Esperanto(i)
1 Psalmo de Asaf. Dio starigxis en Dia anaro; Inter la dioj Li jugxas.
2 GXis kiam vi jugxos maljuste, Kaj privilegios la personojn de malvirtuloj? Sela.
3 Estu justaj al malricxulo kaj orfo; Rilate afliktiton kaj senhavulon estu virtaj.
4 Liberigu malricxulon kaj mizerulon; El la mano de malvirtulo ilin savu.
5 Ili ne scias kaj ne komprenas, En mallumo ili marsxas; Eksxanceligxis cxiuj fundamentoj de la tero.
6 Mi diris:Vi estas dioj, Kaj cxiuj vi estas filoj de la Plejaltulo;
7 Sed vi mortos, kiel homoj, Kaj vi falos, kiel cxiu el la potenculoj.
8 Levigxu, ho Dio, jugxu la teron; CXar Vi heredas cxiujn popolojn.