Proverbs 23:6 Cross References - HOT

6 אל תלחם את לחם רע עין ואל תתאו למטעמתיו׃

Deuteronomy 15:9

9 השׁמר לך פן יהיה דבר עם לבבך בליעל לאמר קרבה שׁנת השׁבע שׁנת השׁמטה ורעה עינך באחיך האביון ולא תתן לו וקרא עליך אל יהוה והיה בך חטא׃

Deuteronomy 28:56

56 הרכה בך והענגה אשׁר לא נסתה כף רגלה הצג על הארץ מהתענג ומרך תרע עינה באישׁ חיקה ובבנה ובבתה׃

Psalms 141:4

4 אל תט לבי לדבר רע להתעולל עללות ברשׁע את אישׁים פעלי און ובל אלחם במנעמיהם׃

Proverbs 22:9

9 טוב עין הוא יברך כי נתן מלחמו לדל׃

Proverbs 23:3

3 אל תתאו למטעמותיו והוא לחם כזבים׃

Proverbs 28:22

22 נבהל להון אישׁ רע עין ולא ידע כי חסר יבאנו׃

Daniel 1:8-10

8 וישׂם דניאל על לבו אשׁר לא יתגאל בפתבג המלך וביין משׁתיו ויבקשׁ משׂר הסריסים אשׁר לא יתגאל׃9 ויתן האלהים את דניאל לחסד ולרחמים לפני שׂר הסריסים׃10 ויאמר שׂר הסריסים לדניאל ירא אני את אדני המלך אשׁר מנה את מאכלכם ואת משׁתיכם אשׁר למה יראה את פניכם זעפים מן הילדים אשׁר כגילכם וחיבתם את ראשׁי למלך׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.