Psalms 59:1 Cross References - HOT

1 למנצח אל תשׁחת לדוד מכתם בשׁלח שׁאול וישׁמרו את הבית להמיתו׃ (59:2) הצילני מאיבי אלהי ממתקוממי תשׂגבני׃

Judges 16:2-3

2 לעזתים לאמר בא שׁמשׁון הנה ויסבו ויארבו לו כל הלילה בשׁער העיר ויתחרשׁו כל הלילה לאמר עד אור הבקר והרגנהו׃3 וישׁכב שׁמשׁון עד חצי הלילה ויקם בחצי הלילה ויאחז בדלתות שׁער העיר ובשׁתי המזוזות ויסעם עם הבריח וישׂם על כתפיו ויעלם אל ראשׁ ההר אשׁר על פני חברון׃

1 Samuel 19:11-24

11 וישׁלח שׁאול מלאכים אל בית דוד לשׁמרו ולהמיתו בבקר ותגד לדוד מיכל אשׁתו לאמר אם אינך ממלט את נפשׁך הלילה מחר אתה מומת׃12 ותרד מיכל את דוד בעד החלון וילך ויברח וימלט׃13 ותקח מיכל את התרפים ותשׂם אל המטה ואת כביר העזים שׂמה מראשׁתיו ותכס בבגד׃14 וישׁלח שׁאול מלאכים לקחת את דוד ותאמר חלה הוא׃15 וישׁלח שׁאול את המלאכים לראות את דוד לאמר העלו אתו במטה אלי להמתו׃16 ויבאו המלאכים והנה התרפים אל המטה וכביר העזים מראשׁתיו׃17 ויאמר שׁאול אל מיכל למה ככה רמיתני ותשׁלחי את איבי וימלט ותאמר מיכל אל שׁאול הוא אמר אלי שׁלחני למה אמיתך׃18 ודוד ברח וימלט ויבא אל שׁמואל הרמתה ויגד לו את כל אשׁר עשׂה לו שׁאול וילך הוא ושׁמואל וישׁבו בנוית׃19 ויגד לשׁאול לאמר הנה דוד בנוית ברמה׃20 וישׁלח שׁאול מלאכים לקחת את דוד וירא את להקת הנביאים נבאים ושׁמואל עמד נצב עליהם ותהי על מלאכי שׁאול רוח אלהים ויתנבאו גם המה׃21 ויגדו לשׁאול וישׁלח מלאכים אחרים ויתנבאו גם המה ויסף שׁאול וישׁלח מלאכים שׁלשׁים ויתנבאו גם המה׃22 וילך גם הוא הרמתה ויבא עד בור הגדול אשׁר בשׂכו וישׁאל ויאמר איפה שׁמואל ודוד ויאמר הנה בנוית ברמה׃23 וילך שׁם אל נוית ברמה ותהי עליו גם הוא רוח אלהים וילך הלוך ויתנבא עד באו בנוית ברמה׃24 ויפשׁט גם הוא בגדיו ויתנבא גם הוא לפני שׁמואל ויפל ערם כל היום ההוא וכל הלילה על כן יאמרו הגם שׁאול בנביאם׃

Psalms 7:1-2

1 שׁגיון לדוד אשׁר שׁר ליהוה על דברי כושׁ בן\'ceימיני׃ (7:2) יהוה אלהי בך חסיתי הושׁיעני מכל רדפי והצילני׃2 (7:3) פן יטרף כאריה נפשׁי פרק ואין מציל׃

Psalms 12:5

5 (12:6) משׁד עניים מאנקת אביונים עתה אקום יאמר יהוה אשׁית בישׁע יפיח׃

Psalms 18:48

48 (18:49) מפלטי מאיבי אף מן קמי תרוממני מאישׁ חמס תצילני׃

Psalms 20:1

1 למנצח מזמור לדוד׃ (20:2) יענך יהוה ביום צרה ישׂגבך שׁם אלהי יעקב׃

Psalms 57:1

1 למנצח אל תשׁחת לדוד מכתם בברחו מפני שׁאול במערה׃ (57:2) חנני אלהים חנני כי בך חסיה נפשׁי ובצל כנפיך אחסה עד יעבר הוות׃

Psalms 58:1

1 למנצח אל תשׁחת לדוד מכתם׃ (58:2) האמנם אלם צדק תדברון מישׁרים תשׁפטו בני אדם׃

Psalms 71:4

4 אלהי פלטני מיד רשׁע מכף מעול וחומץ׃

Psalms 91:14

14 כי בי חשׁק ואפלטהו אשׂגבהו כי ידע שׁמי׃

Psalms 143:9

9 הצילני מאיבי יהוה אליך כסתי׃

Psalms 143:12

12 ובחסדך תצמית איבי והאבדת כל צררי נפשׁי כי אני עבדך׃

Isaiah 33:16

16 הוא מרומים ישׁכן מצדות סלעים משׂגבו לחמו נתן מימיו נאמנים׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.