1 וישׁמע הכנעני מלך ערד ישׁב הנגב כי בא ישׂראל דרך האתרים וילחם בישׂראל וישׁב ממנו שׁבי׃2 וידר ישׂראל נדר ליהוה ויאמר אם נתן תתן את העם הזה בידי והחרמתי את עריהם׃3 וישׁמע יהוה בקול ישׂראל ויתן את הכנעני ויחרם אתהם ואת עריהם ויקרא שׁם המקום חרמה׃4 ויסעו מהר ההר דרך ים סוף לסבב את ארץ אדום ותקצר נפשׁ העם בדרך׃5 וידבר העם באלהים ובמשׁה למה העליתנו ממצרים למות במדבר כי אין לחם ואין מים ונפשׁנו קצה בלחם הקלקל׃6 וישׁלח יהוה בעם את הנחשׁים השׂרפים וינשׁכו את העם וימת עם רב מישׂראל׃7 ויבא העם אל משׁה ויאמרו חטאנו כי דברנו ביהוה ובך התפלל אל יהוה ויסר מעלינו את הנחשׁ ויתפלל משׁה בעד העם׃8 ויאמר יהוה אל משׁה עשׂה לך שׂרף ושׂים אתו על נס והיה כל הנשׁוך וראה אתו וחי׃9 ויעשׂ משׁה נחשׁ נחשׁת וישׂמהו על הנס והיה אם נשׁך הנחשׁ את אישׁ והביט אל נחשׁ הנחשׁת וחי׃10 ויסעו בני ישׂראל ויחנו באבת׃11 ויסעו מאבת ויחנו בעיי העברים במדבר אשׁר על פני מואב ממזרח השׁמשׁ׃12 משׁם נסעו ויחנו בנחל זרד׃13 משׁם נסעו ויחנו מעבר ארנון אשׁר במדבר היצא מגבל האמרי כי ארנון גבול מואב בין מואב ובין האמרי׃14 על כן יאמר בספר מלחמת יהוה את והב בסופה ואת הנחלים ארנון׃15 ואשׁד הנחלים אשׁר נטה לשׁבת ער ונשׁען לגבול מואב׃16 ומשׁם בארה הוא הבאר אשׁר אמר יהוה למשׁה אסף את העם ואתנה להם מים׃17 אז ישׁיר ישׂראל את השׁירה הזאת עלי באר ענו׃18 באר חפרוה שׂרים כרוה נדיבי העם במחקק במשׁענתם וממדבר מתנה׃19 וממתנה נחליאל ומנחליאל במות׃20 ומבמות הגיא אשׁר בשׂדה מואב ראשׁ הפסגה ונשׁקפה על פני הישׁימן׃21 וישׁלח ישׂראל מלאכים אל סיחן מלך האמרי לאמר׃22 אעברה בארצך לא נטה בשׂדה ובכרם לא נשׁתה מי באר בדרך המלך נלך עד אשׁר נעבר גבלך׃23 ולא נתן סיחן את ישׂראל עבר בגבלו ויאסף סיחן את כל עמו ויצא לקראת ישׂראל המדברה ויבא יהצה וילחם בישׂראל׃24 ויכהו ישׂראל לפי חרב ויירשׁ את ארצו מארנן עד יבק עד בני עמון כי עז גבול בני עמון׃25 ויקח ישׂראל את כל הערים האלה וישׁב ישׂראל בכל ערי האמרי בחשׁבון ובכל בנתיה׃26 כי חשׁבון עיר סיחן מלך האמרי הוא והוא נלחם במלך מואב הראשׁון ויקח את כל ארצו מידו עד ארנן׃27 על כן יאמרו המשׁלים באו חשׁבון תבנה ותכונן עיר סיחון׃28 כי אשׁ יצאה מחשׁבון להבה מקרית סיחן אכלה ער מואב בעלי במות ארנן׃29 אוי לך מואב אבדת עם כמושׁ נתן בניו פליטם ובנתיו בשׁבית למלך אמרי סיחון׃30 ונירם אבד חשׁבון עד דיבן ונשׁים עד נפח אשׁר עד מידבא׃31 וישׁב ישׂראל בארץ האמרי׃32 וישׁלח משׁה לרגל את יעזר וילכדו בנתיה ויירשׁ את האמרי אשׁר שׁם׃33 ויפנו ויעלו דרך הבשׁן ויצא עוג מלך הבשׁן לקראתם הוא וכל עמו למלחמה אדרעי׃34 ויאמר יהוה אל משׁה אל תירא אתו כי בידך נתתי אתו ואת כל עמו ואת ארצו ועשׂית לו כאשׁר עשׂית לסיחן מלך האמרי אשׁר יושׁב בחשׁבון׃35 ויכו אתו ואת בניו ואת כל עמו עד בלתי השׁאיר לו שׂריד ויירשׁו את ארצו׃
Numbers 21 Cross References - HOT
Numbers 13:21-22
Numbers 14:45
45 וירד העמלקי והכנעני הישׁב בהר ההוא ויכום ויכתום עד החרמה׃
Numbers 33:40
40 וישׁמע הכנעני מלך ערד והוא ישׁב בנגב בארץ כנען בבא בני ישׂראל׃
Deuteronomy 2:32
32 ויצא סיחן לקראתנו הוא וכל עמו למלחמה יהצה׃
Joshua 7:5
5 ויכו מהם אנשׁי העי כשׁלשׁים ושׁשׁה אישׁ וירדפום לפני השׁער עד השׁברים ויכום במורד וימס לבב העם ויהי למים׃
Joshua 11:19-20
Joshua 12:14
14 מלך חרמה אחד מלך ערד אחד׃
Judges 1:16
16 ובני קיני חתן משׁה עלו מעיר התמרים את בני יהודה מדבר יהודה אשׁר בנגב ערד וילך וישׁב את העם׃
Psalms 44:3-4
Genesis 28:20
20 וידר יעקב נדר לאמר אם יהיה אלהים עמדי ושׁמרני בדרך הזה אשׁר אנכי הולך ונתן לי לחם לאכל ובגד ללבשׁ׃
Leviticus 27:28-29
Deuteronomy 13:15
15 (13:16) הכה תכה את ישׁבי העיר ההוא לפי חרב החרם אתה ואת כל אשׁר בה ואת בהמתה לפי חרב׃
Joshua 6:17
17 והיתה העיר חרם היא וכל אשׁר בה ליהוה רק רחב הזונה תחיה היא וכל אשׁר אתה בבית כי החבאתה את המלאכים אשׁר שׁלחנו׃
Joshua 6:26
26 וישׁבע יהושׁע בעת ההיא לאמר ארור האישׁ לפני יהוה אשׁר יקום ובנה את העיר הזאת את יריחו בבכרו ייסדנה ובצעירו יציב דלתיה׃
Judges 11:30
30 וידר יפתח נדר ליהוה ויאמר אם נתון תתן את בני עמון בידי׃
1 Samuel 1:11
11 ותדר נדר ותאמר יהוה צבאות אם ראה תראה בעני אמתך וזכרתני ולא תשׁכח את אמתך ונתתה לאמתך זרע אנשׁים ונתתיו ליהוה כל ימי חייו ומורה לא יעלה על ראשׁו׃
2 Samuel 15:7-8
Psalms 56:12-13
Psalms 116:18
18 נדרי ליהוה אשׁלם נגדה נא לכל עמו׃
Psalms 132:2
2 אשׁר נשׁבע ליהוה נדר לאביר יעקב׃
Deuteronomy 1:44
44 ויצא האמרי הישׁב בהר ההוא לקראתכם וירדפו אתכם כאשׁר תעשׂינה הדברים ויכתו אתכם בשׂעיר עד חרמה׃
1 Samuel 30:30
30 ולאשׁר בחרמה ולאשׁר בבור עשׁן ולאשׁר בעתך׃
Psalms 10:17
17 תאות ענוים שׁמעת יהוה תכין לבם תקשׁיב אזנך׃
Psalms 91:15
15 יקראני ואענהו עמו אנכי בצרה אחלצהו ואכבדהו׃
Psalms 102:17
17 (102:18) פנה אל תפלת הערער ולא בזה את תפלתם׃
Exodus 6:9
9 וידבר משׁה כן אל בני ישׂראל ולא שׁמעו אל משׁה מקצר רוח ומעבדה קשׁה׃
Numbers 14:25
25 והעמלקי והכנעני יושׁב בעמק מחר פנו וסעו לכם המדבר דרך ים סוף׃
Numbers 20:18-23
18 ויאמר אליו אדום לא תעבר בי פן בחרב אצא לקראתך׃19 ויאמרו אליו בני ישׂראל במסלה נעלה ואם מימיך נשׁתה אני ומקני ונתתי מכרם רק אין דבר ברגלי אעברה׃20 ויאמר לא תעבר ויצא אדום לקראתו בעם כבד וביד חזקה׃21 וימאן אדום נתן את ישׂראל עבר בגבלו ויט ישׂראל מעליו׃22 ויסעו מקדשׁ ויבאו בני ישׂראל כל העדה הר ההר׃23 ויאמר יהוה אל משׁה ואל אהרן בהר ההר על גבול ארץ אדום לאמר׃
Numbers 20:27
27 ויעשׂ משׁה כאשׁר צוה יהוה ויעלו אל הר ההר לעיני כל העדה׃
Numbers 32:7
7 ולמה תנואון את לב בני ישׂראל מעבר אל הארץ אשׁר נתן להם יהוה׃
Numbers 32:9
9 ויעלו עד נחל אשׁכול ויראו את הארץ ויניאו את לב בני ישׂראל לבלתי בא אל הארץ אשׁר נתן להם יהוה׃
Numbers 33:41
41 ויסעו מהר ההר ויחנו בצלמנה׃
Deuteronomy 1:40
40 ואתם פנו לכם וסעו המדברה דרך ים סוף׃
Deuteronomy 2:5-8
5 אל תתגרו בם כי לא אתן לכם מארצם עד מדרך כף רגל כי ירשׁה לעשׂו נתתי את הר שׂעיר׃6 אכל תשׁברו מאתם בכסף ואכלתם וגם מים תכרו מאתם בכסף ושׁתיתם׃7 כי יהוה אלהיך ברכך בכל מעשׂה ידך ידע לכתך את המדבר הגדל הזה זה ארבעים שׁנה יהוה אלהיך עמך לא חסרת דבר׃8 ונעבר מאת אחינו בני עשׂו הישׁבים בשׂעיר מדרך הערבה מאילת ומעצין גבר ונפן ונעבר דרך מדבר מואב׃
Judges 11:18
18 וילך במדבר ויסב את ארץ אדום ואת ארץ מואב ויבא ממזרח שׁמשׁ לארץ מואב ויחנון בעבר ארנון ולא באו בגבול מואב כי ארנון גבול מואב׃
Exodus 14:11
11 ויאמרו אל משׁה המבלי אין קברים במצרים לקחתנו למות במדבר מה זאת עשׂית לנו להוציאנו ממצרים׃
Exodus 15:24
24 וילנו העם על משׁה לאמר מה נשׁתה׃
Exodus 16:2-3
Exodus 16:7-8
Exodus 16:15
15 ויראו בני ישׂראל ויאמרו אישׁ אל אחיו מן הוא כי לא ידעו מה הוא ויאמר משׁה אלהם הוא הלחם אשׁר נתן יהוה לכם לאכלה׃
Exodus 16:31
31 ויקראו בית ישׂראל את שׁמו מן והוא כזרע גד לבן וטעמו כצפיחת בדבשׁ׃
Exodus 17:2-3
Numbers 11:1-9
1 ויהי העם כמתאננים רע באזני יהוה וישׁמע יהוה ויחר אפו ותבער בם אשׁ יהוה ותאכל בקצה המחנה׃2 ויצעק העם אל משׁה ויתפלל משׁה אל יהוה ותשׁקע האשׁ׃3 ויקרא שׁם המקום ההוא תבערה כי בערה בם אשׁ יהוה׃4 והאספסף אשׁר בקרבו התאוו תאוה וישׁבו ויבכו גם בני ישׂראל ויאמרו מי יאכלנו בשׂר׃5 זכרנו את הדגה אשׁר נאכל במצרים חנם את הקשׁאים ואת האבטחים ואת החציר ואת הבצלים ואת השׁומים׃6 ועתה נפשׁנו יבשׁה אין כל בלתי אל המן עינינו׃7 והמן כזרע גד הוא ועינו כעין הבדלח׃8 שׁטו העם ולקטו וטחנו ברחים או דכו במדכה ובשׁלו בפרור ועשׂו אתו עגות והיה טעמו כטעם לשׁד השׁמן׃9 וברדת הטל על המחנה לילה ירד המן עליו׃
Numbers 14:1-4
Numbers 16:13-14
Numbers 16:41
41 (17:6) וילנו כל עדת בני ישׂראל ממחרת על משׁה ועל אהרן לאמר אתם המתם את עם יהוה׃
Numbers 17:12
12 (17:27) ויאמרו בני ישׂראל אל משׁה לאמר הן גוענו אבדנו כלנו אבדנו׃
Psalms 68:6
6 (68:7) אלהים מושׁיב יחידים ביתה מוציא אסירים בכושׁרות אך סוררים שׁכנו צחיחה׃
Psalms 78:19
19 וידברו באלהים אמרו היוכל אל לערך שׁלחן במדבר׃
Psalms 78:24-25
Proverbs 27:7
7 נפשׁ שׂבעה תבוס נפת ונפשׁ רעבה כל מר מתוק׃
Genesis 3:14-15
Deuteronomy 8:15
15 המוליכך במדבר הגדל והנורא נחשׁ שׂרף ועקרב וצמאון אשׁר אין מים המוציא לך מים מצור החלמישׁ׃
Isaiah 14:29
29 אל תשׂמחי פלשׁת כלך כי נשׁבר שׁבט מכך כי משׁרשׁ נחשׁ יצא צפע ופריו שׂרף מעופף׃
Isaiah 30:6
6 משׂא בהמות נגב בארץ צרה וצוקה לביא ולישׁ מהם אפעה ושׂרף מעופף ישׂאו על כתף עירים חילהם ועל דבשׁת גמלים אוצרתם על עם לא יועילו׃
Jeremiah 8:17
17 כי הנני משׁלח בכם נחשׁים צפענים אשׁר אין להם לחשׁ ונשׁכו אתכם נאם יהוה׃
Amos 9:3-4
Genesis 20:7
7 ועתה השׁב אשׁת האישׁ כי נביא הוא ויתפלל בעדך וחיה ואם אינך משׁיב דע כי מות תמות אתה וכל אשׁר׃
Exodus 8:8
8 (8:4) ויקרא פרעה למשׁה ולאהרן ויאמר העתירו אל יהוה ויסר הצפרדעים ממני ומעמי ואשׁלחה את העם ויזבחו ליהוה׃
Exodus 8:28
28 (8:24) ויאמר פרעה אנכי אשׁלח אתכם וזבחתם ליהוה אלהיכם במדבר רק הרחק לא תרחיקו ללכת העתירו בעדי׃
Exodus 9:27-28
Exodus 32:11
11 ויחל משׁה את פני יהוה אלהיו ויאמר למה יהוה יחרה אפך בעמך אשׁר הוצאת מארץ מצרים בכח גדול וביד חזקה׃
Exodus 32:30
30 ויהי ממחרת ויאמר משׁה אל העם אתם חטאתם חטאה גדלה ועתה אעלה אל יהוה אולי אכפרה בעד חטאתכם׃
Numbers 11:2
2 ויצעק העם אל משׁה ויתפלל משׁה אל יהוה ותשׁקע האשׁ׃
Numbers 14:17-20
Deuteronomy 9:20
20 ובאהרן התאנף יהוה מאד להשׁמידו ואתפלל גם בעד אהרן בעת ההוא׃
Deuteronomy 9:26-29
26 ואתפלל אל יהוה ואמר אדני יהוה אל תשׁחת עמך ונחלתך אשׁר פדית בגדלך אשׁר הוצאת ממצרים ביד חזקה׃27 זכר לעבדיך לאברהם ליצחק וליעקב אל תפן אל קשׁי העם הזה ואל רשׁעו ואל חטאתו׃28 פן יאמרו הארץ אשׁר הוצאתנו משׁם מבלי יכלת יהוה להביאם אל הארץ אשׁר דבר להם ומשׂנאתו אותם הוציאם להמתם במדבר׃29 והם עמך ונחלתך אשׁר הוצאת בכחך הגדל ובזרעך הנטויה׃
1 Samuel 12:19-23
19 ויאמרו כל העם אל שׁמואל התפלל בעד עבדיך אל יהוה אלהיך ואל נמות כי יספנו על כל חטאתינו רעה לשׁאל לנו מלך׃20 ויאמר שׁמואל אל העם אל תיראו אתם עשׂיתם את כל הרעה הזאת אך אל תסורו מאחרי יהוה ועבדתם את יהוה בכל לבבכם׃21 ולא תסורו כי אחרי התהו אשׁר לא יועילו ולא יצילו כי תהו המה׃22 כי לא יטשׁ יהוה את עמו בעבור שׁמו הגדול כי הואיל יהוה לעשׂות אתכם לו לעם׃23 גם אנכי חלילה לי מחטא ליהוה מחדל להתפלל בעדכם והוריתי אתכם בדרך הטובה והישׁרה׃
1 Samuel 15:24
24 ויאמר שׁאול אל שׁמואל חטאתי כי עברתי את פי יהוה ואת דבריך כי יראתי את העם ואשׁמע בקולם׃
1 Samuel 15:30
30 ויאמר חטאתי עתה כבדני נא נגד זקני עמי ונגד ישׂראל ושׁוב עמי והשׁתחויתי ליהוה אלהיך׃
1 Kings 13:6
6 ויען המלך ויאמר אל אישׁ האלהים חל נא את פני יהוה אלהיך והתפלל בעדי ותשׁב ידי אלי ויחל אישׁ האלהים את פני יהוה ותשׁב יד המלך אליו ותהי כבראשׁנה׃
Job 42:8
8 ועתה קחו לכם שׁבעה פרים ושׁבעה אילים ולכו אל עבדי איוב והעליתם עולה בעדכם ואיוב עבדי יתפלל עליכם כי אם פניו אשׂא לבלתי עשׂות עמכם נבלה כי לא דברתם אלי נכונה כעבדי איוב׃
Job 42:10
10 ויהוה שׁב את שׁבית איוב בהתפללו בעד רעהו ויסף יהוה את כל אשׁר לאיוב למשׁנה׃
Psalms 78:34
34 אם הרגם ודרשׁוהו ושׁבו ושׁחרו אל׃
Psalms 106:23
23 ויאמר להשׁמידם לולי משׁה בחירו עמד בפרץ לפניו להשׁיב חמתו מהשׁחית׃
Jeremiah 15:1
1 ויאמר יהוה אלי אם יעמד משׁה ושׁמואל לפני אין נפשׁי אל העם הזה שׁלח מעל פני ויצאו׃
Jeremiah 37:3
3 וישׁלח המלך צדקיהו את יהוכל בן שׁלמיה ואת צפניהו בן מעשׂיה הכהן אל ירמיהו הנביא לאמר התפלל נא בעדנו אל יהוה אלהינו׃
Hosea 5:15
15 אלך אשׁובה אל מקומי עד אשׁר יאשׁמו ובקשׁו פני בצר להם ישׁחרנני׃
Psalms 106:43-45
Psalms 145:8
8 חנון ורחום יהוה ארך אפים וגדל חסד׃
2 Kings 18:4
4 הוא הסיר את הבמות ושׁבר את המצבת וכרת את האשׁרה וכתת נחשׁ הנחשׁת אשׁר עשׂה משׁה כי עד הימים ההמה היו בני ישׂראל מקטרים לו ויקרא לו נחשׁתן׃
Isaiah 45:22
22 פנו אלי והושׁעו כל אפסי ארץ כי אני אל ואין עוד׃
Zechariah 12:10
10 ושׁפכתי על בית דויד ועל יושׁב ירושׁלם רוח חן ותחנונים והביטו אלי את אשׁר דקרו וספדו עליו כמספד על היחיד והמר עליו כהמר על הבכור׃
Numbers 33:43-45
Deuteronomy 2:13-14
Numbers 21:14
14 על כן יאמר בספר מלחמת יהוה את והב בסופה ואת הנחלים ארנון׃
Numbers 22:36
36 וישׁמע בלק כי בא בלעם ויצא לקראתו אל עיר מואב אשׁר על גבול ארנן אשׁר בקצה הגבול׃
Deuteronomy 2:24
24 קומו סעו ועברו את נחל ארנן ראה נתתי בידך את סיחן מלך חשׁבון האמרי ואת ארצו החל רשׁ והתגר בו מלחמה׃
Isaiah 16:2
2 והיה כעוף נודד קן משׁלח תהיינה בנות מואב מעברת לארנון׃
Jeremiah 48:20
20 הבישׁ מואב כי חתה הילילי וזעקי הגידו בארנון כי שׁדד מואב׃
Joshua 10:13
13 וידם השׁמשׁ וירח עמד עד יקם גוי איביו הלא היא כתובה על ספר הישׁר ויעמד השׁמשׁ בחצי השׁמים ולא אץ לבוא כיום תמים׃
2 Samuel 1:18
18 ויאמר ללמד בני יהודה קשׁת הנה כתובה על ספר הישׁר׃
Numbers 21:28
28 כי אשׁ יצאה מחשׁבון להבה מקרית סיחן אכלה ער מואב בעלי במות ארנן׃
Deuteronomy 2:9
9 ויאמר יהוה אלי אל תצר את מואב ואל תתגר בם מלחמה כי לא אתן לך מארצו ירשׁה כי לבני לוט נתתי את ער ירשׁה׃
Deuteronomy 2:18
18 אתה עבר היום את גבול מואב את ער׃
Deuteronomy 2:29
29 כאשׁר עשׂו לי בני עשׂו הישׁבים בשׂעיר והמואבים הישׁבים בער עד אשׁר אעבר את הירדן אל הארץ אשׁר יהוה אלהינו נתן׃
Isaiah 15:1
1 משׂא מואב כי בליל שׁדד ער מואב נדמה כי בליל שׁדד קיר מואב נדמה׃
Exodus 17:6
6 הנני עמד לפניך שׁם על הצור בחרב והכית בצור ויצאו ממנו מים ושׁתה העם ויעשׂ כן משׁה לעיני זקני ישׂראל׃
Numbers 20:8
8 קח את המטה והקהל את העדה אתה ואהרן אחיך ודברתם אל הסלע לעיניהם ונתן מימיו והוצאת להם מים מן הסלע והשׁקית את העדה ואת בעירם׃
Judges 9:21
21 וינס יותם ויברח וילך בארה וישׁב שׁם מפני אבימלך אחיו׃
Isaiah 12:3
3 ושׁאבתם מים בשׂשׂון ממעיני הישׁועה׃
Isaiah 41:17-18
Isaiah 43:20
20 תכבדני חית השׂדה תנים ובנות יענה כי נתתי במדבר מים נהרות בישׁימן להשׁקות עמי בחירי׃
Isaiah 49:10
10 לא ירעבו ולא יצמאו ולא יכם שׁרב ושׁמשׁ כי מרחמם ינהגם ועל מבועי מים ינהלם׃
Exodus 15:1-2
Judges 5:1
1 ותשׁר דבורה וברק בן אבינעם ביום ההוא לאמר׃
Psalms 105:2
2 שׁירו לו זמרו לו שׂיחו בכל נפלאותיו׃
Psalms 106:12
12 ויאמינו בדבריו ישׁירו תהלתו׃
Isaiah 12:1-2
Isaiah 12:5
5 זמרו יהוה כי גאות עשׂה מידעת זאת בכל הארץ׃
Numbers 33:45-47
Deuteronomy 5:31
31 ואתה פה עמד עמדי ואדברה אליך את כל המצוה והחקים והמשׁפטים אשׁר תלמדם ועשׂו בארץ אשׁר אנכי נתן להם לרשׁתה׃
Deuteronomy 33:4
4 תורה צוה לנו משׁה מורשׁה קהלת יעקב׃
2 Chronicles 17:7-9
Nehemiah 3:1
1 ויקם אלישׁיב הכהן הגדול ואחיו הכהנים ויבנו את שׁער הצאן המה קדשׁוהו ויעמידו דלתתיו ועד מגדל המאה קדשׁוהו עד מגדל חננאל׃
Nehemiah 3:5
5 ועל ידם החזיקו התקועים ואדיריהם לא הביאו צורם בעבדת אדניהם׃
Isaiah 33:22
22 כי יהוה שׁפטנו יהוה מחקקנו יהוה מלכנו הוא יושׁיענו׃
Numbers 22:1
1 ויסעו בני ישׂראל ויחנו בערבות מואב מעבר לירדן ירחו׃
Numbers 23:14
14 ויקחהו שׂדה צפים אל ראשׁ הפסגה ויבן שׁבעה מזבחת ויעל פר ואיל במזבח׃
Numbers 23:28
28 ויקח בלק את בלעם ראשׁ הפעור הנשׁקף על פני הישׁימן׃
Numbers 26:63
63 אלה פקודי משׁה ואלעזר הכהן אשׁר פקדו את בני ישׂראל בערבת מואב על ירדן ירחו׃
Numbers 33:49-50
Deuteronomy 1:5
5 בעבר הירדן בארץ מואב הואיל משׁה באר את התורה הזאת לאמר׃
Deuteronomy 3:27
27 עלה ראשׁ הפסגה ושׂא עיניך ימה וצפנה ותימנה ומזרחה וראה בעיניך כי לא תעבר את הירדן הזה׃
Deuteronomy 4:49
49 וכל הערבה עבר הירדן מזרחה ועד ים הערבה תחת אשׁדת הפסגה׃
Deuteronomy 34:1
1 ויעל משׁה מערבת מואב אל הר נבו ראשׁ הפסגה אשׁר על פני ירחו ויראהו יהוה את כל הארץ את הגלעד עד דן׃
Numbers 20:14-19
14 וישׁלח משׁה מלאכים מקדשׁ אל מלך אדום כה אמר אחיך ישׂראל אתה ידעת את כל התלאה אשׁר מצאתנו׃15 וירדו אבתינו מצרימה ונשׁב במצרים ימים רבים וירעו לנו מצרים ולאבתינו׃16 ונצעק אל יהוה וישׁמע קלנו וישׁלח מלאך ויצאנו ממצרים והנה אנחנו בקדשׁ עיר קצה גבולך׃17 נעברה נא בארצך לא נעבר בשׂדה ובכרם ולא נשׁתה מי באר דרך המלך נלך לא נטה ימין ושׂמאול עד אשׁר נעבר גבלך׃18 ויאמר אליו אדום לא תעבר בי פן בחרב אצא לקראתך׃19 ויאמרו אליו בני ישׂראל במסלה נעלה ואם מימיך נשׁתה אני ומקני ונתתי מכרם רק אין דבר ברגלי אעברה׃
Deuteronomy 2:26-28
Judges 11:19-21
Numbers 20:17
17 נעברה נא בארצך לא נעבר בשׂדה ובכרם ולא נשׁתה מי באר דרך המלך נלך לא נטה ימין ושׂמאול עד אשׁר נעבר גבלך׃
Numbers 20:21
21 וימאן אדום נתן את ישׂראל עבר בגבלו ויט ישׂראל מעליו׃
Deuteronomy 2:30-32
Deuteronomy 29:7-8
Judges 11:20
20 ולא האמין סיחון את ישׂראל עבר בגבלו ויאסף סיחון את כל עמו ויחנו ביהצה וילחם עם ישׂראל׃
Isaiah 15:4
4 ותזעק חשׁבון ואלעלה עד יהץ נשׁמע קולם על כן חלצי מואב יריעו נפשׁו ירעה׃
Jeremiah 48:34
34 מזעקת חשׁבון עד אלעלה עד יהץ נתנו קולם מצער עד חרנים עגלת שׁלשׁיה כי גם מי נמרים למשׁמות יהיו׃
Genesis 32:22
22 (32:23) ויקם בלילה הוא ויקח את שׁתי נשׁיו ואת שׁתי שׁפחתיו ואת אחד עשׂר ילדיו ויעבר את מעבר יבק׃
Numbers 21:13
13 משׁם נסעו ויחנו מעבר ארנון אשׁר במדבר היצא מגבל האמרי כי ארנון גבול מואב בין מואב ובין האמרי׃
Numbers 32:1-4
Numbers 32:33-42
33 ויתן להם משׁה לבני גד ולבני ראובן ולחצי שׁבט מנשׁה בן יוסף את ממלכת סיחן מלך האמרי ואת ממלכת עוג מלך הבשׁן הארץ לעריה בגבלת ערי הארץ סביב׃34 ויבנו בני גד את דיבן ואת עטרת ואת ערער׃35 ואת עטרת שׁופן ואת יעזר ויגבהה׃36 ואת בית נמרה ואת בית הרן ערי מבצר וגדרת צאן׃37 ובני ראובן בנו את חשׁבון ואת אלעלא ואת קריתים׃38 ואת נבו ואת בעל מעון מוסבת שׁם ואת שׂבמה ויקראו בשׁמת את שׁמות הערים אשׁר בנו׃39 וילכו בני מכיר בן מנשׁה גלעדה וילכדה ויורשׁ את האמרי אשׁר׃40 ויתן משׁה את הגלעד למכיר בן מנשׁה וישׁב׃41 ויאיר בן מנשׁה הלך וילכד את חותיהם ויקרא אתהן חות יאיר׃42 ונבח הלך וילכד את קנת ואת בנתיה ויקרא לה נבח בשׁמו׃
Deuteronomy 2:31-37
31 ויאמר יהוה אלי ראה החלתי תת לפניך את סיחן ואת ארצו החל רשׁ לרשׁת את ארצו׃32 ויצא סיחן לקראתנו הוא וכל עמו למלחמה יהצה׃33 ויתנהו יהוה אלהינו לפנינו ונך אתו ואת בנו ואת כל עמו׃34 ונלכד את כל עריו בעת ההוא ונחרם את כל עיר מתם והנשׁים והטף לא השׁארנו שׂריד׃35 רק הבהמה בזזנו לנו ושׁלל הערים אשׁר לכדנו׃36 מערער אשׁר על שׂפת נחל ארנן והעיר אשׁר בנחל ועד הגלעד לא היתה קריה אשׁר שׂגבה ממנו את הכל נתן יהוה אלהינו לפנינו׃37 רק אל ארץ בני עמון לא קרבת כל יד נחל יבק וערי ההר וכל אשׁר צוה יהוה אלהינו׃
Deuteronomy 3:16
16 ולראובני ולגדי נתתי מן הגלעד ועד נחל ארנן תוך הנחל וגבל ועד יבק הנחל גבול בני עמון׃
Deuteronomy 29:7
7 (29:6) ותבאו אל המקום הזה ויצא סיחן מלך חשׁבון ועוג מלך הבשׁן לקראתנו למלחמה ונכם׃
Joshua 9:10
10 ואת כל אשׁר עשׂה לשׁני מלכי האמרי אשׁר בעבר הירדן לסיחון מלך חשׁבון ולעוג מלך הבשׁן אשׁר בעשׁתרות׃
Joshua 12:1-3
1 ואלה מלכי הארץ אשׁר הכו בני ישׂראל וירשׁו את ארצם בעבר הירדן מזרחה השׁמשׁ מנחל ארנון עד הר חרמון וכל הערבה מזרחה׃2 סיחון מלך האמרי היושׁב בחשׁבון משׁל מערוער אשׁר על שׂפת נחל ארנון ותוך הנחל וחצי הגלעד ועד יבק הנחל גבול בני עמון׃3 והערבה עד ים כנרות מזרחה ועד ים הערבה ים המלח מזרחה דרך בית הישׁמות ומתימן תחת אשׁדות הפסגה׃
Joshua 13:8-10
Joshua 24:8
8 ואבאה אתכם אל ארץ האמרי היושׁב בעבר הירדן וילחמו אתכם ואתן אותם בידכם ותירשׁו את ארצם ואשׁמידם מפניכם׃
Judges 11:21-23
Judges 12:1-2
Judges 21:8
8 ויאמרו מי אחד משׁבטי ישׂראל אשׁר לא עלה אל יהוה המצפה והנה לא בא אישׁ אל המחנה מיבישׁ גלעד אל הקהל׃
Nehemiah 9:22
22 ותתן להם ממלכות ועממים ותחלקם לפאה ויירשׁו את ארץ סיחון ואת ארץ מלך חשׁבון ואת ארץ עוג מלך הבשׁן׃
Psalms 135:10-12
Psalms 136:19
19 לסיחון מלך האמרי כי לעולם חסדו׃
Amos 2:9
9 ואנכי השׁמדתי את האמרי מפניהם אשׁר כגבה ארזים גבהו וחסן הוא כאלונים ואשׁמיד פריו ממעל ושׁרשׁיו מתחת׃
Numbers 21:31
31 וישׁב ישׂראל בארץ האמרי׃
Deuteronomy 2:12
12 ובשׂעיר ישׁבו החרים לפנים ובני עשׂו יירשׁום וישׁמידום מפניהם וישׁבו תחתם כאשׁר עשׂה ישׂראל לארץ ירשׁתו אשׁר נתן יהוה׃
Song of Songs 7:4
4 (7:5) צוארך כמגדל השׁן עיניך ברכות בחשׁבון על שׁער בת רבים אפך כמגדל הלבנון צופה פני דמשׂק׃
Isaiah 16:8-9
Jeremiah 48:2
2 אין עוד תהלת מואב בחשׁבון חשׁבו עליה רעה לכו ונכריתנה מגוי גם מדמן תדמי אחריך תלך חרב׃
Jeremiah 48:45
45 בצל חשׁבון עמדו מכח נסים כי אשׁ יצא מחשׁבון ולהבה מבין סיחון ותאכל פאת מואב וקדקד בני שׁאון׃
Ezekiel 16:46
46 ואחותך הגדולה שׁמרון היא ובנותיה היושׁבת על שׂמאולך ואחותך הקטנה ממך היושׁבת מימינך סדם ובנותיה׃
Ezekiel 16:49
49 הנה זה היה עון סדם אחותך גאון שׂבעת לחם ושׁלות השׁקט היה לה ולבנותיה ויד עני ואביון לא החזיקה׃
Ezekiel 16:53
53 ושׁבתי את שׁביתהן את שׁבית סדם ובנותיה ואת שׁבית שׁמרון ובנותיה ושׁבית שׁביתיך בתוכהנה׃
Amos 2:10
10 ואנכי העליתי אתכם מארץ מצרים ואולך אתכם במדבר ארבעים שׁנה לרשׁת את ארץ האמרי׃
Isaiah 14:4
4 ונשׂאת המשׁל הזה על מלך בבל ואמרת איך שׁבת נגשׂ שׁבתה מדהבה׃
Habakkuk 2:6
6 הלוא אלה כלם עליו משׁל ישׂאו ומליצה חידות לו ויאמר הוי המרבה לא לו עד מתי ומכביד עליו עבטיט׃
Numbers 21:15
15 ואשׁד הנחלים אשׁר נטה לשׁבת ער ונשׁען לגבול מואב׃
Numbers 22:41
41 ויהי בבקר ויקח בלק את בלעם ויעלהו במות בעל וירא משׁם קצה העם׃
Judges 9:20
20 ואם אין תצא אשׁ מאבימלך ותאכל את בעלי שׁכם ואת בית מלוא ותצא אשׁ מבעלי שׁכם ומבית מלוא ותאכל את אבימלך׃
Isaiah 10:16
16 לכן ישׁלח האדון יהוה צבאות במשׁמניו רזון ותחת כבדו יקד יקד כיקוד אשׁ׃
Isaiah 15:1-2
Jeremiah 48:45-46
Amos 1:4
4 ושׁלחתי אשׁ בבית חזאל ואכלה ארמנות בן הדד׃
Amos 1:7
7 ושׁלחתי אשׁ בחומת עזה ואכלה ארמנתיה׃
Amos 1:10
10 ושׁלחתי אשׁ בחומת צר ואכלה ארמנתיה׃
Amos 1:12
12 ושׁלחתי אשׁ בתימן ואכלה ארמנות בצרה׃
Amos 1:14
14 והצתי אשׁ בחומת רבה ואכלה ארמנותיה בתרועה ביום מלחמה בסער ביום סופה׃
Amos 2:2
2 ושׁלחתי אשׁ במואב ואכלה ארמנות הקריות ומת בשׁאון מואב בתרועה בקול שׁופר׃
Amos 2:5
5 ושׁלחתי אשׁ ביהודה ואכלה ארמנות ירושׁלם׃
Judges 11:24
24 הלא את אשׁר יורישׁך כמושׁ אלהיך אותו תירשׁ ואת כל אשׁר הורישׁ יהוה אלהינו מפנינו אותו נירשׁ׃
1 Kings 11:7
7 אז יבנה שׁלמה במה לכמושׁ שׁקץ מואב בהר אשׁר על פני ירושׁלם ולמלך שׁקץ בני עמון׃
1 Kings 11:33
33 יען אשׁר עזבוני וישׁתחוו לעשׁתרת אלהי צדנין לכמושׁ אלהי מואב ולמלכם אלהי בני עמון ולא הלכו בדרכי לעשׂות הישׁר בעיני וחקתי ומשׁפטי כדוד אביו׃
2 Kings 23:13
13 ואת הבמות אשׁר על פני ירושׁלם אשׁר מימין להר המשׁחית אשׁר בנה שׁלמה מלך ישׂראל לעשׁתרת שׁקץ צידנים ולכמושׁ שׁקץ מואב ולמלכם תועבת בני עמון טמא המלך׃
Isaiah 15:5
5 לבי למואב יזעק בריחה עד צער עגלת שׁלשׁיה כי מעלה הלוחית בבכי יעלה בו כי דרך חורנים זעקת שׁבר יעערו׃
Jeremiah 48:7
7 כי יען בטחך במעשׂיך ובאוצרותיך גם את תלכדי ויצא כמישׁ בגולה כהניו ושׂריו יחד׃
Jeremiah 48:13
13 ובשׁ מואב מכמושׁ כאשׁר בשׁו בית ישׂראל מבית אל מבטחם׃
Jeremiah 48:46
46 אוי לך מואב אבד עם כמושׁ כי לקחו בניך בשׁבי ובנתיך בשׁביה׃
Genesis 49:23
23 וימררהו ורבו וישׂטמהו בעלי חצים׃
Numbers 32:3
3 עטרות ודיבן ויעזר ונמרה וחשׁבון ואלעלה ושׂבם ונבו ובען׃
Numbers 32:34
34 ויבנו בני גד את דיבן ואת עטרת ואת ערער׃
Joshua 13:17
17 חשׁבון וכל עריה אשׁר במישׁר דיבון ובמות בעל ובית בעל מעון׃
2 Samuel 11:24
24 ויראו המוראים אל עבדך מעל החומה וימותו מעבדי המלך וגם עבדך אוריה החתי מת׃
Psalms 18:14
14 (18:15) וישׁלח חציו ויפיצם וברקים רב ויהמם׃
Isaiah 15:2
2 עלה הבית ודיבן הבמות לבכי על נבו ועל מידבא מואב ייליל בכל ראשׁיו קרחה כל זקן גרועה׃
Isaiah 15:9
9 כי מי דימון מלאו דם כי אשׁית על דימון נוספות לפליטת מואב אריה ולשׁארית אדמה׃
Jeremiah 48:18
18 רדי מכבוד ישׁבי בצמא ישׁבת בת דיבון כי שׁדד מואב עלה בך שׁחת מבצריך׃
Jeremiah 48:22
22 ועל דיבון ועל נבו ועל בית דבלתים׃
Deuteronomy 3:16-17
Joshua 12:1-6
1 ואלה מלכי הארץ אשׁר הכו בני ישׂראל וירשׁו את ארצם בעבר הירדן מזרחה השׁמשׁ מנחל ארנון עד הר חרמון וכל הערבה מזרחה׃2 סיחון מלך האמרי היושׁב בחשׁבון משׁל מערוער אשׁר על שׂפת נחל ארנון ותוך הנחל וחצי הגלעד ועד יבק הנחל גבול בני עמון׃3 והערבה עד ים כנרות מזרחה ועד ים הערבה ים המלח מזרחה דרך בית הישׁמות ומתימן תחת אשׁדות הפסגה׃4 וגבול עוג מלך הבשׁן מיתר הרפאים היושׁב בעשׁתרות ובאדרעי׃5 ומשׁל בהר חרמון ובסלכה ובכל הבשׁן עד גבול הגשׁורי והמעכתי וחצי הגלעד גבול סיחון מלך חשׁבון׃6 משׁה עבד יהוה ובני ישׂראל הכום ויתנה משׁה עבד יהוה ירשׁה לראובני ולגדי ולחצי שׁבט המנשׁה׃
Joshua 13:8-12
8 עמו הראובני והגדי לקחו נחלתם אשׁר נתן להם משׁה בעבר הירדן מזרחה כאשׁר נתן להם משׁה עבד יהוה׃9 מערוער אשׁר על שׂפת נחל ארנון והעיר אשׁר בתוך הנחל וכל המישׁר מידבא עד דיבון׃10 וכל ערי סיחון מלך האמרי אשׁר מלך בחשׁבון עד גבול בני עמון׃11 והגלעד וגבול הגשׁורי והמעכתי וכל הר חרמון וכל הבשׁן עד סלכה׃12 כל ממלכות עוג בבשׁן אשׁר מלך בעשׁתרות ובאדרעי הוא נשׁאר מיתר הרפאים ויכם משׁה וירשׁם׃
Numbers 32:1
1 ומקנה רב היה לבני ראובן ולבני גד עצום מאד ויראו את ארץ יעזר ואת ארץ גלעד והנה המקום מקום מקנה׃
Numbers 32:35
35 ואת עטרת שׁופן ואת יעזר ויגבהה׃
Jeremiah 48:32
32 מבכי יעזר אבכה לך הגפן שׂבמה נטישׁתיך עברו ים עד ים יעזר נגעו על קיצך ועל בצירך שׁדד נפל׃
Numbers 32:33
33 ויתן להם משׁה לבני גד ולבני ראובן ולחצי שׁבט מנשׁה בן יוסף את ממלכת סיחן מלך האמרי ואת ממלכת עוג מלך הבשׁן הארץ לעריה בגבלת ערי הארץ סביב׃
Deuteronomy 1:4
4 אחרי הכתו את סיחן מלך האמרי אשׁר יושׁב בחשׁבון ואת עוג מלך הבשׁן אשׁר יושׁב בעשׁתרת באדרעי׃
Deuteronomy 3:1-6
1 ונפן ונעל דרך הבשׁן ויצא עוג מלך הבשׁן לקראתנו הוא וכל עמו למלחמה אדרעי׃2 ויאמר יהוה אלי אל תירא אתו כי בידך נתתי אתו ואת כל עמו ואת ארצו ועשׂית לו כאשׁר עשׂית לסיחן מלך האמרי אשׁר יושׁב בחשׁבון׃3 ויתן יהוה אלהינו בידנו גם את עוג מלך הבשׁן ואת כל עמו ונכהו עד בלתי השׁאיר לו שׂריד׃4 ונלכד את כל עריו בעת ההוא לא היתה קריה אשׁר לא לקחנו מאתם שׁשׁים עיר כל חבל ארגב ממלכת עוג בבשׁן׃5 כל אלה ערים בצרת חומה גבהה דלתים ובריח לבד מערי הפרזי הרבה מאד׃6 ונחרם אותם כאשׁר עשׂינו לסיחן מלך חשׁבון החרם כל עיר מתם הנשׁים והטף׃
Deuteronomy 4:47
47 ויירשׁו את ארצו ואת ארץ עוג מלך הבשׁן שׁני מלכי האמרי אשׁר בעבר הירדן מזרח שׁמשׁ׃
Deuteronomy 32:14
14 חמאת בקר וחלב צאן עם חלב כרים ואילים בני בשׁן ועתודים עם חלב כליות חטה ודם ענב תשׁתה חמר׃
Joshua 12:4
4 וגבול עוג מלך הבשׁן מיתר הרפאים היושׁב בעשׁתרות ובאדרעי׃
Joshua 13:12
12 כל ממלכות עוג בבשׁן אשׁר מלך בעשׁתרות ובאדרעי הוא נשׁאר מיתר הרפאים ויכם משׁה וירשׁם׃
Joshua 13:30
30 ויהי גבולם ממחנים כל הבשׁן כל ממלכות עוג מלך הבשׁן וכל חות יאיר אשׁר בבשׁן שׁשׁים עיר׃
Psalms 22:12
12 (22:13) סבבוני פרים רבים אבירי בשׁן כתרוני׃
Psalms 68:15
15 (68:16) הר אלהים הר בשׁן הר גבננים הר בשׁן׃
Isaiah 33:9
9 אבל אמללה ארץ החפיר לבנון קמל היה השׁרון כערבה ונער בשׁן וכרמל׃
Ezekiel 27:6
6 אלונים מבשׁן עשׂו משׁוטיך קרשׁך עשׂו שׁן בת אשׁרים מאיי כתים׃
Ezekiel 39:18
18 בשׂר גבורים תאכלו ודם נשׂיאי הארץ תשׁתו אילים כרים ועתודים פרים מריאי בשׁן כלם׃
Amos 4:1
1 שׁמעו הדבר הזה פרות הבשׁן אשׁר בהר שׁמרון העשׁקות דלים הרצצות אביונים האמרת לאדניהם הביאה ונשׁתה׃
Numbers 14:9
9 אך ביהוה אל תמרדו ואתם אל תיראו את עם הארץ כי לחמנו הם סר צלם מעליהם ויהוה אתנו אל תיראם׃
Numbers 21:24-25
Deuteronomy 3:2-3
Deuteronomy 3:11
11 כי רק עוג מלך הבשׁן נשׁאר מיתר הרפאים הנה ערשׂו ערשׂ ברזל הלה הוא ברבת בני עמון תשׁע אמות ארכה וארבע אמות רחבה באמת אישׁ׃
Deuteronomy 7:24
24 ונתן מלכיהם בידך והאבדת את שׁמם מתחת השׁמים לא יתיצב אישׁ בפניך עד השׁמדך אתם׃
Deuteronomy 20:3
3 ואמר אלהם שׁמע ישׂראל אתם קרבים היום למלחמה על איביכם אל ירך לבבכם אל תיראו ואל תחפזו ואל תערצו מפניהם׃
Deuteronomy 31:6
6 חזקו ואמצו אל תיראו ואל תערצו מפניהם כי יהוה אלהיך הוא ההלך עמך לא ירפך ולא יעזבך׃
Joshua 8:7
7 ואתם תקמו מהאורב והורשׁתם את העיר ונתנה יהוה אלהיכם בידכם׃
Joshua 10:8
8 ויאמר יהוה אל יהושׁע אל תירא מהם כי בידך נתתים לא יעמד אישׁ מהם בפניך׃
Joshua 10:25
25 ויאמר אליהם יהושׁע אל תיראו ואל תחתו חזקו ואמצו כי ככה יעשׂה יהוה לכל איביכם אשׁר אתם נלחמים אותם׃
1 Samuel 23:4
4 ויוסף עוד דוד לשׁאל ביהוה ויענהו יהוה ויאמר קום רד קעילה כי אני נתן את פלשׁתים בידך׃
2 Samuel 5:19
19 וישׁאל דוד ביהוה לאמר האעלה אל פלשׁתים התתנם בידי ויאמר יהוה אל דוד עלה כי נתן אתן את הפלשׁתים בידך׃
1 Kings 20:13
13 והנה נביא אחד נגשׁ אל אחאב מלך ישׂראל ויאמר כה אמר יהוה הראית את כל ההמון הגדול הזה הנני נתנו בידך היום וידעת כי אני יהוה׃
1 Kings 20:28
28 ויגשׁ אישׁ האלהים ויאמר אל מלך ישׂראל ויאמר כה אמר יהוה יען אשׁר אמרו ארם אלהי הרים יהוה ולא אלהי עמקים הוא ונתתי את כל ההמון הגדול הזה בידך וידעתם כי אני יהוה׃
2 Kings 3:18
18 ונקל זאת בעיני יהוה ונתן את מואב בידכם׃
Psalms 135:10-11
Isaiah 41:13
13 כי אני יהוה אלהיך מחזיק ימינך האמר לך אל תירא אני עזרתיך׃
Deuteronomy 3:3-17
3 ויתן יהוה אלהינו בידנו גם את עוג מלך הבשׁן ואת כל עמו ונכהו עד בלתי השׁאיר לו שׂריד׃4 ונלכד את כל עריו בעת ההוא לא היתה קריה אשׁר לא לקחנו מאתם שׁשׁים עיר כל חבל ארגב ממלכת עוג בבשׁן׃5 כל אלה ערים בצרת חומה גבהה דלתים ובריח לבד מערי הפרזי הרבה מאד׃6 ונחרם אותם כאשׁר עשׂינו לסיחן מלך חשׁבון החרם כל עיר מתם הנשׁים והטף׃7 וכל הבהמה ושׁלל הערים בזונו׃8 ונקח בעת ההוא את הארץ מיד שׁני מלכי האמרי אשׁר בעבר הירדן מנחל ארנן עד הר חרמון׃9 צידנים יקראו לחרמון שׂרין והאמרי יקראו לו שׂניר׃10 כל ערי המישׁר וכל הגלעד וכל הבשׁן עד סלכה ואדרעי ערי ממלכת עוג בבשׁן׃11 כי רק עוג מלך הבשׁן נשׁאר מיתר הרפאים הנה ערשׂו ערשׂ ברזל הלה הוא ברבת בני עמון תשׁע אמות ארכה וארבע אמות רחבה באמת אישׁ׃12 ואת הארץ הזאת ירשׁנו בעת ההוא מערער אשׁר על נחל ארנן וחצי הר הגלעד ועריו נתתי לראובני ולגדי׃13 ויתר הגלעד וכל הבשׁן ממלכת עוג נתתי לחצי שׁבט המנשׁה כל חבל הארגב לכל הבשׁן ההוא יקרא ארץ רפאים׃14 יאיר בן מנשׁה לקח את כל חבל ארגב עד גבול הגשׁורי והמעכתי ויקרא אתם על שׁמו את הבשׁן חות יאיר עד היום הזה׃15 ולמכיר נתתי את הגלעד׃