1 תפלה לדוד שׁמעה יהוה צדק הקשׁיבה רנתי האזינה תפלתי בלא שׂפתי מרמה׃2 מלפניך משׁפטי יצא עיניך תחזינה מישׁרים׃3 בחנת לבי פקדת לילה צרפתני בל תמצא זמתי בל יעבר פי׃4 לפעלות אדם בדבר שׂפתיך אני שׁמרתי ארחות פריץ׃5 תמך אשׁרי במעגלותיך בל נמוטו פעמי׃6 אני קראתיך כי תענני אל הט אזנך לי שׁמע אמרתי׃7 הפלה חסדיך מושׁיע חוסים ממתקוממים בימינך׃8 שׁמרני כאישׁון בת עין בצל כנפיך תסתירני׃9 מפני רשׁעים זו שׁדוני איבי בנפשׁ יקיפו עלי׃10 חלבמו סגרו פימו דברו בגאות׃11 אשׁרינו עתה סבבוני עיניהם ישׁיתו לנטות בארץ׃12 דמינו כאריה יכסוף לטרוף וככפיר ישׁב במסתרים׃13 קומה יהוה קדמה פניו הכריעהו פלטה נפשׁי מרשׁע חרבך׃14 ממתים ידך יהוה ממתים מחלד חלקם בחיים וצפינך תמלא בטנם ישׂבעו בנים והניחו יתרם לעולליהם׃15 אני בצדק אחזה פניך אשׂבעה בהקיץ תמונתך׃
Psalms 17 Cross References - HOT
Genesis 1:26-27
Genesis 6:5
5 וירא יהוה כי רבה רעת האדם בארץ וכל יצר מחשׁבת לבו רק רע כל היום׃
Genesis 6:11
11 ותשׁחת הארץ לפני האלהים ותמלא הארץ חמס׃
Exodus 5:2
2 ויאמר פרעה מי יהוה אשׁר אשׁמע בקלו לשׁלח את ישׂראל לא ידעתי את יהוה וגם את ישׂראל לא אשׁלח׃
Exodus 15:6
6 ימינך יהוה נאדרי בכח ימינך יהוה תרעץ אויב׃
Exodus 15:9
9 אמר אויב ארדף אשׂיג אחלק שׁלל תמלאמו נפשׁי אריק חרבי תורישׁמו ידי׃
Numbers 12:8
8 פה אל פה אדבר בו ומראה ולא בחידת ותמנת יהוה יביט ומדוע לא יראתם לדבר בעבדי במשׁה׃
Deuteronomy 32:10
10 ימצאהו בארץ מדבר ובתהו ילל ישׁמן יסבבנהו יבוננהו יצרנהו כאישׁון עינו׃
Deuteronomy 32:15
15 וישׁמן ישׁרון ויבעט שׁמנת עבית כשׂית ויטשׁ אלוה עשׂהו וינבל צור ישׁעתו׃
Joshua 24:15
15 ואם רע בעיניכם לעבד את יהוה בחרו לכם היום את מי תעבדון אם את אלהים אשׁר עבדו אבותיכם אשׁר בעבר הנהר ואם את אלהי האמרי אשׁר אתם ישׁבים בארצם ואנכי וביתי נעבד את יהוה׃
Ruth 2:12
12 ישׁלם יהוה פעלך ותהי משׂכרתך שׁלמה מעם יהוה אלהי ישׂראל אשׁר באת לחסות תחת כנפיו׃
1 Samuel 2:3
3 אל תרבו תדברו גבהה גבהה יצא עתק מפיכם כי אל דעות יהוה ולא נתכנו עללות׃
1 Samuel 2:9
9 רגלי חסידו ישׁמר ורשׁעים בחשׁך ידמו כי לא בכח יגבר אישׁ׃
1 Samuel 17:45-57
45 ויאמר דוד אל הפלשׁתי אתה בא אלי בחרב ובחנית ובכידון ואנכי בא אליך בשׁם יהוה צבאות אלהי מערכות ישׂראל אשׁר חרפת׃46 היום הזה יסגרך יהוה בידי והכיתך והסרתי את ראשׁך מעליך ונתתי פגר מחנה פלשׁתים היום הזה לעוף השׁמים ולחית הארץ וידעו כל הארץ כי ישׁ אלהים לישׂראל׃47 וידעו כל הקהל הזה כי לא בחרב ובחנית יהושׁיע יהוה כי ליהוה המלחמה ונתן אתכם בידנו׃48 והיה כי קם הפלשׁתי וילך ויקרב לקראת דוד וימהר דוד וירץ המערכה לקראת הפלשׁתי׃49 וישׁלח דוד את ידו אל הכלי ויקח משׁם אבן ויקלע ויך את הפלשׁתי אל מצחו ותטבע האבן במצחו ויפל על פניו ארצה׃50 ויחזק דוד מן הפלשׁתי בקלע ובאבן ויך את הפלשׁתי וימיתהו וחרב אין ביד דוד׃51 וירץ דוד ויעמד אל הפלשׁתי ויקח את חרבו וישׁלפה מתערה וימתתהו ויכרת בה את ראשׁו ויראו הפלשׁתים כי מת גבורם וינסו׃52 ויקמו אנשׁי ישׂראל ויהודה וירעו וירדפו את הפלשׁתים עד בואך גיא ועד שׁערי עקרון ויפלו חללי פלשׁתים בדרך שׁערים ועד גת ועד עקרון׃53 וישׁבו בני ישׂראל מדלק אחרי פלשׁתים וישׁסו את מחניהם׃54 ויקח דוד את ראשׁ הפלשׁתי ויבאהו ירושׁלם ואת כליו שׂם באהלו׃55 וכראות שׁאול את דוד יצא לקראת הפלשׁתי אמר אל אבנר שׂר הצבא בן מי זה הנער אבנר ויאמר אבנר חי נפשׁך המלך אם ידעתי׃56 ויאמר המלך שׁאל אתה בן מי זה העלם׃57 וכשׁוב דוד מהכות את הפלשׁתי ויקח אתו אבנר ויבאהו לפני שׁאול וראשׁ הפלשׁתי בידו׃
1 Samuel 23:26
26 וילך שׁאול מצד ההר מזה ודוד ואנשׁיו מצד ההר מזה ויהי דוד נחפז ללכת מפני שׁאול ושׁאול ואנשׁיו עטרים אל דוד ואל אנשׁיו לתפשׂם׃
1 Samuel 24:2-3
1 Samuel 24:10
10 (24:11) הנה היום הזה ראו עיניך את אשׁר נתנך יהוה היום בידי במערה ואמר להרגך ותחס עליך ואמר לא אשׁלח ידי באדני כי משׁיח יהוה הוא׃11 (24:12) ואבי ראה גם ראה את כנף מעילך בידי כי בכרתי את כנף מעילך ולא הרגתיך דע וראה כי אין בידי רעה ופשׁע ולא חטאתי לך ואתה צדה את נפשׁי לקחתה׃12 (24:13) ישׁפט יהוה ביני ובינך ונקמני יהוה ממך וידי לא תהיה׃
1 Samuel 25:28-29
1 Samuel 26:2-3
1 Samuel 26:11
11 חלילה לי מיהוה משׁלח ידי במשׁיח יהוה ועתה קח נא את החנית אשׁר מראשׁתו ואת צפחת המים ונלכה׃
1 Samuel 26:23
23 ויהוה ישׁיב לאישׁ את צדקתו ואת אמנתו אשׁר נתנך יהוה היום ביד ולא אביתי לשׁלח ידי במשׁיח יהוה׃
2 Kings 19:22
22 את מי חרפת וגדפת ועל מי הרימות קול ותשׂא מרום עיניך על קדושׁ ישׂראל׃
2 Kings 19:34
34 וגנותי אל העיר הזאת להושׁיעה למעני ולמען דוד עבדי׃
1 Chronicles 17:9
9 ושׂמתי מקום לעמי ישׂראל ונטעתיהו ושׁכן תחתיו ולא ירגז עוד ולא יוסיפו בני עולה לבלתו כאשׁר בראשׁונה׃
2 Chronicles 7:15
15 עתה עיני יהיו פתחות ואזני קשׁבות לתפלת המקום הזה׃
2 Chronicles 16:9
9 כי יהוה עיניו משׁטטות בכל הארץ להתחזק עם לבבם שׁלם אליו נסכלת על זאת כי מעתה ישׁ עמך מלחמות׃
Nehemiah 1:6
6 תהי נא אזנך קשׁבת ועיניך פתוחות לשׁמע אל תפלת עבדך אשׁר אנכי מתפלל לפניך היום יומם ולילה על בני ישׂראל עבדיך ומתודה על חטאות בני ישׂראל אשׁר חטאנו לך ואני ובית אבי חטאנו׃
Job 12:6
6 ישׁליו אהלים לשׁדדים ובטחות למרגיזי אל לאשׁר הביא אלוה בידו׃
Job 12:9
9 מי לא ידע בכל אלה כי יד יהוה עשׂתה זאת׃
Job 14:12
12 ואישׁ שׁכב ולא יקום עד בלתי שׁמים לא יקיצו ולא יערו משׁנתם׃
Job 15:16
16 אף כי נתעב ונאלח אישׁ שׁתה כמים עולה׃
Job 15:27
27 כי כסה פניו בחלבו ויעשׂ פימה עלי כסל׃
Job 19:26-27
Job 21:7-15
7 מדוע רשׁעים יחיו עתקו גם גברו חיל׃8 זרעם נכון לפניהם עמם וצאצאיהם לעיניהם׃9 בתיהם שׁלום מפחד ולא שׁבט אלוה עליהם׃10 שׁורו עבר ולא יגעל תפלט פרתו ולא תשׁכל׃11 ישׁלחו כצאן עויליהם וילדיהם ירקדון׃12 ישׂאו כתף וכנור וישׂמחו לקול עוגב׃13 יבלו בטוב ימיהם וברגע שׁאול יחתו׃14 ויאמרו לאל סור ממנו ודעת דרכיך לא חפצנו׃15 מה שׁדי כי נעבדנו ומה נועיל כי נפגע׃
Job 21:21
21 כי מה חפצו בביתו אחריו ומספר חדשׁיו חצצו׃
Job 22:18
18 והוא מלא בתיהם טוב ועצת רשׁעים רחקה מני׃
Job 23:10
Job 24:14
14 לאור יקום רוצח יקטל עני ואביון ובלילה יהי כגנב׃
Job 27:14-17
Job 31:33
33 אם כסיתי כאדם פשׁעי לטמון בחבי עוני׃
Psalms 3:7
7 (3:8) קומה יהוה הושׁיעני אלהי כי הכית את כל איבי לחי שׁני רשׁעים שׁברת׃
Psalms 4:6-7
Psalms 5:2
2 (5:3) הקשׁיבה לקול שׁועי מלכי ואלהי כי אליך אתפלל׃
Psalms 5:7
7 (5:8) ואני ברב חסדך אבוא ביתך אשׁתחוה אל היכל קדשׁך ביראתך׃
Psalms 5:11-12
Psalms 7:2
2 (7:3) פן יטרף כאריה נפשׁי פרק ואין מציל׃
Psalms 7:4
Psalms 7:8
8 (7:9) יהוה ידין עמים שׁפטני יהוה כצדקי וכתמי עלי׃
Psalms 7:11-13
Psalms 10:8-10
Psalms 10:9
Psalms 10:12-16
Psalms 11:5
5 יהוה צדיק יבחן ורשׁע ואהב חמס שׂנאה נפשׁו׃
Psalms 11:7
7 כי צדיק יהוה צדקות אהב ישׁר יחזו פנימו׃
Psalms 12:3-4
Psalms 13:3-4
Psalms 14:1-3
Psalms 16:7
7 אברך את יהוה אשׁר יעצני אף לילות יסרוני כליותי׃
Psalms 16:11
11 תודיעני ארח חיים שׂבע שׂמחות את פניך נעמות בימינך נצח׃
Psalms 18:20
20 (18:21) יגמלני יהוה כצדקי כבר ידי ישׁיב׃
Psalms 18:36
36 (18:37) תרחיב צעדי תחתי ולא מעדו קרסלי׃
Psalms 18:44
44 (18:45) לשׁמע אזן ישׁמעו לי בני נכר יכחשׁו׃
Psalms 20:6
6 (20:7) עתה ידעתי כי הושׁיע יהוה משׁיחו יענהו משׁמי קדשׁו בגברות ישׁע ימינו׃
Psalms 22:13
13 (22:14) פצו עלי פיהם אריה טרף ושׁאג׃
Psalms 22:20
20 (22:21) הצילה מחרב נפשׁי מיד כלב יחידתי׃
Psalms 26:2
2 בחנני יהוה ונסני צרופה כליותי ולבי׃
Psalms 31:18
18 (31:19) תאלמנה שׂפתי שׁקר הדברות על צדיק עתק בגאוה ובוז׃
Psalms 31:20
Psalms 35:4
4 יבשׁו ויכלמו מבקשׁי נפשׁי יסגו אחור ויחפרו חשׁבי רעתי׃
Psalms 35:7
7 כי חנם טמנו לי שׁחת רשׁתם חנם חפרו לנפשׁי׃
Psalms 35:12
12 ישׁלמוני רעה תחת טובה שׁכול לנפשׁי׃
Psalms 36:7
Psalms 37:6
6 והוציא כאור צדקך ומשׁפטך כצהרים׃
Psalms 37:14
14 חרב פתחו רשׁעים ודרכו קשׁתם להפיל עני ואביון לטבוח ישׁרי דרך׃
Psalms 37:33
33 יהוה לא יעזבנו בידו ולא ירשׁיענו בהשׁפטו׃
Psalms 38:16
16 (38:17) כי אמרתי פן ישׂמחו לי במוט רגלי עלי הגדילו׃
Psalms 39:1
1 למנצח לידיתון מזמור לדוד׃ (39:2) אמרתי אשׁמרה דרכי מחטוא בלשׁוני אשׁמרה לפי מחסום בעד רשׁע לנגדי׃
Psalms 39:6
6 (39:7) אך בצלם יתהלך אישׁ אך הבל יהמיון יצבר ולא ידע מי אספם׃
Psalms 43:1
1 שׁפטני אלהים וריבה ריבי מגוי לא חסיד מאישׁ מרמה ועולה תפלטני׃
Psalms 44:3
3 (44:4) כי לא בחרבם ירשׁו ארץ וזרועם לא הושׁיעה למו כי ימינך וזרועך ואור פניך כי רציתם׃
Psalms 44:17-21
Psalms 44:18
Psalms 44:23
23 (44:24) עורה למה תישׁן אדני הקיצה אל תזנח לנצח׃
Psalms 44:26
26 (44:27) קומה עזרתה לנו ופדנו למען חסדך׃
Psalms 49:14
14 (49:15) כצאן לשׁאול שׁתו מות ירעם וירדו בם ישׁרים לבקר וצירם לבלות שׁאול מזבל׃
Psalms 49:17-19
Psalms 55:2-3
Psalms 55:16
16 (55:17) אני אל אלהים אקרא ויהוה יושׁיעני׃
Psalms 57:1
1 למנצח אל תשׁחת לדוד מכתם בברחו מפני שׁאול במערה׃ (57:2) חנני אלהים חנני כי בך חסיה נפשׁי ובצל כנפיך אחסה עד יעבר הוות׃
Psalms 60:5
5 (60:7) למען יחלצון ידידיך הושׁיעה ימינך ועננו׃
Psalms 61:1
1 למנצח על נגינת לדוד׃ (61:2) שׁמעה אלהים רנתי הקשׁיבה תפלתי׃
Psalms 61:4
4 (61:5) אגורה באהלך עולמים אחסה בסתר כנפיך סלה׃
Psalms 63:7
7 (63:8) כי היית עזרתה לי ובצל כנפיך ארנן׃
Psalms 65:4
4 (65:5) אשׁרי תבחר ותקרב ישׁכן חצריך נשׂבעה בטוב ביתך קדשׁ היכלך׃
Psalms 66:10
10 כי בחנתנו אלהים צרפתנו כצרף כסף׃
Psalms 66:19
19 אכן שׁמע אלהים הקשׁיב בקול תפלתי׃
Psalms 66:19-20
Psalms 73:3-7
Psalms 73:7-7
Psalms 73:12
12 הנה אלה רשׁעים ושׁלוי עולם השׂגו חיל׃
Psalms 78:12
12 נגד אבותם עשׂה פלא בארץ מצרים שׂדה צען׃
Psalms 86:1
1 תפלה לדוד הטה יהוה אזנך ענני כי עני ואביון אני׃
Psalms 86:7
7 ביום צרתי אקראך כי תענני׃
Psalms 88:2
2 (88:3) תבוא לפניך תפלתי הטה אזנך לרנתי׃
Psalms 88:17
17 (88:18) סבוני כמים כל היום הקיפו עלי יחד׃
Psalms 91:1
1 ישׁב בסתר עליון בצל שׁדי יתלונן׃
Psalms 91:4
4 באברתו יסך לך ותחת כנפיו תחסה צנה וסחרה אמתו׃
Psalms 94:18
18 אם אמרתי מטה רגלי חסדך יהוה יסעדני׃
Psalms 116:2
2 כי הטה אזנו לי ובימי אקרא׃
Psalms 119:9-11
Psalms 119:70
70 טפשׁ כחלב לבם אני תורתך שׁעשׁעתי׃
Psalms 119:106
106 נשׁבעתי ואקימה לשׁמר משׁפטי צדקך׃
Psalms 119:111
111 נחלתי עדותיך לעולם כי שׂשׂון לבי המה׃
Psalms 119:116-117
Psalms 119:126
126 עת לעשׂות ליהוה הפרו תורתך׃
Psalms 119:133
133 פעמי הכן באמרתך ואל תשׁלט בי כל און׃
Psalms 121:3
3 אל יתן למוט רגלך אל ינום שׁמרך׃
Psalms 121:7
7 יהוה ישׁמרך מכל רע ישׁמר את נפשׁך׃
Psalms 123:4
4 רבת שׂבעה לה נפשׁנו הלעג השׁאננים הבוז לגאיונים׃
Psalms 139:1
1 למנצח לדוד מזמור יהוה חקרתני ותדע׃
Psalms 140:12
12 (140:13) ידעת כי יעשׂה יהוה דין עני משׁפט אבינים׃
Psalms 142:1
1 משׂכיל לדוד בהיותו במערה תפלה׃ (142:2) קולי אל יהוה אזעק קולי אל יהוה אתחנן׃
Psalms 142:6
6 (142:7) הקשׁיבה אל רנתי כי דלותי מאד הצילני מרדפי כי אמצו ממני׃
Psalms 145:18
18 קרוב יהוה לכל קראיו לכל אשׁר יקראהו באמת׃
Proverbs 2:4
4 אם תבקשׁנה ככסף וכמטמונים תחפשׂנה׃
Proverbs 2:10-15
Proverbs 6:13-14
Proverbs 7:2
2 שׁמר מצותי וחיה ותורתי כאישׁון עיניך׃
Proverbs 13:3
3 נצר פיו שׁמר נפשׁו פשׂק שׂפתיו מחתה׃
Isaiah 6:10
10 השׁמן לב העם הזה ואזניו הכבד ועיניו השׁע פן יראה בעיניו ובאזניו ישׁמע ולבבו יבין ושׁב ורפא׃
Isaiah 10:5
5 הוי אשׁור שׁבט אפי ומטה הוא בידם זעמי׃
Isaiah 10:15
15 היתפאר הגרזן על החצב בו אם יתגדל המשׂור על מניפו כהניף שׁבט ואת מרימיו כהרים מטה לא עץ׃
Isaiah 13:5
5 באים מארץ מרחק מקצה השׁמים יהוה וכלי זעמו לחבל כל הארץ׃
Isaiah 26:19
19 יחיו מתיך נבלתי יקומון הקיצו ורננו שׁכני עפר כי טל אורת טלך וארץ רפאים תפיל׃
Isaiah 29:13
13 ויאמר אדני יען כי נגשׁ העם הזה בפיו ובשׂפתיו כבדוני ולבו רחק ממני ותהי יראתם אתי מצות אנשׁים מלמדה׃
Isaiah 37:17
17 הטה יהוה אזנך ושׁמע פקח יהוה עינך וראה ושׁמע את כל דברי סנחריב אשׁר שׁלח לחרף אלהים חי׃
Isaiah 37:20
20 ועתה יהוה אלהינו הושׁיענו מידו וידעו כל ממלכות הארץ כי אתה יהוה לבדך׃
Isaiah 37:26
26 הלוא שׁמעת למרחוק אותה עשׂיתי מימי קדם ויצרתיה עתה הבאתיה ותהי להשׁאות גלים נצים ערים בצרות׃
Isaiah 41:10
10 אל תירא כי עמך אני אל תשׁתע כי אני אלהיך אמצתיך אף עזרתיך אף תמכתיך בימין צדקי׃
Isaiah 51:9
9 עורי עורי לבשׁי עז זרוע יהוה עורי כימי קדם דרות עולמים הלוא את היא המחצבת רהב מחוללת תנין׃
Jeremiah 3:10
10 וגם בכל זאת לא שׁבה אלי בגודה אחותה יהודה בכל לבה כי אם בשׁקר נאם יהוה׃
Jeremiah 10:23
23 ידעתי יהוה כי לא לאדם דרכו לא לאישׁ הלך והכין את צעדו׃
Jeremiah 50:20
20 בימים ההם ובעת ההיא נאם יהוה יבקשׁ את עון ישׂראל ואיננו ואת חטאת יהודה ולא תמצאינה כי אסלח לאשׁר אשׁאיר׃
Ezekiel 18:25
25 ואמרתם לא יתכן דרך אדני שׁמעו נא בית ישׂראל הדרכי לא יתכן הלא דרכיכם לא יתכנו׃
Ezekiel 18:29
29 ואמרו בית ישׂראל לא יתכן דרך אדני הדרכי לא יתכנו בית ישׂראל הלא דרכיכם לא יתכן׃
Ezekiel 33:17
17 ואמרו בני עמך לא יתכן דרך אדני והמה דרכם לא יתכן׃
Ezekiel 33:20
20 ואמרתם לא יתכן דרך אדני אישׁ כדרכיו אשׁפוט אתכם בית ישׂראל׃
Daniel 9:17-19
Hosea 7:6
6 כי קרבו כתנור לבם בארבם כל הלילה ישׁן אפהם בקר הוא בער כאשׁ להבה׃
Micah 2:1
1 הוי חשׁבי און ופעלי רע על משׁכבותם באור הבקר יעשׂוה כי ישׁ לאל ידם׃
Habakkuk 1:12
12 הלוא אתה מקדם יהוה אלהי קדשׁי לא נמות יהוה למשׁפט שׂמתו וצור להוכיח יסדתו׃
Zechariah 2:8
8 (2:12) כי כה אמר יהוה צבאות אחר כבוד שׁלחני אל הגוים השׁללים אתכם כי הנגע בכם נגע בבבת עינו׃
Zechariah 13:9
9 והבאתי את השׁלשׁית באשׁ וצרפתים כצרף את הכסף ובחנתים כבחן את הזהב הוא יקרא בשׁמי ואני אענה אתו אמרתי עמי הוא והוא יאמר יהוה אלהי׃
Malachi 3:2
2 ומי מכלכל את יום בואו ומי העמד בהראותו כי הוא כאשׁ מצרף וכברית מכבסים׃