Mark 16:1 Cross References - Vulgate

¹ et cum transisset sabbatum Maria Magdalene et Maria Iacobi et Salome emerunt aromata ut venientes unguerent eum

¹⁴ et sepelierunt eum in sepulchro suo quod foderat sibi in civitate David posueruntque eum super lectulum suum plenum aromatibus et unguentis meretriciis quae erant pigmentariorum arte confecta et conbuserunt super eum ambitione nimia

¹ vespere autem sabbati quae lucescit in primam sabbati venit Maria Magdalene et altera Maria videre sepulchrum ² et ecce terraemotus factus est magnus angelus enim Domini descendit de caelo et accedens revolvit lapidem et sedebat super eum ³ erat autem aspectus eius sicut fulgur et vestimentum eius sicut nix ⁴ prae timore autem eius exterriti sunt custodes et facti sunt velut mortui ⁵ respondens autem angelus dixit mulieribus nolite timere vos scio enim quod Iesum qui crucifixus est quaeritis ⁶ non est hic surrexit enim sicut dixit venite videte locum ubi positus erat Dominus ⁷ et cito euntes dicite discipulis eius quia surrexit et ecce praecedit vos in Galilaeam ibi eum videbitis ecce praedixi vobis ⁸ et exierunt cito de monumento cum timore et magno gaudio currentes nuntiare discipulis eius ⁹ et ecce Iesus occurrit illis dicens havete illae autem accesserunt et tenuerunt pedes eius et adoraverunt eum ¹⁰ tunc ait illis Iesus nolite timere ite nuntiate fratribus meis ut eant in Galilaeam ibi me videbunt

³ et cum esset Bethaniae in domo Simonis leprosi et recumberet venit mulier habens alabastrum unguenti nardi spicati pretiosi et fracto alabastro effudit super caput eius

⁸ quod habuit haec fecit praevenit unguere corpus meum in sepulturam

⁴⁰ erant autem et mulieres de longe aspicientes inter quas et Maria Magdalene et Maria Iacobi minoris et Ioseph mater et Salome

⁴² et cum iam sero esset factum quia erat parasceve quod est ante sabbatum

⁴⁷ Maria autem Magdalene et Maria Ioseph aspiciebant ubi poneretur

⁴ et respicientes vident revolutum lapidem erat quippe magnus valde ⁵ et introeuntes in monumento viderunt iuvenem sedentem in dextris coopertum stola candida et obstipuerunt

⁸ at illae exeuntes fugerunt de monumento invaserat enim eas tremor et pavor et nemini quicquam dixerunt timebant enim

⁵⁴ et dies erat parasceves et sabbatum inlucescebat

⁵⁶ et revertentes paraverunt aromata et unguenta et sabbato quidem siluerunt secundum mandatum

²⁵ stabant autem iuxta crucem Iesu mater eius et soror matris eius Maria Cleopae et Maria Magdalene

³¹ Iudaei ergo quoniam parasceve erat ut non remanerent in cruce corpora sabbato erat enim magnus dies ille sabbati rogaverunt Pilatum ut frangerentur eorum crura et tollerentur

³⁹ venit autem et Nicodemus qui venerat ad Iesum nocte primum ferens mixturam murrae et aloes quasi libras centum ⁴⁰ acceperunt ergo corpus Iesu et ligaverunt eum linteis cum aromatibus sicut mos Iudaeis est sepelire

¹ una autem sabbati Maria Magdalene venit mane cum adhuc tenebrae essent ad monumentum et videt lapidem sublatum a monumento ² cucurrit ergo et venit ad Simonem Petrum et ad alium discipulum quem amabat Iesus et dicit eis tulerunt Dominum de monumento et nescimus ubi posuerunt eum ³ exiit ergo Petrus et ille alius discipulus et venerunt ad monumentum ⁴ currebant autem duo simul et ille alius discipulus praecucurrit citius Petro et venit primus ad monumentum ⁵ et cum se inclinasset videt posita linteamina non tamen introivit ⁶ venit ergo Simon Petrus sequens eum et introivit in monumentum et videt linteamina posita ⁷ et sudarium quod fuerat super caput eius non cum linteaminibus positum sed separatim involutum in unum locum ⁸ tunc ergo introivit et ille discipulus qui venerat primus ad monumentum et vidit et credidit ⁹ nondum enim sciebant scripturam quia oportet eum a mortuis resurgere ¹⁰ abierunt ergo iterum ad semet ipsos discipuli