1 Timothy 2 Cross References - Vulgate

¹ obsecro igitur primo omnium fieri obsecrationes orationes postulationes gratiarum actiones pro omnibus hominibus ² pro regibus et omnibus qui in sublimitate sunt ut quietam et tranquillam vitam agamus in omni pietate et castitate ³ hoc enim bonum est et acceptum coram salutari nostro Deo ⁴ qui omnes homines vult salvos fieri et ad agnitionem veritatis venire ⁵ unus enim Deus unus et mediator Dei et hominum homo Christus Iesus ⁶ qui dedit redemptionem semet ipsum pro omnibus testimonium temporibus suis ⁷ in quo positus sum ego praedicator et apostolus veritatem dico non mentior doctor gentium in fide et veritate ⁸ volo ergo viros orare in omni loco levantes puras manus sine ira et disceptatione ⁹ similiter et mulieres in habitu ornato cum verecundia et sobrietate ornantes se non in tortis crinibus aut auro aut margaritis vel veste pretiosa ¹⁰ sed quod decet mulieres promittentes pietatem per opera bona ¹¹ mulier in silentio discat cum omni subiectione ¹² docere autem mulieri non permitto neque dominari in virum sed esse in silentio ¹³ Adam enim primus formatus est deinde Eva ¹⁴ et Adam non est seductus mulier autem seducta in praevaricatione fuit ¹⁵ salvabitur autem per filiorum generationem si permanserint in fide et dilectione et sanctificatione cum sobrietate

²⁷ et creavit Deus hominem ad imaginem suam ad imaginem Dei creavit illum masculum et feminam creavit eos

⁷ formavit igitur Dominus Deus hominem de limo terrae et inspiravit in faciem eius spiraculum vitae et factus est homo in animam viventem

¹⁸ dixit quoque Dominus Deus non est bonum esse hominem solum faciamus ei adiutorium similem sui

²² et aedificavit Dominus Deus costam quam tulerat de Adam in mulierem et adduxit eam ad Adam

⁶ vidit igitur mulier quod bonum esset lignum ad vescendum et pulchrum oculis aspectuque delectabile et tulit de fructu illius et comedit deditque viro suo qui comedit

¹² dixitque Adam mulier quam dedisti sociam mihi dedit mihi de ligno et comedi ¹³ et dixit Dominus Deus ad mulierem quare hoc fecisti quae respondit serpens decepit me et comedi

¹⁵ inimicitias ponam inter te et mulierem et semen tuum et semen illius ipsa conteret caput tuum et tu insidiaberis calcaneo eius ¹⁶ mulieri quoque dixit multiplicabo aerumnas tuas et conceptus tuos in dolore paries filios et sub viri potestate eris et ipse dominabitur tui

¹⁶ mulieri quoque dixit multiplicabo aerumnas tuas et conceptus tuos in dolore paries filios et sub viri potestate eris et ipse dominabitur tui

²³ et adpropinquans ait numquid perdes iustum cum impio ²⁴ si fuerint quinquaginta iusti in civitate peribunt simul et non parces loco illi propter quinquaginta iustos si fuerint in eo ²⁵ absit a te ut rem hanc facias et occidas iustum cum impio fiatque iustus sicut impius non est hoc tuum qui iudicas omnem terram nequaquam facies iudicium ²⁶ dixitque Dominus ad eum si invenero Sodomis quinquaginta iustos in medio civitatis dimittam omni loco propter eos ²⁷ respondens Abraham ait quia semel coepi loquar ad Dominum meum cum sim pulvis et cinis ²⁸ quid si minus quinquaginta iustis quinque fuerint delebis propter quinque universam urbem et ait non delebo si invenero ibi quadraginta quinque ²⁹ rursumque locutus est ad eum sin autem quadraginta inventi fuerint quid facies ait non percutiam propter quadraginta ³⁰ ne quaeso inquit indigneris Domine si loquar quid si inventi fuerint ibi triginta respondit non faciam si invenero ibi triginta ³¹ quia semel ait coepi loquar ad Dominum meum quid si inventi fuerint ibi viginti dixit non interficiam propter viginti ³² obsecro inquit ne irascaris Domine si loquar adhuc semel quid si inventi fuerint ibi decem dixit non delebo propter decem

⁵³ prolatisque vasis argenteis et aureis ac vestibus dedit ea Rebeccae pro munere fratribus quoque eius et matri dona obtulit

¹⁴ Isachar asinus fortis accubans inter terminos ¹⁵ vidit requiem quod esset bona et terram quod optima et subposuit umerum suum ad portandum factusque est tributis serviens

²² obtulit mente promptissima atque devota primitias Domino ad faciendum opus tabernaculi testimonii quicquid in cultum et ad vestes sanctas necessarium erat ²³ viri cum mulieribus praebuerunt armillas et inaures anulos et dextralia omne vas aureum in donaria Domini separatum est

⁴ audi Israhel Dominus Deus noster Dominus unus est

¹⁹ nonne ego sum quae respondeo veritatem Israhel et tu quaeris subruere civitatem et evertere matrem in Israhel quare praecipitas hereditatem Domini

¹¹ et dixit Deus Salomoni quia postulasti verbum hoc et non petisti tibi dies multos nec divitias aut animam inimicorum tuorum sed postulasti tibi sapientiam ad discernendum iudicium

⁴¹ insuper et alienigena qui non est de populo tuo Israhel cum venerit de terra longinqua propter nomen tuum audietur enim nomen tuum magnum et manus tua fortis et brachium tuum ⁴² extentum ubique cum venerit ergo et oraverit in loco hoc ⁴³ tu exaudies in caelo in firmamento habitaculi tui et facies omnia pro quibus invocaverit te alienigena ut discant universi populi terrarum nomen tuum timere sicut populus tuus Israhel et probent quia nomen tuum invocatum est super domum hanc quam aedificavi

³⁰ venit Hieu Hiezrahel porro Hiezabel introitu eius audito depinxit oculos suos stibio et ornavit caput suum et respexit per fenestram

¹¹ idcirco superinduxit eis principes exercitus regis Assyriorum ceperuntque Manassen et vinctum catenis atque conpedibus duxerunt Babylonem ¹² qui postquam coangustatus est oravit Dominum Deum suum et egit paenitentiam valde coram Deo patrum suorum

¹⁰ et offerant oblationes Deo caeli orentque pro vita regis et filiorum eius

¹¹ obsecro Domine sit auris tua adtendens ad orationem servi tui et ad orationem servorum tuorum qui volunt timere nomen tuum et dirige servum tuum hodie et da ei misericordiam ante virum hunc ego enim eram pincerna regis

²⁰ et hoc in omne quod latissimum est provinciarum tuarum divulgetur imperium et cunctae uxores tam maiorum quam minorum deferant maritis suis

¹ { die autem tertio induta est Hester regalibus vestimentis et stetit in atrio domus regiae quod erat interius contra basilicam regis at ille sedebat super solium in consistorio palatii contra ostium domus}

³³ non est qui utrumque valeat arguere et ponere manum suam in ambobus

¹⁷ haec passus sum absque iniquitate manus meae cum haberem mundas ad Deum preces

²⁴ miserebitur eius et dicet libera eum et non descendat in corruptionem inveni in quo ei propitier

¹ victori canticum David exaudiat te Dominus in die tribulationis protegat te nomen Dei Iacob ² mittat tibi auxilium de sancto et de Sion roboret te ³ memor sit omnis sacrificii tui et holocaustum tuum pingue fiat semper ⁴ det tibi secundum cor tuum et omnem voluntatem tuam impleat

⁴ innocens manibus et mundo corde qui non exaltavit frustra animam suam et non iuravit dolose

⁶ lavabo in innocentia manus meas et circuibo altare tuum Domine

¹³ ego autem cum infirmarer ab eis induebar cilicio humiliabam in ieiunio animam meam et oratio mea ad sinum meum revertetur

¹³ omnis gloria filiae regis intrinsecus fasceis aureis vestita est ¹⁴ in scutulatis ducetur ad regem virgines sequentur eam amicae eius ducentur illuc

⁴ quasi adipe et pinguidine implebitur anima mea et labiis laudantibus canet os meum

¹⁸ ideo exaudivit Deus et adtendit vocem deprecationis meae

¹ ut nota fiat in terra via tua in universis gentibus salus tua ² confiteantur tibi populi Deus confiteantur tibi populi omnes ³ laetentur et laudent gentes quoniam iudicas populos in aequitate et gentium quae in terra sunt ductor es sempiternus ⁴ confiteantur tibi populi Deus confiteantur tibi populi omnes

¹ adsument montes pacem populo et colles iustitiam

¹⁹ canticum Asaph attamen bonus est Israhel Deus his qui mundo sunt corde

⁷ lameth ut det eis hereditatem gentium mem opus manuum eius veritas et iudicium

¹ canticum graduum de profundis clamavi ad te Domine ² Domine exaudi vocem meam fiant aures tuae intendentes ad vocem deprecationis meae

² in noctibus levate manus vestras ad sanctum et benedicite Domino

⁴ quia conplacet sibi Dominus in populo suo exaltabit mansuetos in Iesu

¹⁰ et ecce mulier occurrit illi ornatu meretricio praeparata ad capiendas animas garrula et vaga

⁸ victimae impiorum abominabiles Domino vota iustorum placabilia

²⁷ hostiae impiorum abominabiles quia offeruntur ex scelere

²¹ time Dominum fili mi et regem et cum detractoribus non commiscearis

²² mem stragulam vestem fecit sibi byssus et purpura indumentum eius

³¹ thau date ei de fructu manuum suarum et laudent eam in portis opera eius

¹ verba Ecclesiastes filii David regis Hierusalem ² vanitas vanitatum dixit Ecclesiastes vanitas vanitatum omnia vanitas

¹² ego Ecclesiastes fui rex Israhel in Hierusalem

¹² et cognovi quod non esset melius nisi laetari et facere bene in vita sua ¹³ omnis enim homo qui comedit et bibit et videt bonum de labore suo hoc donum Dei est

²⁷ ecce hoc inveni dicit Ecclesiastes unum et alterum ut invenirem rationem

² ego os regis observo et praecepta iuramenti Dei ³ ne festines recedere a facie eius neque permaneas in opere malo quia omne quod voluerit faciet ⁴ et sermo illius potestate plenus est nec dicere ei quisquam potest quare ita facis ⁵ qui custodit praeceptum non experietur quicquam mali tempus et responsionem cor sapientis intellegit

⁸ vanitas vanitatum dixit Ecclesiastes omnia vanitas ⁹ cumque esset sapientissimus Ecclesiastes docuit populum et enarravit quae fecerit et investigans conposuit parabolas multas ¹⁰ quaesivit verba utilia et conscripsit sermones rectissimos ac veritate plenos

¹⁵ et cum extenderitis manus vestras avertam oculos meos a vobis et cum multiplicaveritis orationem non audiam manus vestrae sanguine plenae sunt

¹⁶ et dixit Dominus pro eo quod elevatae sunt filiae Sion et ambulaverunt extento collo et nutibus oculorum ibant et plaudebant ambulabant et in pedibus suis conposito gradu incedebant

¹⁸ in die illa auferet Dominus ornatum calciamentorum et lunulas ¹⁹ et torques et monilia et armillas et mitras ²⁰ discriminalia et periscelidas et murenulas et olfactoriola et inaures ²¹ et anulos et gemmas in fronte pendentes ²² et mutatoria et pallia et linteamina et acus ²³ et specula et sindones et vittas et theristra ²⁴ et erit pro suavi odore fetor et pro zona funiculus et pro crispanti crine calvitium et pro fascia pectorali cilicium

¹⁴ propter hoc dabit Dominus ipse vobis signum ecce virgo concipiet et pariet filium et vocabitis nomen eius Emmanuhel

⁶ parvulus enim natus est nobis filius datus est nobis et factus est principatus super umerum eius et vocabitur nomen eius Admirabilis consiliarius Deus fortis Pater futuri saeculi Princeps pacis

⁶ haec dicit Dominus rex Israhel et redemptor eius Dominus exercituum ego primus et ego novissimus et absque me non est deus

²¹ adnuntiate et venite et consiliamini simul quis auditum fecit hoc ab initio ex tunc praedixit illud numquid non ego Dominus et non est ultra Deus absque me Deus iustus et salvans non est praeter me ²² convertimini ad me et salvi eritis omnes fines terrae quia ego Deus et non est alius

⁶ et dixit parum est ut sis mihi servus ad suscitandas tribus Iacob et feces Israhel convertendas dedi te in lucem gentium ut sis salus mea usque ad extremum terrae

⁶ omnes nos quasi oves erravimus unusquisque in viam suam declinavit et Dominus posuit in eo iniquitatem omnium nostrum

¹¹ pro eo quod laboravit anima eius videbit et saturabitur in scientia sua iustificabit ipse iustus servus meus multos et iniquitates eorum ipse portabit

¹ o omnes sitientes venite ad aquas et qui non habetis argentum properate emite et comedite venite emite absque argento et absque ulla commutatione vinum et lac

⁷ frange esurienti panem tuum et egenos vagosque induc in domum tuam cum videris nudum operi eum et carnem tuam ne despexeris ⁸ tunc erumpet quasi mane lumen tuum et sanitas tua citius orietur et anteibit faciem tuam iustitia tua et gloria Domini colliget te ⁹ tunc invocabis et Dominus exaudiet clamabis et dicet ecce adsum si abstuleris de medio tui catenam et desieris digitum extendere et loqui quod non prodest ¹⁰ cum effuderis esurienti animam tuam et animam adflictam repleveris orietur in tenebris lux tua et tenebrae tuae erunt sicut meridies ¹¹ et requiem tibi dabit Dominus semper et implebit splendoribus animam tuam et ossa tua liberabit et eris quasi hortus inriguus et sicut fons aquarum cuius non deficient aquae

⁴ et aedificabunt deserta a saeculo et ruinas antiquas erigent et instaurabunt civitates desertas dissipatas in generationem et generationem

³² numquid obliviscitur virgo ornamenti sui sponsa fasciae pectoralis suae populus vero meus oblitus est mei diebus innumeris

³⁰ tu autem vastata quid facies cum vestieris te coccino cum ornata fueris monili aureo et pinxeris stibio oculos tuos frustra conponeris contempserunt te amatores tui animam tuam quaerent

⁹ furari occidere adulterare iurare mendaciter libare Baali et ire post deos alienos quos ignoratis ¹⁰ et venistis et stetistis coram me in domo hac in qua invocatum est nomen meum et dixistis liberati sumus eo quod fecerimus omnes abominationes istas

⁷ et quaerite pacem civitatis ad quam transmigrare vos feci et orate pro ea ad Dominum quia in pace illius erit pax vobis

²² usquequo deliciis dissolveris filia vaga quia creavit Dominus novum super terram femina circumdabit virum

⁵⁵ COPH invocavi nomen tuum Domine de lacis novissimis ⁵⁶ COPH vocem meam audisti ne avertas aurem tuam a singultu meo et clamoribus

⁹ et lavi te aqua et emundavi sanguinem tuum ex te et unxi te oleo ¹⁰ et vestivi te discoloribus et calciavi te ianthino et cinxi te bysso et indui te subtilibus ¹¹ et ornavi te ornamento et dedi armillas in manibus tuis et torquem circa collum tuum ¹² et dedi inaurem super os tuum et circulos auribus tuis et coronam decoris in capite tuo ¹³ et ornata es auro et argento et vestita es bysso et polymito et multicoloribus similam et mel et oleum comedisti et decora facta es vehementer nimis et profecisti in regnum ¹⁴ et egressum est nomen tuum in gentes propter speciem tuam quia perfecta eras in decore meo quem posueram super te dicit Dominus Deus ¹⁵ et habens fiduciam in pulchritudine tua fornicata es in nomine tuo et exposuisti fornicationem tuam omni transeunti ut eius fieres ¹⁶ et sumens de vestimentis meis fecisti tibi excelsa hinc inde consuta et fornicata es super eis sicut non est factum neque futurum est

²³ numquid voluntatis meae est mors impii dicit Dominus Deus et non ut convertatur a viis suis et vivat

³² quia nolo mortem morientis dicit Dominus Deus revertimini et vivite

¹¹ dic ad eos vivo ego dicit Dominus Deus nolo mortem impii sed ut revertatur impius a via sua et vivat convertimini a viis vestris pessimis et quare moriemini domus Israhel

¹ et oravit Iona ad Dominum Deum suum de utero piscis ² et dixit clamavi de tribulatione mea ad Dominum et exaudivit me de ventre inferni clamavi et exaudisti vocem meam

¹⁴ quia replebitur terra ut cognoscat gloriam Domini quasi aquae operientes mare

⁹ et nunc deprecamini vultum Dei ut misereatur vestri de manu enim vestra factum est hoc si quo modo suscipiat facies vestras dicit Dominus exercituum ¹⁰ quis est in vobis qui claudat ostia et incendat altare meum gratuito non est mihi voluntas in vobis dicit Dominus exercituum et munus non suscipiam de manu vestra ¹¹ ab ortu enim solis usque ad occasum magnum est nomen meum in gentibus et in omni loco sacrificatur et offertur nomini meo oblatio munda quia magnum nomen meum in gentibus dicit Dominus exercituum

²¹ pariet autem filium et vocabis nomen eius Iesum ipse enim salvum faciet populum suum a peccatis eorum ²² hoc autem totum factum est ut adimpleretur id quod dictum est a Domino per prophetam dicentem ²³ ecce virgo in utero habebit et pariet filium et vocabunt nomen eius Emmanuhel quod est interpretatum Nobiscum Deus

²³ ecce virgo in utero habebit et pariet filium et vocabunt nomen eius Emmanuhel quod est interpretatum Nobiscum Deus ²⁴ exsurgens autem Ioseph a somno fecit sicut praecepit ei angelus Domini et accepit coniugem suam ²⁵ et non cognoscebat eam donec peperit filium suum primogenitum et vocavit nomen eius Iesum

²² ego autem dico vobis quia omnis qui irascitur fratri suo reus erit iudicio qui autem dixerit fratri suo racha reus erit concilio qui autem dixerit fatue reus erit gehennae ignis ²³ si ergo offeres munus tuum ad altare et ibi recordatus fueris quia frater tuus habet aliquid adversum te ²⁴ relinque ibi munus tuum ante altare et vade prius reconciliare fratri tuo et tunc veniens offers munus tuum

⁴⁴ ego autem dico vobis diligite inimicos vestros benefacite his qui oderunt vos et orate pro persequentibus et calumniantibus vos

⁹ sic ergo vos orabitis Pater noster qui in caelis es sanctificetur nomen tuum ¹⁰ veniat regnum tuum fiat voluntas tua sicut in caelo et in terra

¹² et dimitte nobis debita nostra sicut et nos dimisimus debitoribus nostris

¹⁴ si enim dimiseritis hominibus peccata eorum dimittet et vobis Pater vester caelestis delicta vestra ¹⁵ si autem non dimiseritis hominibus nec Pater vester dimittet peccata vestra

²⁸ et de vestimento quid solliciti estis considerate lilia agri quomodo crescunt non laborant nec nent ²⁹ dico autem vobis quoniam nec Salomon in omni gloria sua coopertus est sicut unum ex istis

⁸ sed quid existis videre hominem mollibus vestitum ecce qui mollibus vestiuntur in domibus regum sunt

²⁸ sicut Filius hominis non venit ministrari sed ministrare et dare animam suam redemptionem pro multis

²¹ respondens autem Iesus ait eis amen dico vobis si habueritis fidem et non haesitaveritis non solum de ficulnea facietis sed et si monti huic dixeritis tolle et iacta te in mare fiet

¹⁹ euntes ergo docete omnes gentes baptizantes eos in nomine Patris et Filii et Spiritus Sancti

⁴⁵ nam et Filius hominis non venit ut ministraretur ei sed ut ministraret et daret animam suam redemptionem pro multis

²³ amen dico vobis quicumque dixerit huic monti tollere et mittere in mare et non haesitaverit in corde suo sed crediderit quia quodcumque dixerit fiat fiet ei ²⁴ propterea dico vobis omnia quaecumque orantes petitis credite quia accipietis et veniet vobis ²⁵ et cum stabitis ad orandum dimittite si quid habetis adversus aliquem ut et Pater vester qui in caelis est dimittat vobis peccata vestra

²⁹ Iesus autem respondit ei quia primum omnium mandatum est audi Israhel Dominus Deus noster Deus unus est ³⁰ et diliges Dominum Deum tuum ex toto corde tuo et ex tota anima tua et ex tota mente tua et ex tota virtute tua hoc est primum mandatum ³¹ secundum autem simile illi diliges proximum tuum tamquam te ipsum maius horum aliud mandatum non est ³² et ait illi scriba bene magister in veritate dixisti quia unus est et non est alius praeter eum ³³ et ut diligatur ex toto corde et ex toto intellectu et ex tota anima et ex tota fortitudine et diligere proximum tamquam se ipsum maius est omnibus holocaustomatibus et sacrificiis

¹⁵ et dixit eis euntes in mundum universum praedicate evangelium omni creaturae

⁶ erant autem iusti ambo ante Deum incedentes in omnibus mandatis et iustificationibus Domini sine querella

⁴⁷ et exultavit spiritus meus in Deo salutari meo

⁷⁷ ad dandam scientiam salutis plebi eius in remissionem peccatorum eorum

⁷ et peperit filium suum primogenitum et pannis eum involvit et reclinavit eum in praesepio quia non erat eis locus in diversorio

¹⁰ et dixit illis angelus nolite timere ecce enim evangelizo vobis gaudium magnum quod erit omni populo ¹¹ quia natus est vobis hodie salvator qui est Christus Dominus in civitate David

²⁵ et ecce homo erat in Hierusalem cui nomen Symeon et homo iste iustus et timoratus expectans consolationem Israhel et Spiritus Sanctus erat in eo

²³ et ait dominus servo exi in vias et sepes et conpelle intrare ut impleatur domus mea

³⁴ Iesus autem dicebat Pater dimitte illis non enim sciunt quid faciunt dividentes vero vestimenta eius miserunt sortes

⁴² et dicebat ad Iesum Domine memento mei cum veneris in regnum tuum ⁴³ et dixit illi Iesus amen dico tibi hodie mecum eris in paradiso

⁴⁷ et praedicari in nomine eius paenitentiam et remissionem peccatorum in omnes gentes incipientibus ab Hierosolyma

⁵⁰ eduxit autem eos foras in Bethaniam et elevatis manibus suis benedixit eis

¹⁴ et Verbum caro factum est et habitavit in nobis et vidimus gloriam eius gloriam quasi unigeniti a Patre plenum gratiae et veritatis

¹⁵ ut omnis qui credit in ipso non pereat sed habeat vitam aeternam ¹⁶ sic enim dilexit Deus mundum ut Filium suum unigenitum daret ut omnis qui credit in eum non pereat sed habeat vitam aeternam ¹⁷ non enim misit Deus Filium suum in mundum ut iudicet mundum sed ut salvetur mundus per ipsum

²¹ dicit ei Iesus mulier crede mihi quia veniet hora quando neque in monte hoc neque in Hierosolymis adorabitis Patrem

²³ sed venit hora et nunc est quando veri adoratores adorabunt Patrem in spiritu et veritate nam et Pater tales quaerit qui adorent eum ²⁴ spiritus est Deus et eos qui adorant eum in spiritu et veritate oportet adorare

³⁷ omne quod dat mihi Pater ad me veniet et eum qui venit ad me non eiciam foras

⁵¹ si quis manducaverit ex hoc pane vivet in aeternum et panis quem ego dabo caro mea est pro mundi vita

³⁵ dixerunt ergo Iudaei ad se ipsos quo hic iturus est quia non inveniemus eum numquid in dispersionem gentium iturus est et docturus gentes

¹⁵ sicut novit me Pater et ego agnosco Patrem et animam meam pono pro ovibus

⁶ dicit ei Iesus ego sum via et veritas et vita nemo venit ad Patrem nisi per me

³ haec est autem vita aeterna ut cognoscant te solum verum Deum et quem misisti Iesum Christum

¹⁷ sanctifica eos in veritate sermo tuus veritas est

⁶⁰ positis autem genibus clamavit voce magna Domine ne statuas illis hoc peccatum et cum hoc dixisset obdormivit Saulus autem erat consentiens neci eius

¹⁵ dixit autem ad eum Dominus vade quoniam vas electionis est mihi iste ut portet nomen meum coram gentibus et regibus et filiis Israhel

³⁶ in Ioppe autem fuit quaedam discipula nomine Tabitas quae interpretata dicitur Dorcas haec erat plena operibus bonis et elemosynis quas faciebat

³⁹ exsurgens autem Petrus venit cum illis et cum advenisset duxerunt illum in cenaculum et circumsteterunt illum omnes viduae flentes et ostendentes tunicas et vestes quas faciebat illis Dorcas

² religiosus et timens Deum cum omni domo sua faciens elemosynas multas plebi et deprecans Deum semper

⁴ at ille intuens eum timore correptus dixit quid est domine dixit autem illi orationes tuae et elemosynae tuae ascenderunt in memoriam in conspectu Dei

²² qui dixerunt Cornelius centurio vir iustus et timens Deum et testimonium habens ab universa gente Iudaeorum responsum accepit ab angelo sancto accersire te in domum suam et audire verba abs te

³¹ Corneli exaudita est oratio tua et elemosynae tuae commemoratae sunt in conspectu Dei

²⁷ cum autem venissent et congregassent ecclesiam rettulerunt quanta fecisset Deus cum illis quia aperuisset gentibus ostium fidei

³⁰ et tempora quidem huius ignorantiae despiciens Deus nunc adnuntiat hominibus ut omnes ubique paenitentiam agant

⁵ et explicitis diebus profecti ibamus deducentibus nos omnibus cum uxoribus et filiis usque foras civitatem et positis genibus in litore oravimus

²¹ et dixit ad me vade quoniam ego in nationes longe mittam te

¹⁶ in hoc et ipse studeo sine offendiculo conscientiam habere ad Deum et ad homines semper

¹⁷ eripiens te de populo et gentibus in quas nunc ego mitto te ¹⁸ aperire oculos eorum ut convertantur a tenebris ad lucem et de potestate Satanae ad Deum ut accipiant remissionem peccatorum et sortem inter sanctos per fidem quae est in me

²⁰ sed his qui sunt Damasci primum et Hierosolymis et in omnem regionem Iudaeae et gentibus adnuntiabam ut paenitentiam agerent et converterentur ad Deum digna paenitentiae opera facientes

⁸ primum quidem gratias ago Deo meo per Iesum Christum pro omnibus vobis quia fides vestra adnuntiatur in universo mundo ⁹ testis enim mihi est Deus cui servio in spiritu meo in evangelio Filii eius quod sine intermissione memoriam vestri facio

²⁹ an Iudaeorum Deus tantum nonne et gentium immo et gentium ³⁰ quoniam quidem unus Deus qui iustificabit circumcisionem ex fide et praeputium per fidem

⁶ ut quid enim Christus cum adhuc infirmi essemus secundum tempus pro impiis mortuus est

¹⁷ gratias autem Deo quod fuistis servi peccati oboedistis autem ex corde in eam formam doctrinae in qua traditi estis

¹ veritatem dico in Christo non mentior testimonium mihi perhibente conscientia mea in Spiritu Sancto

¹² non enim est distinctio Iudaei et Graeci nam idem Dominus omnium dives in omnes qui invocant illum

¹² non enim est distinctio Iudaei et Graeci nam idem Dominus omnium dives in omnes qui invocant illum ¹³ omnis enim quicumque invocaverit nomen Domini salvus erit ¹⁴ quomodo ergo invocabunt in quem non crediderunt aut quomodo credent ei quem non audierunt quomodo autem audient sine praedicante

¹⁴ quomodo ergo invocabunt in quem non crediderunt aut quomodo credent ei quem non audierunt quomodo autem audient sine praedicante ¹⁵ quomodo vero praedicabunt nisi mittantur sicut scriptum est quam speciosi pedes evangelizantium pacem evangelizantium bona

¹³ vobis enim dico gentibus quamdiu quidem ego sum gentium apostolus ministerium meum honorificabo

¹ obsecro itaque vos fratres per misericordiam Dei ut exhibeatis corpora vestra hostiam viventem sanctam Deo placentem rationabile obsequium vestrum ² et nolite conformari huic saeculo sed reformamini in novitate sensus vestri ut probetis quae sit voluntas Dei bona et placens et perfecta

¹⁸ si fieri potest quod ex vobis est cum omnibus hominibus pacem habentes

¹ omnis anima potestatibus sublimioribus subdita sit non est enim potestas nisi a Deo quae autem sunt a Deo ordinatae sunt ² itaque qui resistit potestati Dei ordinationi resistit qui autem resistunt ipsi sibi damnationem adquirunt ³ nam principes non sunt timori boni operis sed mali vis autem non timere potestatem bonum fac et habebis laudem ex illa ⁴ Dei enim minister est tibi in bonum si autem male feceris time non enim sine causa gladium portat Dei enim minister est vindex in iram ei qui malum agit ⁵ ideo necessitate subditi estote non solum propter iram sed et propter conscientiam ⁶ ideo enim et tributa praestatis ministri enim Dei sunt in hoc ipsum servientes ⁷ reddite omnibus debita cui tributum tributum cui vectigal vectigal cui timorem timorem cui honorem honorem

¹⁸ qui enim in hoc servit Christo placet Deo et probatus est hominibus

¹⁶ ut sim minister Christi Iesu in gentibus sanctificans evangelium Dei ut fiat oblatio gentium accepta sanctificata in Spiritu Sancto

²⁶ quod nunc patefactum est per scripturas prophetarum secundum praeceptum aeterni Dei ad oboeditionem fidei in cunctis gentibus cognito

⁶ sicut testimonium Christi confirmatum est in vobis

⁷ volo autem omnes homines esse sicut me ipsum sed unusquisque proprium habet donum ex Deo alius quidem sic alius vero sic

⁴ de escis autem quae idolis immolantur scimus quia nihil est idolum in mundo et quod nullus Deus nisi unus

⁶ nobis tamen unus Deus Pater ex quo omnia et nos in illum et unus Dominus Iesus Christus per quem omnia et nos per ipsum

³ volo autem vos scire quod omnis viri caput Christus est caput autem mulieris vir caput vero Christi Deus

⁸ non enim vir ex muliere est sed mulier ex viro ⁹ etenim non est creatus vir propter mulierem sed mulier propter virum

³⁴ mulieres in ecclesiis taceant non enim permittitur eis loqui sed subditas esse sicut et lex dicit

³⁴ mulieres in ecclesiis taceant non enim permittitur eis loqui sed subditas esse sicut et lex dicit ³⁵ si quid autem volunt discere domi viros suos interrogent turpe est enim mulieri loqui in ecclesia

³ tradidi enim vobis in primis quod et accepi quoniam Christus mortuus est pro peccatis nostris secundum scripturas

⁴⁵ factus est primus homo Adam in animam viventem novissimus Adam in spiritum vivificantem ⁴⁶ sed non prius quod spiritale est sed quod animale est deinde quod spiritale ⁴⁷ primus homo de terra terrenus secundus homo de caelo caelestis

¹⁴ caritas enim Christi urget nos aestimantes hoc quoniam si unus pro omnibus mortuus est ergo omnes mortui sunt ¹⁵ et pro omnibus mortuus est ut et qui vivunt iam non sibi vivant sed ei qui pro ipsis mortuus est et resurrexit

¹⁷ si qua ergo in Christo nova creatura vetera transierunt ecce facta sunt nova ¹⁸ omnia autem ex Deo qui reconciliavit nos sibi per Christum et dedit nobis ministerium reconciliationis ¹⁹ quoniam quidem Deus erat in Christo mundum reconcilians sibi non reputans illis delicta ipsorum et posuit in nobis verbum reconciliationis

²¹ eum qui non noverat peccatum pro nobis peccatum fecit ut nos efficeremur iustitia Dei in ipso

⁶ ita ut rogaremus Titum ut quemadmodum coepit ita et perficiat in vos etiam gratiam istam

³ timeo autem ne sicut serpens Evam seduxit astutia sua ita corrumpantur sensus vestri et excidant a simplicitate quae est in Christo

³¹ Deus et Pater Domini Iesu scit qui est benedictus in saecula quod non mentior

¹⁶ ut revelaret Filium suum in me ut evangelizarem illum in gentibus continuo non adquievi carni et sanguini

²⁰ quae autem scribo vobis ecce coram Deo quia non mentior

⁹ et cum cognovissent gratiam quae data est mihi Iacobus et Cephas et Iohannes qui videbantur columnae esse dextras dederunt mihi et Barnabae societatis ut nos in gentes ipsi autem in circumcisionem

¹⁶ scientes autem quod non iustificatur homo ex operibus legis nisi per fidem Iesu Christi et nos in Christo Iesu credidimus ut iustificemur ex fide Christi et non ex operibus legis propter quod ex operibus legis non iustificabitur omnis caro

⁹ igitur qui ex fide sunt benedicentur cum fideli Abraham

²⁰ mediator autem unius non est Deus autem unus est

⁴ at ubi venit plenitudo temporis misit Deus Filium suum factum ex muliere factum sub lege

⁴ at ubi venit plenitudo temporis misit Deus Filium suum factum ex muliere factum sub lege ⁵ ut eos qui sub lege erant redimeret ut adoptionem filiorum reciperemus

⁷ in quo habemus redemptionem per sanguinem eius remissionem peccatorum secundum divitias gratiae eius

⁹ ut notum faceret nobis sacramentum voluntatis suae secundum bonum placitum eius quod proposuit in eo ¹⁰ in dispensationem plenitudinis temporum instaurare omnia in Christo quae in caelis et quae in terra sunt in ipso

¹⁷ ut Deus Domini nostri Iesu Christi Pater gloriae det vobis spiritum sapientiae et revelationis in agnitione eius

¹⁰ ipsius enim sumus factura creati in Christo Iesu in operibus bonis quae praeparavit Deus ut in illis ambulemus

⁵ quod aliis generationibus non est agnitum filiis hominum sicuti nunc revelatum est sanctis apostolis eius et prophetis in Spiritu

⁷ cuius factus sum minister secundum donum gratiae Dei quae data est mihi secundum operationem virtutis eius ⁸ mihi omnium sanctorum minimo data est gratia haec in gentibus evangelizare ininvestigabiles divitias Christi

¹³ propter quod peto ne deficiatis in tribulationibus meis pro vobis quae est gloria vestra

⁶ unus Deus et Pater omnium qui super omnes et per omnia et in omnibus nobis

² et ambulate in dilectione sicut et Christus dilexit nos et tradidit se ipsum pro nobis oblationem et hostiam Deo in odorem suavitatis

⁹ fructus enim lucis est in omni bonitate et iustitia et veritate ¹⁰ probantes quid sit beneplacitum Deo

²⁰ gratias agentes semper pro omnibus in nomine Domini nostri Iesu Christi Deo et Patri

²² mulieres viris suis subditae sint sicut Domino ²³ quoniam vir caput est mulieris sicut Christus caput est ecclesiae ipse salvator corporis ²⁴ sed ut ecclesia subiecta est Christo ita et mulieres viris suis in omnibus

³ gratias ago Deo meo in omni memoria vestri

¹¹ repleti fructu iustitiae per Christum Iesum in gloriam et laudem Dei

⁶ qui cum in forma Dei esset non rapinam arbitratus est esse se aequalem Deo ⁷ sed semet ipsum exinanivit formam servi accipiens in similitudinem hominum factus et habitu inventus ut homo ⁸ humiliavit semet ipsum factus oboediens usque ad mortem mortem autem crucis

⁸ de cetero fratres quaecumque sunt vera quaecumque pudica quaecumque iusta quaecumque sancta quaecumque amabilia quaecumque bonae famae si qua virtus si qua laus haec cogitate

¹⁸ habeo autem omnia et abundo repletus sum acceptis ab Epafrodito quae misistis odorem suavitatis hostiam acceptam placentem Deo

¹⁰ ut ambuletis digne Deo per omnia placentes in omni opere bono fructificantes et crescentes in scientia Dei

¹⁸ mulieres subditae estote viris sicut oportet in Domino

¹⁵ qui et Dominum occiderunt Iesum et prophetas et nos persecuti sunt et Deo non placent et omnibus hominibus adversantur ¹⁶ prohibentes nos gentibus loqui ut salvae fiant ut impleant peccata sua semper praevenit autem ira Dei super illos usque in finem

¹² vos autem Dominus multiplicet et abundare faciat caritatem in invicem et in omnes quemadmodum et nos in vobis

¹ de cetero ergo fratres rogamus vos et obsecramus in Domino Iesu ut quemadmodum accepistis a nobis quomodo vos oporteat ambulare et placere Deo sicut et ambulatis ut abundetis magis

¹¹ et operam detis ut quieti sitis et ut vestrum negotium agatis et operemini manibus vestris sicut praecepimus vobis

³ gratias agere debemus Deo semper pro vobis fratres ita ut dignum est quoniam supercrescit fides vestra et abundat caritas uniuscuiusque omnium vestrum in invicem

¹⁰ cum venerit glorificari in sanctis suis et admirabilis fieri in omnibus qui crediderunt quia creditum est testimonium nostrum super vos in die illo

¹ Paulus apostolus Christi Iesu secundum imperium Dei salvatoris nostri et Christi Iesu spei nostrae

⁵ finis autem praecepti est caritas de corde puro et conscientia bona et fide non ficta

¹¹ quae est secundum evangelium gloriae beati Dei quod creditum est mihi ¹² gratias ago ei qui me confortavit Christo Iesu Domino nostro quia fidelem me existimavit ponens in ministerio

¹⁴ superabundavit autem gratia Domini nostri cum fide et dilectione quae est in Christo Iesu

⁴ qui omnes homines vult salvos fieri et ad agnitionem veritatis venire

⁹ similiter et mulieres in habitu ornato cum verecundia et sobrietate ornantes se non in tortis crinibus aut auro aut margaritis vel veste pretiosa

¹⁰ in hoc enim laboramus et maledicimur quia speravimus in Deum vivum qui est salvator omnium hominum maxime fidelium

⁴ si qua autem vidua filios aut nepotes habet discant primum domum suam regere et mutuam vicem reddere parentibus hoc enim acceptum est coram Deo ⁵ quae autem vere vidua est et desolata speravit in Deum et instat obsecrationibus et orationibus nocte ac die ⁶ nam quae in deliciis est vivens mortua est ⁷ et hoc praecipe ut inreprehensibiles sint ⁸ si quis autem suorum et maxime domesticorum curam non habet fidem negavit et est infideli deterior ⁹ vidua eligatur non minus sexaginta annorum quae fuerit unius viri uxor ¹⁰ in operibus bonis testimonium habens si filios educavit si hospitio recepit si sanctorum pedes lavit si tribulationem patientibus subministravit si omne opus bonum subsecuta est

¹⁴ volo ergo iuveniores nubere filios procreare matres familias esse nullam occasionem dare adversario maledicti gratia

¹⁵ quem suis temporibus ostendet beatus et solus potens rex regum et Dominus dominantium

⁸ noli itaque erubescere testimonium Domini nostri neque me vinctum eius sed conlabora evangelio secundum virtutem Dei ⁹ qui nos liberavit et vocavit vocatione sancta non secundum opera nostra sed secundum propositum suum et gratiam quae data est nobis in Christo Iesu ante tempora saecularia

¹¹ in quo positus sum ego praedicator et apostolus et magister gentium

²⁴ servum autem Domini non oportet litigare sed mansuetum esse ad omnes docibilem patientem ²⁵ cum modestia corripientem eos qui resistunt nequando det illis Deus paenitentiam ad cognoscendam veritatem

⁷ semper discentes et numquam ad scientiam veritatis pervenientes

¹ Paulus servus Dei apostolus autem Iesu Christi secundum fidem electorum Dei et agnitionem veritatis quae secundum pietatem est

³ manifestavit autem temporibus suis verbum suum in praedicatione quae credita est mihi secundum praeceptum salvatoris nostri Dei

³ anus similiter in habitu sancto non criminatrices non vino multo servientes bene docentes ⁴ ut prudentiam doceant adulescentulas ut viros suos ament filios diligant ⁵ prudentes castas domus curam habentes benignas subditas suis viris ut non blasphemetur verbum Dei

⁵ prudentes castas domus curam habentes benignas subditas suis viris ut non blasphemetur verbum Dei

¹⁰ non fraudantes, sed in omnibus fidem bonam ostendentes ut doctrinam salutaris nostri Dei ornent in omnibus ¹¹ apparuit enim gratia Dei salutaris omnibus hominibus

¹¹ apparuit enim gratia Dei salutaris omnibus hominibus ¹² erudiens nos ut abnegantes impietatem et saecularia desideria sobrie et iuste et pie vivamus in hoc saeculo

¹² erudiens nos ut abnegantes impietatem et saecularia desideria sobrie et iuste et pie vivamus in hoc saeculo ¹³ expectantes beatam spem et adventum gloriae magni Dei et salvatoris nostri Iesu Christi ¹⁴ qui dedit semet ipsum pro nobis ut nos redimeret ab omni iniquitate et mundaret sibi populum acceptabilem sectatorem bonorum operum

¹⁴ qui dedit semet ipsum pro nobis ut nos redimeret ab omni iniquitate et mundaret sibi populum acceptabilem sectatorem bonorum operum

² neminem blasphemare non litigiosos esse modestos omnem ostendentes mansuetudinem ad omnes homines

⁸ fidelis sermo est et de his volo te confirmare ut curent bonis operibus praeesse qui credunt Deo haec sunt bona et utilia hominibus

⁶ testatus est autem in quodam loco quis dicens quid est homo quod memor es eius aut filius hominis quoniam visitas eum ⁷ minuisti eum paulo minus ab angelis gloria et honore coronasti eum et constituisti eum super opera manuum tuarum ⁸ omnia subiecisti sub pedibus eius in eo enim quod ei omnia subiecit nihil dimisit non subiectum ei nunc autem necdum videmus omnia subiecta ei ⁹ eum autem qui modico quam angeli minoratus est videmus Iesum propter passionem mortis gloria et honore coronatum ut gratia Dei pro omnibus gustaret mortem ¹⁰ decebat enim eum propter quem omnia et per quem omnia qui multos filios in gloriam adduxerat auctorem salutis eorum per passiones consummare ¹¹ qui enim sanctificat et qui sanctificantur ex uno omnes propter quam causam non confunditur fratres eos vocare dicens ¹² nuntiabo nomen tuum fratribus meis in medio ecclesiae laudabo te ¹³ et iterum ego ero fidens in eum et iterum ecce ego et pueri mei quos mihi dedit Deus

¹¹ cupimus autem unumquemque vestrum eandem ostentare sollicitudinem ad expletionem spei usque in finem

²⁵ unde et salvare in perpetuo potest accedentes per semet ipsum ad Deum semper vivens ad interpellandum pro eis

⁶ nunc autem melius sortitus est ministerium quanto et melioris testamenti mediator est quod in melioribus repromissionibus sanctum est

¹² neque per sanguinem hircorum et vitulorum sed per proprium sanguinem introivit semel in sancta aeterna redemptione inventa

¹⁵ et ideo novi testamenti mediator est ut morte intercedente in redemptionem earum praevaricationum quae erant sub priore testamento repromissionem accipiant qui vocati sunt aeternae hereditatis

²² accedamus cum vero corde in plenitudine fidei aspersi corda a conscientia mala et abluti corpus aqua munda

²⁶ voluntarie enim peccantibus nobis post acceptam notitiam veritatis iam non relinquitur pro peccatis hostia

¹⁴ pacem sequimini cum omnibus et sanctimoniam sine qua nemo videbit Dominum

²⁴ et testamenti novi mediatorem Iesum et sanguinis sparsionem melius loquentem quam Abel

¹⁶ beneficientiae autem et communionis nolite oblivisci talibus enim hostiis promeretur Deus

⁶ postulet autem in fide nihil haesitans qui enim haesitat similis est fluctui maris qui a vento movetur et circumfertur ⁷ non ergo aestimet homo ille quod accipiat aliquid a Domino ⁸ vir duplex animo inconstans in omnibus viis suis

⁸ adpropiate Domino et adpropinquabit vobis emundate manus peccatores et purificate corda duplices animo

¹⁶ confitemini ergo alterutrum peccata vestra et orate pro invicem ut salvemini multum enim valet deprecatio iusti adsidua

¹⁸ scientes quod non corruptibilibus argento vel auro redempti estis de vana vestra conversatione paternae traditionis ¹⁹ sed pretioso sanguine quasi agni incontaminati et inmaculati Christi

⁵ et ipsi tamquam lapides vivi superaedificamini domus spiritalis sacerdotium sanctum offerre spiritales hostias acceptabiles Deo per Iesum Christum

⁹ vos autem genus electum regale sacerdotium gens sancta populus adquisitionis ut virtutes adnuntietis eius qui de tenebris vos vocavit in admirabile lumen suum ¹⁰ qui aliquando non populus nunc autem populus Dei qui non consecuti misericordiam nunc autem misericordiam consecuti ¹¹ carissimi obsecro tamquam advenas et peregrinos abstinere vos a carnalibus desideriis quae militant adversus animam ¹² conversationem vestram inter gentes habentes bonam ut in eo quod detractant de vobis tamquam de malefactoribus ex bonis operibus considerantes glorificent Deum in die visitationis

¹² conversationem vestram inter gentes habentes bonam ut in eo quod detractant de vobis tamquam de malefactoribus ex bonis operibus considerantes glorificent Deum in die visitationis ¹³ subiecti estote omni humanae creaturae propter Dominum sive regi quasi praecellenti

²⁰ quae enim gloria est si peccantes et colaphizati suffertis sed si benefacientes et patientes sustinetis haec est gratia apud Deum

²⁴ qui peccata nostra ipse pertulit in corpore suo super lignum ut peccatis mortui iustitiae viveremus cuius livore sanati estis

¹ similiter mulieres subditae suis viris ut et si qui non credunt verbo per mulierum conversationem sine verbo lucri fiant

³ quarum sit non extrinsecus capillaturae aut circumdatio auri aut indumenti vestimentorum cultus ⁴ sed qui absconditus cordis est homo in incorruptibilitate quieti et modesti spiritus quod est in conspectu Dei locuples ⁵ sic enim aliquando et sanctae mulieres sperantes in Deo ornabant se subiectae propriis viris

⁵ sic enim aliquando et sanctae mulieres sperantes in Deo ornabant se subiectae propriis viris ⁶ sicut Sarra oboediebat Abrahae dominum eum vocans cuius estis filiae benefacientes et non timentes ullam perturbationem ⁷ viri similiter cohabitantes secundum scientiam quasi infirmiori vaso muliebri inpertientes honorem tamquam et coheredibus gratiae vitae uti ne inpediantur orationes vestrae

¹⁸ quia et Christus semel pro peccatis mortuus est iustus pro iniustis ut nos offerret Deo mortificatus carne vivificatus autem spiritu

⁷ omnium autem finis adpropinquavit estote itaque prudentes et vigilate in orationibus

³ quomodo omnia nobis divinae virtutis suae quae ad vitam et pietatem donata est per cognitionem eius qui vocavit nos propria gloria et virtute ⁴ per quae maxima et pretiosa nobis promissa donavit ut per haec efficiamini divinae consortes naturae fugientes eius quae in mundo est concupiscentiae corruptionem ⁵ vos autem curam omnem subinferentes ministrate in fide vestra virtutem in virtute autem scientiam ⁶ in scientia autem abstinentiam in abstinentia autem patientiam in patientia autem pietatem

⁶ in scientia autem abstinentiam in abstinentia autem patientiam in patientia autem pietatem ⁷ in pietate autem amorem fraternitatis in amore autem fraternitatis caritatem

⁷ in pietate autem amorem fraternitatis in amore autem fraternitatis caritatem ⁸ haec enim vobis cum adsint et superent non vacuos nec sine fructu vos constituent in Domini nostri Iesu Christi cognitione

⁵ et originali mundo non pepercit sed octavum Noe iustitiae praeconem custodivit diluvium mundo impiorum inducens

⁹ non tardat Dominus promissi sed patienter agit propter vos nolens aliquos perire sed omnes ad paenitentiam reverti

¹¹ cum haec igitur omnia dissolvenda sint quales oportet esse vos in sanctis conversationibus et pietatibus

¹ filioli mei haec scribo vobis ut non peccetis sed et si quis peccaverit advocatum habemus apud Patrem Iesum Christum iustum ² et ipse est propitiatio pro peccatis nostris non pro nostris autem tantum sed etiam pro totius mundi

²⁰ quoniam si reprehenderit nos cor maior est Deus corde nostro et novit omnia ²¹ carissimi si cor non reprehenderit nos fiduciam habemus ad Deum ²² et quodcumque petierimus accipiemus ab eo quoniam mandata eius custodimus et ea quae sunt placita coram eo facimus

¹⁰ in hoc est caritas non quasi nos dilexerimus Deum sed quoniam ipse dilexit nos et misit Filium suum propitiationem pro peccatis nostris

¹¹ et hoc est testimonium quoniam vitam aeternam dedit nobis Deus et haec vita in Filio eius est ¹² qui habet Filium habet vitam qui non habet Filium Dei vitam non habet

⁵ et ab Iesu Christo qui est testis fidelis primogenitus mortuorum et princeps regum terrae qui dilexit nos et lavit nos a peccatis nostris in sanguine suo

¹³ et in medio septem candelabrorum similem Filio hominis vestitum podere et praecinctum ad mamillas zonam auream

¹⁹ novi opera tua et caritatem et fidem et ministerium et patientiam tuam et opera tua novissima plura prioribus

⁹ et cantant novum canticum dicentes dignus es accipere librum et aperire signacula eius quoniam occisus es et redemisti nos Deo in sanguine tuo ex omni tribu et lingua et populo et natione

⁶ et vidi alterum angelum volantem per medium caelum habentem evangelium aeternum ut evangelizaret sedentibus super terram et super omnem gentem et tribum et linguam et populum