Proverbs 24:6 Cross References - Wycliffe

⁶ For whi batel is bigunnun with ordenaunce, and helthe schal be, where many counsels ben.

¹⁴ Where a gouernour is not, the puple schal falle; but helthe `of the puple is, where ben many counsels.

²² Thouytis ben distried, where no counsel is; but where many counseleris ben, tho ben confermyd.

¹⁸ Thouytis ben maad strong bi counselis; and bateils schulen be tretid bi gouernals.

³¹ Or what kyng that wole go to do a bataile ayens anothir kyng, whether he sittith not first, and bithenkith, if he may with ten thousynde go ayens hym that cometh ayens hym with twenti thousynde?

²⁵ Ech man that stryueth in fiyt, absteyneth hym fro alle thingis; and thei, that thei take a corruptible coroun, but we an vncorrupt. ²⁶ Therfor Y renne so, not as `in to vncerteyn thing; thus Y fiyte, not as betynge the eir; ²⁷ but Y chastise my bodi, and bryng it in to seruage; lest perauenture whanne Y preche to othere, Y my silf be maad repreuable.

¹⁰ Her aftirward, britheren, be ye coumfortid in the Lord, and in the miyt of his vertu. ¹¹ Clothe you with the armere of God, that ye moun stonde ayens aspiynges of the deuel. ¹² For whi stryuyng is not to vs ayens fleisch and blood, but ayens princis and potestatis, ayens gouernours of the world of these derknessis, ayens spiritual thingis of wickidnesse, in heuenli thingis. ¹³ Therfor take ye the armere of God, that ye moun ayenstonde in the yuel dai; and in alle thingis stonde perfit. ¹⁴ Therfor stonde ye, and be gird aboute youre leendis in sothefastnesse, and clothid with the haburioun of riytwisnesse, ¹⁵ and youre feet schood in making redi of the gospel of pees. ¹⁶ In alle thingis take ye the scheld of feith, in which ye moun quenche alle the firy dartis of `the worste. ¹⁷ And take ye the helm of helthe, and the swerd of the Goost, that is, the word of God. ¹⁸ Bi al preier and bisechyng preie ye al tyme in spirit, and in hym wakinge in al bisynesse, and bisechyng for alle hooli men, and for me; ¹⁹ that word be youun to me in openyng of my mouth, with trist to make knowun the mysterie of the gospel, ²⁰ for which Y am set in message in a chayne; so that in it Y be hardi to speke, as it bihoueth me.

¹¹ But, thou, man of God, fle these thingis; but sue thou riytwisnesse, pite, feith, charite, pacience, myldenesse. ¹² Stryue thou a good strijf of feith, catche euerlastinge lijf, in to which thou art clepid, and hast knoulechid a good knouleching bifor many witnessis.

⁷ Y haue stryuun a good strijf, Y haue endid the cours, Y haue kept the feith.