Proverbs 9:1 Cross References - Wycliffe

¹ Wisdom bildide an hous to him silf; he hewide out seuene pileris,

² He bildide an hows of the forest of Liban, of an hundrid cubitis of lengthe, and of fifti cubitis of breede, and of thretti cubitis of hiythe; and he bildide foure aleis bitwixe the pilers of cedre; for he hadde hewe doun trees of cedres in to pilers. ³ And he clothide al the chaumbir with wallis of cedris; which chaumbir was susteyned with fyue and fourti pileris. Sotheli oon ordre hadde fiftene pileris, set ayens hem silf togidere,

⁶ And he made a porche of pilers of fifti cubitis of lengthe, and of thritti cubitis of breede; and `he made an other porche in the face of the gretter porche; and he made pileris, and pomels on the pileris.

²¹ And he settide the twey pilers in the porche of the temple; and whanne he hadde set the riythalf pilere, he clepide it bi name Jachym; in lijk maner he reiside the secounde pilere, and he clepide the name therof Booz.

¹⁸ And Y seie to thee, that thou art Petre, and on this stoon Y schal bilde my chirche, and the yatis of helle schulen not haue miyt ayens it.

⁹ For we ben the helperis of God; ye ben the erthetiliyng of God, ye ben the bildyng of God. ¹⁰ Aftir the grace `of God that is youun to me, as a wise maistir carpenter Y settide the foundement; and another bildith aboue. But ech man se, hou he bildith aboue. ¹¹ For no man may sette another foundement, outtakun that that is sett, which is Crist Jhesus. ¹² For if ony bildith ouer this foundement, gold, siluer, preciouse stoonys, stickis, hey, or stobil, euery mannus werk schal be open; ¹³ for the dai of the Lord schal declare, for it schal be schewid in fier; the fier schal preue the werk of ech man, what maner werk it is. ¹⁴ If the werk of ony man dwelle stille, which he bildide aboue, he schal resseyue mede. ¹⁵ If ony mannus werk brenne, he schal suffre harm; but he schal be saaf, so netheles as bi fier.

⁹ and whanne thei hadden knowe the grace of God, that was youun to me, James, and Petre, and Joon, whiche weren seyn to be the pileris, thei yauen riythond of felowschip to me and to Barnabas, that we among the hethene, and thei in to circumcisioun;

²⁰ aboue bildid on the foundement of apostlis and of profetis, vpon that hiyeste corner stoon, Crist Jhesu; ²¹ in whom ech bildyng maad waxith in to an hooli temple in the Lord. ²² In whom also `be ye bildid togidere in to the habitacle of God, in the Hooli Goost.

¹⁵ but if Y tarie, that thou wite, hou it bihoueth thee to lyue in the hous of God, that is the chirche of lyuynge God, a pilere and sadnesse of treuthe.

³ But this byschop is had worthi of more glorie than Moises, bi as myche as he hath more honour of the hous, that made the hous. ⁴ For ech hous is maad of sum man; he that made alle thingis of nouyt is God. ⁵ And Moises was trewe in al his hous, as a seruaunt, in to witnessyng of tho thingis that weren to be seid; ⁶ but Crist as a sone in his hous. Which hous we ben, if we holden sad trist and glorie of hope in to the ende.

⁵ and ye silf as quyk stoonys be ye aboue bildid in to spiritual housis, and an hooli preesthod, to offre spiritual sacrifices, acceptable to God bi Jhesu Crist. ⁶ For which thing the scripture seith, Lo! Y schal sette in Syon the hiyeste corner stoon, chosun and preciouse; and he that schal belieue in hym, schal not be confoundid.

¹² And hym that schal ouercome, Y schal make a pilere in the temple of my God, and he schal no more go out; and Y schal write on hym the name of my God, and the name of the citee of my God, of the newe Jerusalem, that cometh doun fro heuene of my God, and my newe name.