1 לץ היין המה שׁכר וכל שׁגה בו לא יחכם׃2 נהם ככפיר אימת מלך מתעברו חוטא נפשׁו׃3 כבוד לאישׁ שׁבת מריב וכל אויל יתגלע׃4 מחרף עצל לא יחרשׁ ישׁאל בקציר ואין׃5 מים עמקים עצה בלב אישׁ ואישׁ תבונה ידלנה׃6 רב אדם יקרא אישׁ חסדו ואישׁ אמונים מי ימצא׃7 מתהלך בתמו צדיק אשׁרי בניו אחריו׃8 מלך יושׁב על כסא דין מזרה בעיניו כל רע׃9 מי יאמר זכיתי לבי טהרתי מחטאתי׃10 אבן ואבן איפה ואיפה תועבת יהוה גם שׁניהם׃11 גם במעלליו יתנכר נער אם זך ואם ישׁר פעלו׃12 אזן שׁמעת ועין ראה יהוה עשׂה גם שׁניהם׃13 אל תאהב שׁנה פן תורשׁ פקח עיניך שׂבע לחם׃14 רע רע יאמר הקונה ואזל לו אז יתהלל׃15 ישׁ זהב ורב פנינים וכלי יקר שׂפתי דעת׃16 לקח בגדו כי ערב זר ובעד נכרים חבלהו׃17 ערב לאישׁ לחם שׁקר ואחר ימלא פיהו חצץ׃18 מחשׁבות בעצה תכון ובתחבלות עשׂה מלחמה׃19 גולה סוד הולך רכיל ולפתה שׂפתיו לא תתערב׃20 מקלל אביו ואמו ידעך נרו באישׁון חשׁך׃21 נחלה מבחלת בראשׁנה ואחריתה לא תברך׃22 אל תאמר אשׁלמה רע קוה ליהוה וישׁע׃23 תועבת יהוה אבן ואבן ומאזני מרמה לא טוב׃24 מיהוה מצעדי גבר ואדם מה יבין דרכו׃25 מוקשׁ אדם ילע קדשׁ ואחר נדרים לבקר׃26 מזרה רשׁעים מלך חכם וישׁב עליהם אופן׃27 נר יהוה נשׁמת אדם חפשׂ כל חדרי בטן׃28 חסד ואמת יצרו מלך וסעד בחסד כסאו׃29 תפארת בחורים כחם והדר זקנים שׂיבה׃30 חברות פצע תמריק ברע ומכות חדרי בטן׃
Proverbs 20 Cross References - HOT
Genesis 9:21-23
Genesis 19:31-36
31 ותאמר הבכירה אל הצעירה אבינו זקן ואישׁ אין בארץ לבוא עלינו כדרך כל הארץ׃32 לכה נשׁקה את אבינו יין ונשׁכבה עמו ונחיה מאבינו זרע׃33 ותשׁקין את אביהן יין בלילה הוא ותבא הבכירה ותשׁכב את אביה ולא ידע בשׁכבה ובקומה׃34 ויהי ממחרת ותאמר הבכירה אל הצעירה הן שׁכבתי אמשׁ את אבי נשׁקנו יין גם הלילה ובאי שׁכבי עמו ונחיה מאבינו זרע׃35 ותשׁקין גם בלילה ההוא את אביהן יין ותקם הצעירה ותשׁכב עמו ולא ידע בשׁכבה ובקמה׃36 ותהרין שׁתי בנות לוט מאביהן׃
1 Samuel 25:36-38
2 Samuel 11:13
13 ויקרא לו דוד ויאכל לפניו וישׁת וישׁכרהו ויצא בערב לשׁכב במשׁכבו עם עבדי אדניו ואל ביתו לא ירד׃
2 Samuel 13:28
28 ויצו אבשׁלום את נעריו לאמר ראו נא כטוב לב אמנון ביין ואמרתי אליכם הכו את אמנון והמתם אתו אל תיראו הלוא כי אנכי צויתי אתכם חזקו והיו לבני חיל׃
1 Kings 20:16-21
16 ויצאו בצהרים ובן הדד שׁתה שׁכור בסכות הוא והמלכים שׁלשׁים ושׁנים מלך עזר אתו׃17 ויצאו נערי שׂרי המדינות בראשׁנה וישׁלח בן הדד ויגידו לו לאמר אנשׁים יצאו משׁמרון׃18 ויאמר אם לשׁלום יצאו תפשׂום חיים ואם למלחמה יצאו חיים תפשׂום׃19 ואלה יצאו מן העיר נערי שׂרי המדינות והחיל אשׁר אחריהם׃20 ויכו אישׁ אישׁו וינסו ארם וירדפם ישׂראל וימלט בן הדד מלך ארם על סוס ופרשׁים׃21 ויצא מלך ישׂראל ויך את הסוס ואת הרכב והכה בארם מכה גדולה׃
Proverbs 23:29-35
29 למי אוי למי אבוי למי מדונים למי שׂיח למי פצעים חנם למי חכללות עינים׃30 למאחרים על היין לבאים לחקר ממסך׃31 אל תרא יין כי יתאדם כי יתן בכיס עינו יתהלך במישׁרים׃32 אחריתו כנחשׁ ישׁך וכצפעני יפרשׁ׃33 עיניך יראו זרות ולבך ידבר תהפכות׃34 והיית כשׁכב בלב ים וכשׁכב בראשׁ חבל׃35 הכוני בל חליתי הלמוני בל ידעתי מתי אקיץ אוסיף אבקשׁנו עוד׃
Proverbs 31:4
4 אל למלכים למואל אל למלכים שׁתו יין ולרוזנים או שׁכר׃
Isaiah 5:22
22 הוי גבורים לשׁתות יין ואנשׁי חיל למסך שׁכר׃
Isaiah 28:7
7 וגם אלה ביין שׁגו ובשׁכר תעו כהן ונביא שׁגו בשׁכר נבלעו מן היין תעו מן השׁכר שׁגו בראה פקו פליליה׃
Isaiah 56:12
12 אתיו אקחה יין ונסבאה שׁכר והיה כזה יום מחר גדול יתר מאד׃
Hosea 4:11
11 זנות ויין ותירושׁ יקח לב׃
Hosea 7:5
5 יום מלכנו החלו שׂרים חמת מיין משׁך ידו את לצצים׃
Habakkuk 2:15-16
Numbers 16:38
38 (17:3) את מחתות החטאים האלה בנפשׁתם ועשׂו אתם רקעי פחים צפוי למזבח כי הקריבם לפני יהוה ויקדשׁו ויהיו לאות לבני ישׂראל׃
1 Kings 2:23
23 וישׁבע המלך שׁלמה ביהוה לאמר כה יעשׂה לי אלהים וכה יוסיף כי בנפשׁו דבר אדניהו את הדבר הזה׃
Proverbs 8:36
36 וחטאי חמס נפשׁו כל משׂנאי אהבו מות׃
Proverbs 16:14-15
Proverbs 19:12
12 נהם ככפיר זעף מלך וכטל על עשׂב רצונו׃
Ecclesiastes 10:4
4 אם רוח המושׁל תעלה עליך מקומך אל תנח כי מרפא יניח חטאים גדולים׃
Hosea 11:10
10 אחרי יהוה ילכו כאריה ישׁאג כי הוא ישׁאג ויחרדו בנים מים׃
Amos 3:8
8 אריה שׁאג מי לא יירא אדני יהוה דבר מי לא ינבא׃
Habakkuk 2:10
10 יעצת בשׁת לביתך קצות עמים רבים וחוטא נפשׁך׃
2 Kings 14:9
9 וישׁלח יהואשׁ מלך ישׂראל אל אמציהו מלך יהודה לאמר החוח אשׁר בלבנון שׁלח אל הארז אשׁר בלבנון לאמר תנה את בתך לבני לאשׁה ותעבר חית השׂדה אשׁר בלבנון ותרמס את החוח׃
Proverbs 14:17
17 קצר אפים יעשׂה אולת ואישׁ מזמות ישׂנא׃
Proverbs 14:29
29 ארך אפים רב תבונה וקצר רוח מרים אולת׃
Proverbs 16:32
32 טוב ארך אפים מגבור ומשׁל ברוחו מלכד עיר׃
Proverbs 17:14
14 פוטר מים ראשׁית מדון ולפני התגלע הריב נטושׁ׃
Proverbs 18:6
6 שׂפתי כסיל יבאו בריב ופיו למהלמות יקרא׃
Proverbs 19:11
11 שׂכל אדם האריך אפו ותפארתו עבר על פשׁע׃
Proverbs 21:24
24 זד יהיר לץ שׁמו עושׂה בעברת זדון׃
Proverbs 25:8-10
Proverbs 6:10-11
Proverbs 10:4
4 ראשׁ עשׂה כף רמיה ויד חרוצים תעשׁיר׃
Proverbs 13:4
4 מתאוה ואין נפשׁו עצל ונפשׁ חרצים תדשׁן׃
Proverbs 19:15
15 עצלה תפיל תרדמה ונפשׁ רמיה תרעב׃
Proverbs 19:24
24 טמן עצל ידו בצלחת גם אל פיהו לא ישׁיבנה׃
Proverbs 24:34
34 ובא מתהלך רישׁך ומחסריך כאישׁ מגן׃
Proverbs 26:13-16
Psalms 64:6
6 (64:7) יחפשׂו עולת תמנו חפשׂ מחפשׂ וקרב אישׁ ולב עמק׃
Proverbs 18:4
4 מים עמקים דברי פי אישׁ נחל נבע מקור חכמה׃
Psalms 12:1
1 למנצח על השׁמינית מזמור לדוד׃ (12:2) הושׁיעה יהוה כי גמר חסיד כי פסו אמונים מבני אדם׃
Proverbs 25:14
14 נשׂיאים ורוח וגשׁם אין אישׁ מתהלל במתת שׁקר׃
Proverbs 27:2
2 יהללך זר ולא פיך נכרי ואל שׂפתיך׃
Ecclesiastes 7:28
28 אשׁר עוד בקשׁה נפשׁי ולא מצאתי אדם אחד מאלף מצאתי ואשׁה בכל אלה לא מצאתי׃
Jeremiah 5:1
1 שׁוטטו בחוצות ירושׁלם וראו נא ודעו ובקשׁו ברחובותיה אם תמצאו אישׁ אם ישׁ עשׂה משׁפט מבקשׁ אמונה ואסלח׃
Micah 7:2
2 אבד חסיד מן הארץ וישׁר באדם אין כלם לדמים יארבו אישׁ את אחיהו יצודו חרם׃
Genesis 17:7
7 והקמתי את בריתי ביני ובינך ובין זרעך אחריך לדרתם לברית עולם להיות לך לאלהים ולזרעך אחריך׃
Psalms 15:2
2 הולך תמים ופעל צדק ודבר אמת בלבבו׃
Psalms 26:1
1 לדוד שׁפטני יהוה כי אני בתמי הלכתי וביהוה בטחתי לא אמעד׃
Psalms 26:11
11 ואני בתמי אלך פדני וחנני׃
Psalms 37:26
26 כל היום חונן ומלוה וזרעו לברכה׃
Psalms 112:2
2 גבור בארץ יהיה זרעו דור ישׁרים יברך׃
Proverbs 13:22
22 טוב ינחיל בני בנים וצפון לצדיק חיל חוטא׃
Proverbs 14:2
2 הולך בישׁרו ירא יהוה ונלוז דרכיו בוזהו׃
Proverbs 19:1
1 טוב רשׁ הולך בתמו מעקשׁ שׂפתיו והוא כסיל׃
Isaiah 33:15
15 הלך צדקות ודבר מישׁרים מאס בבצע מעשׁקות נער כפיו מתמך בשׁחד אטם אזנו משׁמע דמים ועצם עיניו מראות ברע׃
Jeremiah 32:39
39 ונתתי להם לב אחד ודרך אחד ליראה אותי כל הימים לטוב להם ולבניהם אחריהם׃
1 Samuel 23:3-4
2 Samuel 23:4
4 וכאור בקר יזרח שׁמשׁ בקר לא עבות מנגה ממטר דשׁא מארץ׃
Psalms 72:4
4 ישׁפט עניי עם יושׁיע לבני אביון וידכא עושׁק׃
Psalms 92:9
9 (92:10) כי הנה איביך יהוה כי הנה איביך יאבדו יתפרדו כל פעלי און׃
Psalms 99:4
4 ועז מלך משׁפט אהב אתה כוננת מישׁרים משׁפט וצדקה ביעקב אתה עשׂית׃
Psalms 101:6-8
Proverbs 16:12
12 תועבת מלכים עשׂות רשׁע כי בצדקה יכון כסא׃
Proverbs 20:26
26 מזרה רשׁעים מלך חכם וישׁב עליהם אופן׃
Proverbs 25:5
5 הגו רשׁע לפני מלך ויכון בצדק כסאו׃
Proverbs 29:14
14 מלך שׁופט באמת דלים כסאו לעד יכון׃
Isaiah 32:1
1 הן לצדק ימלך מלך ולשׂרים למשׁפט ישׂרו׃
1 Kings 8:46
46 כי יחטאו לך כי אין אדם אשׁר לא יחטא ואנפת בם ונתתם לפני אויב ושׁבום שׁביהם אל ארץ האויב רחוקה או קרובה׃
2 Chronicles 6:36
36 כי יחטאו לך כי אין אדם אשׁר לא יחטא ואנפת בם ונתתם לפני אויב ושׁבום שׁוביהם אל ארץ רחוקה או קרובה׃
Job 14:4
4 מי יתן טהור מטמא לא אחד׃
Job 15:14
14 מה אנושׁ כי יזכה וכי יצדק ילוד אשׁה׃
Job 25:4
4 ומה יצדק אנושׁ עם אל ומה יזכה ילוד אשׁה׃
Psalms 51:5
5 (51:7) הן בעוון חוללתי ובחטא יחמתני אמי׃
Ecclesiastes 7:20
20 כי אדם אין צדיק בארץ אשׁר יעשׂה טוב ולא יחטא׃
Leviticus 19:35
35 לא תעשׂו עול במשׁפט במדה במשׁקל ובמשׂורה׃
Deuteronomy 7:25-26
Deuteronomy 25:13-15
Proverbs 11:1
1 מאזני מרמה תועבת יהוה ואבן שׁלמה רצונו׃
Proverbs 16:11
11 פלס ומאזני משׁפט ליהוה מעשׂהו כל אבני כיס׃
Proverbs 20:23
23 תועבת יהוה אבן ואבן ומאזני מרמה לא טוב׃
Amos 8:4-7
Micah 6:10-11
Psalms 58:3
3 (58:4) זרו רשׁעים מרחם תעו מבטן דברי כזב׃
Proverbs 21:8
8 הפכפך דרך אישׁ וזר וזך ישׁר פעלו׃
Proverbs 22:15
15 אולת קשׁורה בלב נער שׁבט מוסר ירחיקנה ממנו׃
Exodus 4:11
11 ויאמר יהוה אליו מי שׂם פה לאדם או מי ישׂום אלם או חרשׁ או פקח או עור הלא אנכי יהוה׃
Psalms 94:9
9 הנטע אזן הלא ישׁמע אם יצר עין הלא יביט׃
Psalms 119:18
18 גל עיני ואביטה נפלאות מתורתך׃
Proverbs 6:9-11
9 עד מתי עצל תשׁכב מתי תקום משׁנתך׃
Proverbs 12:11
11 עבד אדמתו ישׂבע לחם ומרדף ריקים חסר לב׃
Proverbs 24:30-34
Jonah 1:6
6 ויקרב אליו רב החבל ויאמר לו מה לך נרדם קום קרא אל אלהיך אולי יתעשׁת האלהים לנו ולא נאבד׃
Ecclesiastes 1:10
10 ישׁ דבר שׁיאמר ראה זה חדשׁ הוא כבר היה לעלמים אשׁר היה מלפננו׃
Hosea 12:7-8
Job 28:12-19
12 והחכמה מאין תמצא ואי זה מקום בינה׃13 לא ידע אנושׁ ערכה ולא תמצא בארץ החיים׃14 תהום אמר לא בי היא וים אמר אין עמדי׃15 לא יתן סגור תחתיה ולא ישׁקל כסף מחירה׃16 לא תסלה בכתם אופיר בשׁהם יקר וספיר׃17 לא יערכנה זהב וזכוכית ותמורתה כלי פז׃18 ראמות וגבישׁ לא יזכר ומשׁך חכמה מפנינים׃19 לא יערכנה פטדת כושׁ בכתם טהור לא תסלה׃
Proverbs 3:15
15 יקרה היא מפניים וכל חפציך לא ישׁוו׃
Proverbs 8:11
11 כי טובה חכמה מפנינים וכל חפצים לא ישׁוו׃
Proverbs 10:20-21
Proverbs 15:7
7 שׂפתי חכמים יזרו דעת ולב כסילים לא כן׃
Proverbs 15:23
23 שׂמחה לאישׁ במענה פיו ודבר בעתו מה טוב׃
Proverbs 16:16
16 קנה חכמה מה טוב מחרוץ וקנות בינה נבחר מכסף׃
Proverbs 16:21
21 לחכם לב יקרא נבון ומתק שׂפתים יסיף לקח׃
Proverbs 16:24
24 צוף דבשׁ אמרי נעם מתוק לנפשׁ ומרפא לעצם׃
Proverbs 25:12
12 נזם זהב וחלי כתם מוכיח חכם על אזן שׁמעת׃
Ecclesiastes 12:9-11
Exodus 22:26-27
Proverbs 2:16
16 להצילך מאשׁה זרה מנכריה אמריה החליקה׃
Proverbs 5:3
3 כי נפת תטפנה שׂפתי זרה וחלק משׁמן חכה׃
Proverbs 7:5
5 לשׁמרך מאשׁה זרה מנכריה אמריה החליקה׃
Proverbs 7:10
10 והנה אשׁה לקראתו שׁית זונה ונצרת לב׃
Proverbs 11:15
15 רע ירוע כי ערב זר ושׂנא תקעים בוטח׃
Proverbs 22:26-27
Proverbs 23:27
27 כי שׁוחה עמקה זונה ובאר צרה נכריה׃
Proverbs 27:13
13 קח בגדו כי ערב זר ובעד נכריה חבלהו׃
Genesis 3:6-7
Job 20:12-20
12 אם תמתיק בפיו רעה יכחידנה תחת לשׁונו׃13 יחמל עליה ולא יעזבנה וימנענה בתוך חכו׃14 לחמו במעיו נהפך מרורת פתנים בקרבו׃15 חיל בלע ויקאנו מבטנו יורשׁנו אל׃16 ראשׁ פתנים יינק תהרגהו לשׁון אפעה׃17 אל ירא בפלגות נהרי נחלי דבשׁ וחמאה׃18 משׁיב יגע ולא יבלע כחיל תמורתו ולא יעלס׃19 כי רצץ עזב דלים בית גזל ולא יבנהו׃20 כי לא ידע שׁלו בבטנו בחמודו לא ימלט׃
Proverbs 4:17
17 כי לחמו לחם רשׁע ויין חמסים ישׁתו׃
Proverbs 9:17-18
Ecclesiastes 11:9
9 שׂמח בחור בילדותיך ויטיבך לבך בימי בחורותך והלך בדרכי לבך ובמראי עיניך ודע כי על כל אלה יביאך האלהים במשׁפט׃
Lamentations 3:15-16
Judges 1:1-2
Judges 9:29
29 ומי יתן את העם הזה בידי ואסירה את אבימלך ויאמר לאבימלך רבה צבאך וצאה׃
Judges 20:7
7 הנה כלכם בני ישׂראל הבו לכם דבר ועצה הלם׃
Judges 20:18
18 ויקמו ויעלו בית אל וישׁאלו באלהים ויאמרו בני ישׂראל מי יעלה לנו בתחלה למלחמה עם בני בנימן ויאמר יהוה יהודה בתחלה׃
Judges 20:23
23 ויעלו בני ישׂראל ויבכו לפני יהוה עד הערב וישׁאלו ביהוה לאמר האוסיף לגשׁת למלחמה עם בני בנימן אחי ויאמר יהוה עלו אליו׃
Judges 20:26-28
26 ויעלו כל בני ישׂראל וכל העם ויבאו בית אל ויבכו וישׁבו שׁם לפני יהוה ויצומו ביום ההוא עד הערב ויעלו עלות ושׁלמים לפני יהוה׃27 וישׁאלו בני ישׂראל ביהוה ושׁם ארון ברית האלהים בימים ההם׃28 ופינחס בן אלעזר בן אהרן עמד לפניו בימים ההם לאמר האוסף עוד לצאת למלחמה עם בני בנימן אחי אם אחדל ויאמר יהוה עלו כי מחר אתננו בידך׃
2 Samuel 2:26-27
2 Chronicles 25:17-23
17 ויועץ אמציהו מלך יהודה וישׁלח אל יואשׁ בן יהואחז בן יהוא מלך ישׂראל לאמר לך נתראה פנים׃18 וישׁלח יואשׁ מלך ישׂראל אל אמציהו מלך יהודה לאמר החוח אשׁר בלבנון שׁלח אל הארז אשׁר בלבנון לאמר תנה את בתך לבני לאשׁה ותעבר חית השׂדה אשׁר בלבנון ותרמס את החוח׃19 אמרת הנה הכית את אדום ונשׂאך לבך להכביד עתה שׁבה בביתך למה תתגרה ברעה ונפלת אתה ויהודה עמך׃20 ולא שׁמע אמציהו כי מהאלהים היא למען תתם ביד כי דרשׁו את אלהי אדום׃21 ויעל יואשׁ מלך ישׂראל ויתראו פנים הוא ואמציהו מלך יהודה בבית שׁמשׁ אשׁר ליהודה׃22 וינגף יהודה לפני ישׂראל וינסו אישׁ לאהליו׃23 ואת אמציהו מלך יהודה בן יואשׁ בן יהואחז תפשׂ יואשׁ מלך ישׂראל בבית שׁמשׁ ויביאהו ירושׁלם ויפרץ בחומת ירושׁלם משׁער אפרים עד שׁער הפונה ארבע מאות אמה׃
Proverbs 11:14
14 באין תחבלות יפל עם ותשׁועה ברב יועץ׃
Proverbs 15:22
22 הפר מחשׁבות באין סוד וברב יועצים תקום׃
Proverbs 24:6
6 כי בתחבלות תעשׂה לך מלחמה ותשׁועה ברב יועץ׃
Proverbs 25:8
8 אל תצא לרב מהר פן מה תעשׂה באחריתה בהכלים אתך רעך׃
Leviticus 19:16
16 לא תלך רכיל בעמיך לא תעמד על דם רעך אני יהוה׃
Proverbs 11:13
13 הולך רכיל מגלה סוד ונאמן רוח מכסה דבר׃
Proverbs 13:3
3 נצר פיו שׁמר נפשׁו פשׂק שׂפתיו מחתה׃
Proverbs 16:29
29 אישׁ חמס יפתה רעהו והוליכו בדרך לא טוב׃
Proverbs 18:8
8 דברי נרגן כמתלהמים והם ירדו חדרי בטן׃
Proverbs 24:21
21 ירא את יהוה בני ומלך עם שׁונים אל תתערב׃
Proverbs 26:20-22
Exodus 20:12
12 כבד את אביך ואת אמך למען יארכון ימיך על האדמה אשׁר יהוה אלהיך נתן׃
Exodus 21:17
17 ומקלל אביו ואמו מות יומת׃
Leviticus 20:9
9 כי אישׁ אישׁ אשׁר יקלל את אביו ואת אמו מות יומת אביו ואמו קלל דמיו׃
Deuteronomy 27:16
16 ארור מקלה אביו ואמו ואמר כל העם אמן׃
Job 18:5-6
Job 18:18
18 יהדפהו מאור אל חשׁך ומתבל ינדהו׃
Proverbs 13:9
9 אור צדיקים ישׂמח ונר רשׁעים ידעך׃
Proverbs 24:20
20 כי לא תהיה אחרית לרע נר רשׁעים ידעך׃
Proverbs 30:11
11 דור אביו יקלל ואת אמו לא יברך׃
Proverbs 30:17
17 עין תלעג לאב ותבוז ליקהת אם יקרוה ערבי נחל ויאכלוה בני נשׁר׃
Job 27:16-17
Proverbs 23:4
4 אל תיגע להעשׁיר מבינתך חדל׃
Proverbs 28:8
8 מרבה הונו בנשׁך ובתרבית לחונן דלים יקבצנו׃
Proverbs 28:20
20 אישׁ אמונות רב ברכות ואץ להעשׁיר לא ינקה׃
Proverbs 28:22
22 נבהל להון אישׁ רע עין ולא ידע כי חסר יבאנו׃
Habakkuk 2:6
6 הלוא אלה כלם עליו משׁל ישׂאו ומליצה חידות לו ויאמר הוי המרבה לא לו עד מתי ומכביד עליו עבטיט׃
Zechariah 5:4
4 הוצאתיה נאם יהוה צבאות ובאה אל בית הגנב ואל בית הנשׁבע בשׁמי לשׁקר ולנה בתוך ביתו וכלתו ואת עציו ואת אבניו׃
Malachi 2:2
2 אם לא תשׁמעו ואם לא תשׂימו על לב לתת כבוד לשׁמי אמר יהוה צבאות ושׁלחתי בכם את המארה וארותי את ברכותיכם וגם ארותיה כי אינכם שׂמים על לב׃
Deuteronomy 32:35
35 לי נקם ושׁלם לעת תמוט רגלם כי קרוב יום אידם וחשׁ עתדת׃
2 Samuel 16:12
12 אולי יראה יהוה בעוני והשׁיב יהוה לי טובה תחת קללתו היום הזה׃
Psalms 27:14
14 קוה אל יהוה חזק ויאמץ לבך וקוה אל יהוה׃
Psalms 37:34
34 קוה אל יהוה ושׁמר דרכו וירוממך לרשׁת ארץ בהכרת רשׁעים תראה׃
Proverbs 17:13
13 משׁיב רעה תחת טובה לא תמישׁ רעה מביתו׃
Proverbs 24:29
29 אל תאמר כאשׁר עשׂה לי כן אעשׂה לו אשׁיב לאישׁ כפעלו׃
Isaiah 40:31
31 וקוי יהוה יחליפו כח יעלו אבר כנשׁרים ירוצו ולא ייגעו ילכו ולא ייעפו׃
Lamentations 3:25-26
Proverbs 20:10
10 אבן ואבן איפה ואיפה תועבת יהוה גם שׁניהם׃
Ezekiel 45:10
10 מאזני צדק ואיפת צדק ובת צדק יהי׃
Hosea 12:7
7 (12:8) כנען בידו מאזני מרמה לעשׁק אהב׃
Amos 8:5
5 לאמר מתי יעבר החדשׁ ונשׁבירה שׁבר והשׁבת ונפתחה בר להקטין איפה ולהגדיל שׁקל ולעות מאזני מרמה׃
Psalms 25:4
4 דרכיך יהוה הודיעני ארחותיך למדני׃
Psalms 25:12
12 מי זה האישׁ ירא יהוה יורנו בדרך יבחר׃
Psalms 37:23
23 מיהוה מצעדי גבר כוננו ודרכו יחפץ׃
Proverbs 14:8
8 חכמת ערום הבין דרכו ואולת כסילים מרמה׃
Proverbs 16:9
9 לב אדם יחשׁב דרכו ויהוה יכין צעדו׃
Isaiah 10:6-7
Jeremiah 10:23
23 ידעתי יהוה כי לא לאדם דרכו לא לאישׁ הלך והכין את צעדו׃
Daniel 5:23
23 ועל מרא שׁמיא התרוממת ולמאניא די ביתה היתיו קדמיך ואנתה ורברבניך שׁגלתך ולחנתך חמרא שׁתין בהון ולאלהי כספא ודהבא נחשׁא פרזלא אעא ואבנא די לא חזין ולא שׁמעין ולא ידעין שׁבחת ולאלהא די נשׁמתך בידה וכל ארחתך לה לא הדרת׃
Leviticus 5:15
15 נפשׁ כי תמעל מעל וחטאה בשׁגגה מקדשׁי יהוה והביא את אשׁמו ליהוה איל תמים מן הצאן בערכך כסף שׁקלים בשׁקל הקדשׁ לאשׁם׃
Leviticus 22:10-15
10 וכל זר לא יאכל קדשׁ תושׁב כהן ושׂכיר לא יאכל קדשׁ׃11 וכהן כי יקנה נפשׁ קנין כספו הוא יאכל בו ויליד ביתו הם יאכלו בלחמו׃12 ובת כהן כי תהיה לאישׁ זר הוא בתרומת הקדשׁים לא תאכל׃13 ובת כהן כי תהיה אלמנה וגרושׁה וזרע אין לה ושׁבה אל בית אביה כנעוריה מלחם אביה תאכל וכל זר לא יאכל׃14 ואישׁ כי יאכל קדשׁ בשׁגגה ויסף חמשׁיתו עליו ונתן לכהן את הקדשׁ׃15 ולא יחללו את קדשׁי בני ישׂראל את אשׁר ירימו ליהוה׃
Leviticus 27:9-10
Leviticus 27:30-31
Numbers 30:2-16
2 (30:3) אישׁ כי ידר נדר ליהוה או השׁבע שׁבעה לאסר אסר על נפשׁו לא יחל דברו ככל היצא מפיו יעשׂה׃3 (30:4) ואשׁה כי תדר נדר ליהוה ואסרה אסר בבית אביה בנעריה׃4 (30:5) ושׁמע אביה את נדרה ואסרה אשׁר אסרה על נפשׁה והחרישׁ לה אביה וקמו כל נדריה וכל אסר אשׁר אסרה על נפשׁה יקום׃5 (30:6) ואם הניא אביה אתה ביום שׁמעו כל נדריה ואסריה אשׁר אסרה על נפשׁה לא יקום ויהוה יסלח לה כי הניא אביה אתה׃6 (30:7) ואם היו תהיה לאישׁ ונדריה עליה או מבטא שׂפתיה אשׁר אסרה על נפשׁה׃7 (30:8) ושׁמע אישׁה ביום שׁמעו והחרישׁ לה וקמו נדריה ואסרה אשׁר אסרה על נפשׁה יקמו׃8 (30:9) ואם ביום שׁמע אישׁה יניא אותה והפר את נדרה אשׁר עליה ואת מבטא שׂפתיה אשׁר אסרה על נפשׁה ויהוה יסלח׃9 (30:10) ונדר אלמנה וגרושׁה כל אשׁר אסרה על נפשׁה יקום עליה׃10 (30:11) ואם בית אישׁה נדרה או אסרה אסר על נפשׁה בשׁבעה׃11 (30:12) ושׁמע אישׁה והחרשׁ לה לא הניא אתה וקמו כל נדריה וכל אסר אשׁר אסרה על נפשׁה יקום׃12 (30:13) ואם הפר יפר אתם אישׁה ביום שׁמעו כל מוצא שׂפתיה לנדריה ולאסר נפשׁה לא יקום אישׁה הפרם ויהוה יסלח׃13 (30:14) כל נדר וכל שׁבעת אסר לענת נפשׁ אישׁה יקימנו ואישׁה יפרנו׃14 (30:15) ואם החרשׁ יחרישׁ לה אישׁה מיום אל יום והקים את כל נדריה או את כל אסריה אשׁר עליה הקים אתם כי החרשׁ לה ביום שׁמעו׃15 (30:16) ואם הפר יפר אתם אחרי שׁמעו ונשׂא את עונה׃16 (30:17) אלה החקים אשׁר צוה יהוה את משׁה בין אישׁ לאשׁתו בין אב לבתו בנעריה בית אביה׃
Proverbs 18:7
7 פי כסיל מחתה לו ושׂפתיו מוקשׁ נפשׁו׃
Ecclesiastes 5:4-6
Malachi 3:8-10
2 Samuel 4:9-12
9 ויען דוד את רכב ואת בענה אחיו בני רמון הבארתי ויאמר להם חי יהוה אשׁר פדה את נפשׁי מכל צרה׃10 כי המגיד לי לאמר הנה מת שׁאול והוא היה כמבשׂר בעיניו ואחזה בו ואהרגהו בצקלג אשׁר לתתי לו בשׂרה׃11 אף כי אנשׁים רשׁעים הרגו את אישׁ צדיק בביתו על משׁכבו ועתה הלוא אבקשׁ את דמו מידכם ובערתי אתכם מן הארץ׃12 ויצו דוד את הנערים ויהרגום ויקצצו את ידיהם ואת רגליהם ויתלו על הברכה בחברון ואת ראשׁ אישׁ בשׁת לקחו ויקברו בקבר אבנר בחברון׃
2 Samuel 12:31
31 ואת העם אשׁר בה הוציא וישׂם במגרה ובחרצי הברזל ובמגזרת הברזל והעביר אותם במלכן וכן יעשׂה לכל ערי בני עמון וישׁב דוד וכל העם ירושׁלם׃
Psalms 101:5-8
5 מלושׁני בסתר רעהו אותו אצמית גבה עינים ורחב לבב אתו לא אוכל׃
Proverbs 20:8
8 מלך יושׁב על כסא דין מזרה בעיניו כל רע׃
Isaiah 28:27-28
Genesis 2:7
7 וייצר יהוה אלהים את האדם עפר מן האדמה ויפח באפיו נשׁמת חיים ויהי האדם לנפשׁ חיה׃
Job 32:8
8 אכן רוח היא באנושׁ ונשׁמת שׁדי תבינם׃
Proverbs 20:30
30 חברות פצע תמריק ברע ומכות חדרי בטן׃
Psalms 21:7
7 (21:8) כי המלך בטח ביהוה ובחסד עליון בל ימוט׃
Psalms 61:7
7 (61:8) ישׁב עולם לפני אלהים חסד ואמת מן ינצרהו׃
Psalms 101:1
1 לדוד מזמור חסד ומשׁפט אשׁירה לך יהוה אזמרה׃
Proverbs 16:6
6 בחסד ואמת יכפר עון וביראת יהוה סור מרע׃
Isaiah 16:5
5 והוכן בחסד כסא וישׁב עליו באמת באהל דוד שׁפט ודרשׁ משׁפט ומהר צדק׃
Leviticus 19:32
32 מפני שׂיבה תקום והדרת פני זקן ויראת מאלהיך אני יהוה׃
Proverbs 16:31
31 עטרת תפארת שׂיבה בדרך צדקה תמצא׃
Jeremiah 9:23-24
Proverbs 19:25
25 לץ תכה ופתי יערם והוכיח לנבון יבין דעת׃
Isaiah 27:9
9 לכן בזאת יכפר עון יעקב וזה כל פרי הסר חטאתו בשׂומו כל אבני מזבח כאבני גר מנפצות לא יקמו אשׁרים וחמנים׃
Isaiah 53:5
5 והוא מחלל מפשׁענו מדכא מעונתינו מוסר שׁלומנו עליו ובחברתו נרפא׃