17 מלוה יהוה חונן דל וגמלו ישׁלם׃
Proverbs 19:17 Cross References - HOT
Deuteronomy 15:7-14
7 כי יהיה בך אביון מאחד אחיך באחד שׁעריך בארצך אשׁר יהוה אלהיך נתן לך לא תאמץ את לבבך ולא תקפץ את ידך מאחיך האביון׃8 כי פתח תפתח את ידך לו והעבט תעביטנו די מחסרו אשׁר יחסר׃9 השׁמר לך פן יהיה דבר עם לבבך בליעל לאמר קרבה שׁנת השׁבע שׁנת השׁמטה ורעה עינך באחיך האביון ולא תתן לו וקרא עליך אל יהוה והיה בך חטא׃10 נתון תתן לו ולא ירע לבבך בתתך לו כי בגלל הדבר הזה יברכך יהוה אלהיך בכל מעשׂך ובכל משׁלח ידך׃11 כי לא יחדל אביון מקרב הארץ על כן אנכי מצוך לאמר פתח תפתח את ידך לאחיך לעניך ולאבינך בארצך׃12 כי ימכר לך אחיך העברי או העבריה ועבדך שׁשׁ שׁנים ובשׁנה השׁביעת תשׁלחנו חפשׁי מעמך׃13 וכי תשׁלחנו חפשׁי מעמך לא תשׁלחנו ריקם׃14 העניק תעניק לו מצאנך ומגרנך ומיקבך אשׁר ברכך יהוה אלהיך תתן׃
2 Samuel 12:6
6 ואת הכבשׂה ישׁלם ארבעתים עקב אשׁר עשׂה את הדבר הזה ועל אשׁר לא חמל׃
Proverbs 11:24-25
Proverbs 12:14
14 מפרי פי אישׁ ישׂבע טוב וגמול ידי אדם ישׁוב׃
Proverbs 14:21
21 בז לרעהו חוטא ומחונן עניים אשׁריו׃
Proverbs 14:31
31 עשׁק דל חרף עשׂהו ומכבדו חנן אביון׃
Proverbs 28:8
8 מרבה הונו בנשׁך ובתרבית לחונן דלים יקבצנו׃
Proverbs 28:27
27 נותן לרשׁ אין מחסור ומעלים עיניו רב מארות׃
Ecclesiastes 11:1
1 שׁלח לחמך על פני המים כי ברב הימים תמצאנו׃
Isaiah 58:7-11
7 הלוא פרס לרעב לחמך ועניים מרודים תביא בית כי תראה ערם וכסיתו ומבשׂרך לא תתעלם׃8 אז יבקע כשׁחר אורך וארכתך מהרה תצמח והלך לפניך צדקך כבוד יהוה יאספך׃9 אז תקרא ויהוה יענה תשׁוע ויאמר הנני אם תסיר מתוכך מוטה שׁלח אצבע ודבר און׃10 ותפק לרעב נפשׁך ונפשׁ נענה תשׂביע וזרח בחשׁך אורך ואפלתך כצהרים׃11 ונחך יהוה תמיד והשׂביע בצחצחות נפשׁך ועצמתיך יחליץ והיית כגן רוה וכמוצא מים אשׁר לא יכזבו מימיו׃