2 Chronicles 31:3-10

HOT^{(i) 3} ומנת המלך מן רכושׁו לעלות לעלות הבקר והערב והעלות לשׁבתות ולחדשׁים ולמעדים ככתוב בתורת יהוה׃ ⁴ ויאמר לעם ליושׁבי ירושׁלם לתת מנת הכהנים והלוים למען יחזקו בתורת יהוה׃ ⁵ וכפרץ הדבר הרבו בני ישׂראל ראשׁית דגן תירושׁ ויצהר ודבשׁ וכל תבואת שׂדה ומעשׂר הכל לרב הביאו׃ ⁶ ובני ישׂראל ויהודה היושׁבים בערי יהודה גם הם מעשׂר בקר וצאן ומעשׂר קדשׁים המקדשׁים ליהוה אלהיהם הביאו ויתנו ערמות ערמות׃ ⁷ בחדשׁ השׁלשׁי החלו הערמות ליסוד ובחדשׁ השׁביעי כלו׃ ⁸ ויבאו יחזקיהו והשׂרים ויראו את הערמות ויברכו את יהוה ואת עמו ישׂראל׃ ⁹ וידרשׁ יחזקיהו על הכהנים והלוים על הערמות׃ ¹⁰ ויאמר אליו עזריהו הכהן הראשׁ לבית צדוק ויאמר מהחל התרומה לביא בית יהוה אכול ושׂבוע והותר עד לרוב כי יהוה ברך את עמו והנותר את ההמון הזה׃