Leviticus 24:4 Cross References - HOT

4 על המנרה הטהרה יערך את הנרות לפני יהוה תמיד׃

Exodus 25:31-39

31 ועשׂית מנרת זהב טהור מקשׁה תיעשׂה המנורה ירכה וקנה גביעיה כפתריה ופרחיה ממנה יהיו׃32 ושׁשׁה קנים יצאים מצדיה שׁלשׁה קני מנרה מצדה האחד ושׁלשׁה קני מנרה מצדה השׁני׃33 שׁלשׁה גבעים משׁקדים בקנה האחד כפתר ופרח ושׁלשׁה גבעים משׁקדים בקנה האחד כפתר ופרח כן לשׁשׁת הקנים היצאים מן המנרה׃34 ובמנרה ארבעה גבעים משׁקדים כפתריה ופרחיה׃35 וכפתר תחת שׁני הקנים ממנה וכפתר תחת שׁני הקנים ממנה וכפתר תחת שׁני הקנים ממנה לשׁשׁת הקנים היצאים מן המנרה׃36 כפתריהם וקנתם ממנה יהיו כלה מקשׁה אחת זהב טהור׃37 ועשׂית את נרתיה שׁבעה והעלה את נרתיה והאיר על עבר פניה׃38 ומלקחיה ומחתתיה זהב טהור׃39 ככר זהב טהור יעשׂה אתה את כל הכלים האלה׃

Exodus 31:8

8 ואת השׁלחן ואת כליו ואת המנרה הטהרה ואת כל כליה ואת מזבח הקטרת׃

Exodus 37:17-24

17 ויעשׂ את המנרה זהב טהור מקשׁה עשׂה את המנרה ירכה וקנה גביעיה כפתריה ופרחיה ממנה היו׃18 ושׁשׁה קנים יצאים מצדיה שׁלשׁה קני מנרה מצדה האחד ושׁלשׁה קני מנרה מצדה השׁני׃19 שׁלשׁה גבעים משׁקדים בקנה האחד כפתר ופרח ושׁלשׁה גבעים משׁקדים בקנה אחד כפתר ופרח כן לשׁשׁת הקנים היצאים מן המנרה׃20 ובמנרה ארבעה גבעים משׁקדים כפתריה ופרחיה׃21 וכפתר תחת שׁני הקנים ממנה וכפתר תחת שׁני הקנים ממנה וכפתר תחת שׁני הקנים ממנה לשׁשׁת הקנים היצאים ממנה׃22 כפתריהם וקנתם ממנה היו כלה מקשׁה אחת זהב טהור׃23 ויעשׂ את נרתיה שׁבעה ומלקחיה ומחתתיה זהב טהור׃24 ככר זהב טהור עשׂה אתה ואת כל כליה׃

Exodus 39:37

37 את המנרה הטהרה את נרתיה נרת המערכה ואת כל כליה ואת שׁמן המאור׃

Numbers 3:31

31 ומשׁמרתם הארן והשׁלחן והמנרה והמזבחת וכלי הקדשׁ אשׁר ישׁרתו בהם והמסך וכל עבדתו׃

Numbers 4:9

9 ולקחו בגד תכלת וכסו את מנרת המאור ואת נרתיה ואת מלקחיה ואת מחתתיה ואת כל כלי שׁמנה אשׁר ישׁרתו \'ec\'e4

1 Kings 7:49

49 ואת המנרות חמשׁ מימין וחמשׁ משׂמאול לפני הדביר זהב סגור והפרח והנרת והמלקחים זהב׃

1 Chronicles 28:15

15 ומשׁקל למנרות הזהב ונרתיהם זהב במשׁקל מנורה ומנורה ונרתיה ולמנרות הכסף במשׁקל למנורה ונרתיה כעבודת מנורה ומנורה׃

Jeremiah 52:19

19 ואת הספים ואת המחתות ואת המזרקות ואת הסירות ואת המנרות ואת הכפות ואת המנקיות אשׁר זהב זהב ואשׁר כסף כסף לקח רב טבחים׃

Zechariah 4:2-3

2 ויאמר אלי מה אתה ראה ויאמר ראיתי והנה מנורת זהב כלה וגלה על ראשׁה ושׁבעה נרתיה עליה שׁבעה ושׁבעה מוצקות לנרות אשׁר על ראשׁה׃3 ושׁנים זיתים עליה אחד מימין הגלה ואחד על שׂמאלה׃

Zechariah 4:11-14

11 ואען ואמר אליו מה שׁני הזיתים האלה על ימין המנורה ועל שׂמאולה׃12 ואען שׁנית ואמר אליו מה שׁתי שׁבלי הזיתים אשׁר ביד שׁני צנתרות הזהב המריקים מעליהם הזהב׃13 ויאמר אלי לאמר הלוא ידעת מה אלה ואמר לא אדני׃14 ויאמר אלה שׁני בני היצהר העמדים על אדון כל הארץ׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.