John 10:1-9 Note:qui non intrat per hostium in ouile ouium. Cp. Ðys sceal on tywes dæg on þære pentecostenes wucan. Amen Amen dico uobis. Qui non intrat per hostium in ouile. A. Soþ ic secge eow se þe ne gæð æt þam gete into sceapa falde. ac styhþ elles ofer he is þeof & sceaða;

WestSaxon990⁽ⁱ⁾ ¹ [Note:qui non intrat per hostium in ouile ouium. Cp. Ðys sceal on tywes dæg on þære pentecostenes wucan. Amen Amen dico uobis. Qui non intrat per hostium in ouile. A.] Soþ ic secge eow se þe ne gæð æt þam gete into sceapa falde. ac styhþ elles ofer he is þeof & sceaða; ² Se þe in-gæþ æt þam geate. he is sceapa hyrde ³ þæne se geat-weard læt in. & þa sceap gehyrað his stefne. & he nemð his agene sceap be naman [&] læt hig ut. ⁴ & þonne he his agene sceap læt üt he gæð beforan him. & þa sceap him fyligeað forþam þe hig gecnawað his stefne; ⁵ Ne fyligeaþ hig uncuþum ac fleoð fram him. forðam þe hig ne gecneowun üncuðra stefne; ⁶ Ðis bigspell se hælend him sæde. hig nyston hwæt he spræc to him; ⁷ Eft se hælend cwæð to him; Soþ ic eow secge. ic eom sceapa geat. ⁸ ealle þa þe comun wæron þeofas & sceaþan. ac þa sceap hig ne gehyrdon. ⁹ ic eom geat swa hwylc swa þurh me gæð byþ hal. & gæð in & üt & fint læse.