Proverbs 18:14 Cross References - HOT

14 רוח אישׁ יכלכל מחלהו ורוח נכאה מי ישׂאנה׃

Job 1:20-21

20 ויקם איוב ויקרע את מעלו ויגז את ראשׁו ויפל ארצה וישׁתחו׃21 ויאמר ערם יצתי מבטן אמי וערם אשׁוב שׁמה יהוה נתן ויהוה לקח יהי שׁם יהוה מברך׃

Job 2:7-10

7 ויצא השׂטן מאת פני יהוה ויך את איוב בשׁחין רע מכף רגלו עד קדקדו׃8 ויקח לו חרשׂ להתגרד בו והוא ישׁב בתוך האפר׃9 ותאמר לו אשׁתו עדך מחזיק בתמתך ברך אלהים ומת׃10 ויאמר אליה כדבר אחת הנבלות תדברי גם את הטוב נקבל מאת האלהים ואת הרע לא נקבל בכל זאת לא חטא איוב בשׂפתיו׃

Job 6:4

4 כי חצי שׁדי עמדי אשׁר חמתם שׁתה רוחי בעותי אלוה יערכוני׃

Job 7:14-15

14 וחתתני בחלמות ומחזינות תבעתני׃15 ותבחר מחנק נפשׁי מות מעצמותי׃

Job 10:15-17

15 אם רשׁעתי אללי לי וצדקתי לא אשׂא ראשׁי שׂבע קלון וראה עניי׃16 ויגאה כשׁחל תצודני ותשׁב תתפלא׃17 תחדשׁ עדיך נגדי ותרב כעשׂך עמדי חליפות וצבא עמי׃

Psalms 30:9-10

9 (30:10) מה בצע בדמי ברדתי אל שׁחת היודך עפר היגיד אמתך׃10 (30:11) שׁמע יהוה וחנני יהוה היה עזר׃

Psalms 32:3-4

3 כי החרשׁתי בלו עצמי בשׁאגתי כל היום׃4 כי יומם ולילה תכבד עלי ידך נהפך לשׁדי בחרבני קיץ סלה׃

Psalms 38:2-4

2 (38:3) כי חציך נחתו בי ותנחת עלי ידך׃3 (38:4) אין מתם בבשׂרי מפני זעמך אין שׁלום בעצמי מפני חטאתי׃4 (38:5) כי עונתי עברו ראשׁי כמשׂא כבד יכבדו ממני׃

Psalms 42:10-11

10 (42:11) ברצח בעצמותי חרפוני צוררי באמרם אלי כל היום איה אלהיך׃11 (42:12) מה תשׁתוחחי נפשׁי ומה תהמי עלי הוחילי לאלהים כי עוד אודנו ישׁועת פני ואלהי׃

Psalms 55:3

3 (55:4) מקול אויב מפני עקת רשׁע כי ימיטו עלי און ובאף ישׂטמוני׃

Psalms 55:5

5 (55:6) יראה ורעד יבא בי ותכסני פלצות׃

Psalms 77:2-3

2 (77:3) ביום צרתי אדני דרשׁתי ידי לילה נגרה ולא תפוג מאנה הנחם נפשׁי׃3 (77:4) אזכרה אלהים ואהמיה אשׂיחה ותתעטף רוחי סלה׃

Psalms 88:14-16

14 (88:15) למה יהוה תזנח נפשׁי תסתיר פניך ממני׃15 (88:16) עני אני וגוע מנער נשׂאתי אמיך אפונה׃16 (88:17) עלי עברו חרוניך בעותיך צמתותני׃

Psalms 109:22

22 כי עני ואביון אנכי ולבי חלל בקרבי׃

Psalms 147:3

3 הרפא לשׁבורי לב ומחבשׁ לעצבותם׃

Proverbs 15:13

13 לב שׂמח ייטב פנים ובעצבת לב רוח נכאה׃

Proverbs 17:22

22 לב שׂמח ייטב גהה ורוח נכאה תיבשׁ גרם׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.