין אנחנה למלכא די הן קריתא דך תתבנא ושׁוריה ישׁתכללון לקבל דנה חלק בעבר נהרא לא איתי׃ ¹⁷ פתגמא שׁלח מלכא על רחום בעל טעם ושׁמשׁי ספרא ושׁאר כנותהון די יתבין בשׁמרין ושׁאר עבר נהרה שׁלם וכעת׃ ¹⁸ נשׁתונא די שׁלחתון עלינא מפרשׁ קרי קדמי׃ ¹⁹ ומני שׂים טעם ובקרו והשׁכחו די קריתא דך מן יומת עלמא על מלכין מתנשׂאה ומרד ואשׁתדור מתעבד׃ ²⁰ ומלכין תקיפין הוו על ירושׁלם ושׁליטין בכל עבר נהרה ומדה בלו והלך מתיהב׃ ²¹ כען שׂימו טעם לבטלא גבריא אלך וקריתא דך לא תתבנא עד מני טעמא יתשׂם׃ ²² וזהירין הוו שׁלו למעבד על דנה למה ישׂגא חבלא להנזקת מלכין׃ ²³ אדין מן די פרשׁגן נשׁתונא די ארתחשׁשׂתא מלכא קרי קדם רחום ושׁמשׁי ספרא וכנותהון אזלו בבהילו לירושׁלם על יהודיא ובטלו המו באדרע וחיל׃