Leviticus 23 Cross References HOT

¹ וידבר יהוה אל משׁה לאמר׃² דבר אל בני ישׂראל ואמרת אלהם מועדי יהוה אשׁר תקראו אתם מקראי קדשׁ אלה הם מועדי׃³ שׁשׁת ימים תעשׂה מלאכה וביום השׁביעי שׁבת שׁבתון מקרא קדשׁ כל מלאכה לא תעשׂו שׁבת הוא ליהוה בכל מושׁבתיכם׃⁴ אלה מועדי יהוה מקראי קדשׁ אשׁר תקראו אתם במועדם׃⁵ בחדשׁ הראשׁון בארבעה עשׂר לחדשׁ בין הערבים פסח ליהוה׃⁶ ובחמשׁה עשׂר יום לחדשׁ הזה חג המצות ליהוה שׁבעת ימים מצות תאכלו׃⁷ ביום הראשׁון מקרא קדשׁ יהיה לכם כל מלאכת עבדה לא תעשׂו׃⁸ והקרבתם אשׁה ליהוה שׁבעת ימים ביום השׁביעי מקרא קדשׁ כל מלאכת עבדה לא תעשׂו׃⁹ וידבר יהוה אל משׁה לאמר׃¹⁰ דבר אל בני ישׂראל ואמרת אלהם כי תבאו אל הארץ אשׁר אני נתן לכם וקצרתם את קצירה והבאתם את עמר ראשׁית קצירכם אל הכהן׃¹¹ והניף את העמר לפני יהוה לרצנכם ממחרת השׁבת יניפנו הכהן׃¹² ועשׂיתם ביום הניפכם את העמר כבשׂ תמים בן שׁנתו לעלה ליהוה׃¹³ ומנחתו שׁני עשׂרנים סלת בלולה בשׁמן אשׁה ליהוה ריח ניחח ונסכה יין רביעת ההין׃¹⁴ ולחם וקלי וכרמל לא תאכלו עד עצם היום הזה עד הביאכם את קרבן אלהיכם חקת עולם לדרתיכם בכל משׁבתיכם׃¹⁵ וספרתם לכם ממחרת השׁבת מיום הביאכם את עמר התנופה שׁבע שׁבתות תמימת תהיינה׃¹⁶ עד ממחרת השׁבת השׁביעת תספרו חמשׁים יום והקרבתם מנחה חדשׁה ליהוה׃¹⁷ ממושׁבתיכם תביאו לחם תנופה שׁתים שׁני עשׂרנים סלת תהיינה חמץ תאפינה בכורים ליהוה׃¹⁸ והקרבתם על הלחם שׁבעת כבשׂים תמימם בני שׁנה ופר בן בקר אחד ואילם שׁנים יהיו עלה ליהוה ומנחתם ונסכיהם אשׁה ריח ניחח ליהוה׃¹⁹ ועשׂיתם שׂעיר עזים אחד לחטאת ושׁני כבשׂים בני שׁנה לזבח שׁלמים׃²⁰ והניף הכהן אתם על לחם הבכרים תנופה לפני יהוה על שׁני כבשׂים קדשׁ יהיו ליהוה לכהן׃²¹ וקראתם בעצם היום הזה מקרא קדשׁ יהיה לכם כל מלאכת עבדה לא תעשׂו חקת עולם בכל מושׁבתיכם לדרתיכם׃²² ובקצרכם את קציר ארצכם לא תכלה פאת שׂדך בקצרך ולקט קצירך לא תלקט לעני ולגר תעזב אתם אני יהוה אלהיכם׃²³ וידבר יהוה אל משׁה לאמר׃²⁴ דבר אל בני ישׂראל לאמר בחדשׁ השׁביעי באחד לחדשׁ יהיה לכם שׁבתון זכרון תרועה מקרא קדשׁ׃²⁵ כל מלאכת עבדה לא תעשׂו והקרבתם אשׁה ליהוה׃²⁶ וידבר יהוה אל משׁה לאמר׃²⁷ אך בעשׂור לחדשׁ השׁביעי הזה יום הכפרים הוא מקרא קדשׁ יהיה לכם ועניתם את נפשׁתיכם והקרבתם אשׁה ליהוה׃²⁸ וכל מלאכה לא תעשׂו בעצם היום הזה כי יום כפרים הוא לכפר עליכם לפני יהוה אלהיכם׃²⁹ כי כל הנפשׁ אשׁר לא תענה בעצם היום הזה ונכרתה מעמיה׃³⁰ וכל הנפשׁ אשׁר תעשׂה כל מלאכה בעצם היום הזה והאבדתי את הנפשׁ ההוא מקרב עמה׃³¹ כל מלאכה לא תעשׂו חקת עולם לדרתיכם בכל משׁבתיכם׃³² שׁבת שׁבתון הוא לכם ועניתם את נפשׁתיכם בתשׁעה לחדשׁ בערב מערב עד ערב תשׁבתו שׁבתכם׃³³ וידבר יהוה אל משׁה לאמר׃³⁴ דבר אל בני ישׂראל לאמר בחמשׁה עשׂר יום לחדשׁ השׁביעי הזה חג הסכות שׁבעת ימים ליהוה׃³⁵ ביום הראשׁון מקרא קדשׁ כל מלאכת עבדה לא תעשׂו׃³⁶ שׁבעת ימים תקריבו אשׁה ליהוה ביום השׁמיני מקרא קדשׁ יהיה לכם והקרבתם אשׁה ליהוה עצרת הוא כל מלאכת עבדה לא תעשׂו׃³⁷ אלה מועדי יהוה אשׁר תקראו אתם מקראי קדשׁ להקריב אשׁה ליהוה עלה ומנחה זבח ונסכים דבר יום ביומו׃³⁸ מלבד שׁבתת יהוה ומלבד מתנותיכם ומלבד כל נדריכם ומלבד כל נדבתיכם אשׁר תתנו ליהוה׃³⁹ אך בחמשׁה עשׂר יום לחדשׁ השׁביעי באספכם את תבואת הארץ תחגו את חג יהוה שׁבעת ימים ביום הראשׁון שׁבתון וביום השׁמיני שׁבתון׃⁴⁰ ולקחתם לכם ביום הראשׁון פרי עץ הדר כפת תמרים וענף עץ עבת וערבי נחל ושׂמחתם לפני יהוה אלהיכם שׁבעת ימים׃⁴¹ וחגתם אתו חג ליהוה שׁבעת ימים בשׁנה חקת עולם לדרתיכם בחדשׁ השׁביעי תחגו אתו׃⁴² בסכת תשׁבו שׁבעת ימים כל האזרח בישׂראל ישׁבו בסכת׃⁴³ למען ידעו דרתיכם כי בסכות הושׁבתי את בני ישׂראל בהוציאי אותם מארץ מצרים אני יהוה אלהיכם׃⁴⁴ וידבר משׁה את מעדי יהוה אל בני ישׂראל׃

Genesis 2:2-3

² ויכל אלהים ביום השׁביעי מלאכתו אשׁר עשׂה וישׁבת ביום השׁביעי מכל מלאכתו אשׁר עשׂה׃³ ויברך אלהים את יום השׁביעי ויקדשׁ אתו כי בו שׁבת מכל מלאכתו אשׁר ברא אלהים לעשׂות׃

Genesis 4:4-5

⁴ והבל הביא גם הוא מבכרות צאנו ומחלבהן וישׁע יהוה אל הבל ואל מנחתו׃⁵ ואל קין ואל מנחתו לא שׁעה ויחר לקין מאד ויפלו פניו׃

Genesis 17:7

⁷ והקמתי את בריתי ביני ובינך ובין זרעך אחריך לדרתם לברית עולם להיות לך לאלהים ולזרעך אחריך׃

Genesis 17:14

¹⁴ וערל זכר אשׁר לא ימול את בשׂר ערלתו ונכרתה הנפשׁ ההוא מעמיה את בריתי הפר׃

Genesis 33:17

¹⁷ ויעקב נסע סכתה ויבן לו בית ולמקנהו עשׂה סכת על כן קרא שׁם המקום סכות׃

Exodus 12:2-14

² החדשׁ הזה לכם ראשׁ חדשׁים ראשׁון הוא לכם לחדשׁי השׁנה׃³ דברו אל כל עדת ישׂראל לאמר בעשׂר לחדשׁ הזה ויקחו להם אישׁ שׂה לבית אבת שׂה לבית׃⁴ ואם ימעט הבית מהיות משׂה ולקח הוא ושׁכנו הקרב אל ביתו במכסת נפשׁת אישׁ לפי אכלו תכסו על השׂה׃⁵ שׂה תמים זכר בן שׁנה יהיה לכם מן הכבשׂים ומן העזים תקחו׃⁶ והיה לכם למשׁמרת עד ארבעה עשׂר יום לחדשׁ הזה ושׁחטו אתו כל קהל עדת ישׂראל בין הערבים׃⁷ ולקחו מן הדם ונתנו על שׁתי המזוזת ועל המשׁקוף על הבתים אשׁר יאכלו אתו׃⁸ ואכלו את הבשׂר בלילה הזה צלי אשׁ ומצות על מררים יאכלהו׃⁹ אל תאכלו ממנו נא ובשׁל מבשׁל במים כי אם צלי אשׁ ראשׁו על כרעיו ועל קרבו׃¹⁰ ולא תותירו ממנו עד בקר והנתר ממנו עד בקר באשׁ תשׂרפו׃¹¹ וככה תאכלו אתו מתניכם חגרים נעליכם ברגליכם ומקלכם בידכם ואכלתם אתו בחפזון פסח הוא ליהוה׃¹² ועברתי בארץ מצרים בלילה הזה והכיתי כל בכור בארץ מצרים מאדם ועד בהמה ובכל אלהי מצרים אעשׂה שׁפטים אני יהוה׃¹³ והיה הדם לכם לאת על הבתים אשׁר אתם שׁם וראיתי את הדם ופסחתי עלכם ולא יהיה בכם נגף למשׁחית בהכתי בארץ מצרים׃¹⁴ והיה היום הזה לכם לזכרון וחגתם אתו חג ליהוה לדרתיכם חקת עולם תחגהו׃¹⁵ שׁבעת ימים מצות תאכלו אך ביום הראשׁון תשׁביתו שׂאר מבתיכם כי כל אכל חמץ ונכרתה הנפשׁ ההוא מישׂראל מיום הראשׁן עד יום השׁבעי׃¹⁶ וביום הראשׁון מקרא קדשׁ וביום השׁביעי מקרא קדשׁ יהיה לכם כל מלאכה לא יעשׂה בהם אך אשׁר יאכל לכל נפשׁ הוא לבדו יעשׂה׃

Exodus 12:16-17

¹⁶ וביום הראשׁון מקרא קדשׁ וביום השׁביעי מקרא קדשׁ יהיה לכם כל מלאכה לא יעשׂה בהם אך אשׁר יאכל לכל נפשׁ הוא לבדו יעשׂה׃¹⁷ ושׁמרתם את המצות כי בעצם היום הזה הוצאתי את צבאותיכם מארץ מצרים ושׁמרתם את היום הזה לדרתיכם חקת עולם׃¹⁸ בראשׁן בארבעה עשׂר יום לחדשׁ בערב תאכלו מצת עד יום האחד ועשׂרים לחדשׁ בערב׃¹⁹ שׁבעת ימים שׂאר לא ימצא בבתיכם כי כל אכל מחמצת ונכרתה הנפשׁ ההוא מעדת ישׂראל בגר ובאזרח הארץ׃

Exodus 13:3-10

³ ויאמר משׁה אל העם זכור את היום הזה אשׁר יצאתם ממצרים מבית עבדים כי בחזק יד הוציא יהוה אתכם מזה ולא יאכל חמץ׃⁴ היום אתם יצאים בחדשׁ האביב׃⁵ והיה כי יביאך יהוה אל ארץ הכנעני והחתי והאמרי והחוי והיבוסי אשׁר נשׁבע לאבתיך לתת לך ארץ זבת חלב ודבשׁ ועבדת את העבדה הזאת בחדשׁ הזה׃⁶ שׁבעת ימים תאכל מצת וביום השׁביעי חג ליהוה׃

Exodus 13:6-7

⁶ שׁבעת ימים תאכל מצת וביום השׁביעי חג ליהוה׃⁷ מצות יאכל את שׁבעת הימים ולא יראה לך חמץ ולא יראה לך שׂאר בכל גבלך׃

Exodus 13:7-7

⁷ מצות יאכל את שׁבעת הימים ולא יראה לך חמץ ולא יראה לך שׂאר בכל גבלך׃⁸ והגדת לבנך ביום ההוא לאמר בעבור זה עשׂה יהוה לי בצאתי ממצרים׃⁹ והיה לך לאות על ידך ולזכרון בין עיניך למען תהיה תורת יהוה בפיך כי ביד חזקה הוצאך יהוה ממצרים׃¹⁰ ושׁמרת את החקה הזאת למועדה מימים ימימה׃

Exodus 13:14

¹⁴ והיה כי ישׁאלך בנך מחר לאמר מה זאת ואמרת אליו בחזק יד הוציאנו יהוה ממצרים מבית עבדים׃

Exodus 16:23

²³ ויאמר אלהם הוא אשׁר דבר יהוה שׁבתון שׁבת קדשׁ ליהוה מחר את אשׁר תאפו אפו ואת אשׁר תבשׁלו בשׁלו ואת כל העדף הניחו לכם למשׁמרת עד הבקר׃

Exodus 16:29

²⁹ ראו כי יהוה נתן לכם השׁבת על כן הוא נתן לכם ביום השׁשׁי לחם יומים שׁבו אישׁ תחתיו אל יצא אישׁ ממקמו ביום השׁביעי׃

Exodus 20:8-11

⁸ זכור את יום השׁבת לקדשׁו׃⁹ שׁשׁת ימים תעבד ועשׂית כל מלאכתך׃¹⁰ ויום השׁביעי שׁבת ליהוה אלהיך לא תעשׂה כל מלאכה אתה ובנך ובתך עבדך ואמתך ובהמתך וגרך אשׁר בשׁעריך׃¹¹ כי שׁשׁת ימים עשׂה יהוה את השׁמים ואת הארץ את הים ואת כל אשׁר בם וינח ביום השׁביעי על כן ברך יהוה את יום השׁבת ויקדשׁהו׃

Exodus 22:29

²⁹ (22:28) מלאתך ודמעך לא תאחר בכור בניך תתן׃

Exodus 23:12

¹² שׁשׁת ימים תעשׂה מעשׂיך וביום השׁביעי תשׁבת למען ינוח שׁורך וחמרך וינפשׁ בן אמתך והגר׃

Exodus 23:14-17

Exodus 23:14

¹⁴ שׁלשׁ רגלים תחג לי בשׁנה׃¹⁵ את חג המצות תשׁמר שׁבעת ימים תאכל מצות כאשׁר צויתך למועד חדשׁ האביב כי בו יצאת ממצרים ולא יראו פני ריקם׃

Exodus 23:15

¹⁵ את חג המצות תשׁמר שׁבעת ימים תאכל מצות כאשׁר צויתך למועד חדשׁ האביב כי בו יצאת ממצרים ולא יראו פני ריקם׃¹⁶ וחג הקציר בכורי מעשׂיך אשׁר תזרע בשׂדה וחג האסף בצאת השׁנה באספך את מעשׂיך מן השׂדה׃

Exodus 23:16

¹⁶ וחג הקציר בכורי מעשׂיך אשׁר תזרע בשׂדה וחג האסף בצאת השׁנה באספך את מעשׂיך מן השׂדה׃¹⁷ שׁלשׁ פעמים בשׁנה יראה כל זכורך אל פני האדן יהוה׃

Exodus 23:19

¹⁹ ראשׁית בכורי אדמתך תביא בית יהוה אלהיך לא תבשׁל גדי בחלב אמו׃

Exodus 29:24

²⁴ ושׂמת הכל על כפי אהרן ועל כפי בניו והנפת אתם תנופה לפני יהוה׃

Exodus 29:40-41

⁴⁰ ועשׂרן סלת בלול בשׁמן כתית רבע ההין ונסך רביעת ההין יין לכבשׂ האחד׃⁴¹ ואת הכבשׂ השׁני תעשׂה בין הערבים כמנחת הבקר וכנסכה תעשׂה לה לריח ניחח אשׁה ליהוה׃

Exodus 30:9

⁹ לא תעלו עליו קטרת זרה ועלה ומנחה ונסך לא תסכו עליו׃¹⁰ וכפר אהרן על קרנתיו אחת בשׁנה מדם חטאת הכפרים אחת בשׁנה יכפר עליו לדרתיכם קדשׁ קדשׁים הוא ליהוה׃

Exodus 30:24

²⁴ וקדה חמשׁ מאות בשׁקל הקדשׁ ושׁמן זית הין׃

Exodus 31:13-17

¹³ ואתה דבר אל בני ישׂראל לאמר אך את שׁבתתי תשׁמרו כי אות הוא ביני וביניכם לדרתיכם לדעת כי אני יהוה מקדשׁכם׃¹⁴ ושׁמרתם את השׁבת כי קדשׁ הוא לכם מחלליה מות יומת כי כל העשׂה בה מלאכה ונכרתה הנפשׁ ההוא מקרב עמיה׃¹⁵ שׁשׁת ימים יעשׂה מלאכה וביום השׁביעי שׁבת שׁבתון קדשׁ ליהוה כל העשׂה מלאכה ביום השׁבת מות יומת׃¹⁶ ושׁמרו בני ישׂראל את השׁבת לעשׂות את השׁבת לדרתם ברית עולם׃¹⁷ ביני ובין בני ישׂראל אות הוא לעלם כי שׁשׁת ימים עשׂה יהוה את השׁמים ואת הארץ וביום השׁביעי שׁבת וינפשׁ׃

Exodus 32:5

⁵ וירא אהרן ויבן מזבח לפניו ויקרא אהרן ויאמר חג ליהוה מחר׃

Exodus 34:18

¹⁸ את חג המצות תשׁמר שׁבעת ימים תאכל מצות אשׁר צויתך למועד חדשׁ האביב כי בחדשׁ האביב יצאת ממצרים׃

Exodus 34:21

²¹ שׁשׁת ימים תעבד וביום השׁביעי תשׁבת בחרישׁ ובקציר תשׁבת׃²² וחג שׁבעת תעשׂה לך בכורי קציר חטים וחג האסיף תקופת השׁנה׃

Exodus 34:26

²⁶ ראשׁית בכורי אדמתך תביא בית יהוה אלהיך לא תבשׁל גדי בחלב אמו׃

Exodus 35:2-3

² שׁשׁת ימים תעשׂה מלאכה וביום השׁביעי יהיה לכם קדשׁ שׁבת שׁבתון ליהוה כל העשׂה בו מלאכה יומת׃³ לא תבערו אשׁ בכל משׁבתיכם ביום השׁבת׃

Leviticus 1:10

¹⁰ ואם מן הצאן קרבנו מן הכשׂבים או מן העזים לעלה זכר תמים יקריבנו׃

Leviticus 2:12-16

¹² קרבן ראשׁית תקריבו אתם ליהוה ואל המזבח לא יעלו לריח ניחח׃

Leviticus 2:12

¹² קרבן ראשׁית תקריבו אתם ליהוה ואל המזבח לא יעלו לריח ניחח׃¹³ וכל קרבן מנחתך במלח תמלח ולא תשׁבית מלח ברית אלהיך מעל מנחתך על כל קרבנך תקריב מלח׃¹⁴ ואם תקריב מנחת בכורים ליהוה אביב קלוי באשׁ גרשׂ כרמל תקריב את מנחת בכוריך׃¹⁵ ונתת עליה שׁמן ושׂמת עליה לבנה מנחה הוא׃¹⁶ והקטיר הכהן את אזכרתה מגרשׂה ומשׁמנה על כל לבנתה אשׁה ליהוה׃

Leviticus 3:1-17

¹ ואם זבח שׁלמים קרבנו אם מן הבקר הוא מקריב אם זכר אם נקבה תמים יקריבנו לפני יהוה׃² וסמך ידו על ראשׁ קרבנו ושׁחטו פתח אהל מועד וזרקו בני אהרן הכהנים את הדם על המזבח סביב׃³ והקריב מזבח השׁלמים אשׁה ליהוה את החלב המכסה את הקרב ואת כל החלב אשׁר על הקרב׃⁴ ואת שׁתי הכלית ואת החלב אשׁר עלהן אשׁר על הכסלים ואת היתרת על הכבד על הכליות יסירנה׃⁵ והקטירו אתו בני אהרן המזבחה על העלה אשׁר על העצים אשׁר על האשׁ אשׁה ריח ניחח ליהוה׃⁶ ואם מן הצאן קרבנו לזבח שׁלמים ליהוה זכר או נקבה תמים יקריבנו׃⁷ אם כשׂב הוא מקריב את קרבנו והקריב אתו לפני יהוה׃⁸ וסמך את ידו על ראשׁ קרבנו ושׁחט אתו לפני אהל מועד וזרקו בני אהרן את דמו על המזבח סביב׃⁹ והקריב מזבח השׁלמים אשׁה ליהוה חלבו האליה תמימה לעמת העצה יסירנה ואת החלב המכסה את הקרב ואת כל החלב אשׁר על הקרב׃¹⁰ ואת שׁתי הכלית ואת החלב אשׁר עלהן אשׁר על הכסלים ואת היתרת על הכבד על הכלית יסירנה׃¹¹ והקטירו הכהן המזבחה לחם אשׁה ליהוה׃¹² ואם עז קרבנו והקריבו לפני יהוה׃¹³ וסמך את ידו על ראשׁו ושׁחט אתו לפני אהל מועד וזרקו בני אהרן את דמו על המזבח סביב׃¹⁴ והקריב ממנו קרבנו אשׁה ליהוה את החלב המכסה את הקרב ואת כל החלב אשׁר על הקרב׃¹⁵ ואת שׁתי הכלית ואת החלב אשׁר עלהן אשׁר על הכסלים ואת היתרת על הכבד על הכלית יסירנה׃¹⁶ והקטירם הכהן המזבחה לחם אשׁה לריח ניחח כל חלב ליהוה׃¹⁷ חקת עולם לדרתיכם בכל מושׁבתיכם כל חלב וכל דם לא תאכלו׃

Leviticus 3:17-17

¹⁷ חקת עולם לדרתיכם בכל מושׁבתיכם כל חלב וכל דם לא תאכלו׃

Leviticus 4:23-28

²³ או הודע אליו חטאתו אשׁר חטא בה והביא את קרבנו שׂעיר עזים זכר תמים׃²⁴ וסמך ידו על ראשׁ השׂעיר ושׁחט אתו במקום אשׁר ישׁחט את העלה לפני יהוה חטאת הוא׃²⁵ ולקח הכהן מדם החטאת באצבעו ונתן על קרנת מזבח העלה ואת דמו ישׁפך אל יסוד מזבח העלה׃²⁶ ואת כל חלבו יקטיר המזבחה כחלב זבח השׁלמים וכפר עליו הכהן מחטאתו ונסלח׃²⁷ ואם נפשׁ אחת תחטא בשׁגגה מעם הארץ בעשׂתה אחת ממצות יהוה אשׁר לא תעשׂינה ואשׁם׃²⁸ או הודע אליו חטאתו אשׁר חטא והביא קרבנו שׂעירת עזים תמימה נקבה על חטאתו אשׁר חטא׃

Leviticus 6:20

²⁰ (6:13) זה קרבן אהרן ובניו אשׁר יקריבו ליהוה ביום המשׁח אתו עשׂירת האפה סלת מנחה תמיד מחציתה בבקר ומחציתה בערב׃

Leviticus 7:11-18

¹¹ וזאת תורת זבח השׁלמים אשׁר יקריב ליהוה׃¹² אם על תודה יקריבנו והקריב על זבח התודה חלות מצות בלולת בשׁמן ורקיקי מצות משׁחים בשׁמן וסלת מרבכת חלת בלולת בשׁמן׃¹³ על חלת לחם חמץ יקריב קרבנו על זבח תודת שׁלמיו׃

Leviticus 7:13-18

¹³ על חלת לחם חמץ יקריב קרבנו על זבח תודת שׁלמיו׃¹⁴ והקריב ממנו אחד מכל קרבן תרומה ליהוה לכהן הזרק את דם השׁלמים לו יהיה׃¹⁵ ובשׂר זבח תודת שׁלמיו ביום קרבנו יאכל לא יניח ממנו עד בקר׃¹⁶ ואם נדר או נדבה זבח קרבנו ביום הקריבו את זבחו יאכל וממחרת והנותר ממנו יאכל׃¹⁷ והנותר מבשׂר הזבח ביום השׁלישׁי באשׁ ישׂרף׃¹⁸ ואם האכל יאכל מבשׂר זבח שׁלמיו ביום השׁלישׁי לא ירצה המקריב אתו לא יחשׁב לו פגול יהיה והנפשׁ האכלת ממנו עונה תשׂא׃

Leviticus 7:29-34

²⁹ דבר אל בני ישׂראל לאמר המקריב את זבח שׁלמיו ליהוה יביא את קרבנו ליהוה מזבח שׁלמיו׃³⁰ ידיו תביאינה את אשׁי יהוה את החלב על החזה יביאנו את החזה להניף אתו תנופה לפני יהוה׃³¹ והקטיר הכהן את החלב המזבחה והיה החזה לאהרן ולבניו׃³² ואת שׁוק הימין תתנו תרומה לכהן מזבחי שׁלמיכם׃³³ המקריב את דם השׁלמים ואת החלב מבני אהרן לו תהיה שׁוק הימין למנה׃³⁴ כי את חזה התנופה ואת שׁוק התרומה לקחתי מאת בני ישׂראל מזבחי שׁלמיהם ואתן אתם לאהרן הכהן ולבניו לחק עולם מאת בני ישׂראל׃

Leviticus 8:29

²⁹ ויקח משׁה את החזה ויניפהו תנופה לפני יהוה מאיל המלאים למשׁה היה למנה כאשׁר צוה יהוה את משׁה׃

Leviticus 9:21

²¹ ואת החזות ואת שׁוק הימין הניף אהרן תנופה לפני יהוה כאשׁר צוה משׁה׃

Leviticus 10:11

¹¹ ולהורת את בני ישׂראל את כל החקים אשׁר דבר יהוה אליהם ביד משׁה׃

Leviticus 10:14

¹⁴ ואת חזה התנופה ואת שׁוק התרומה תאכלו במקום טהור אתה ובניך ובנתיך אתך כי חקך וחק בניך נתנו מזבחי שׁלמי בני ישׂראל׃

Leviticus 10:14-15

¹⁴ ואת חזה התנופה ואת שׁוק התרומה תאכלו במקום טהור אתה ובניך ובנתיך אתך כי חקך וחק בניך נתנו מזבחי שׁלמי בני ישׂראל׃¹⁵ שׁוק התרומה וחזה התנופה על אשׁי החלבים יביאו להניף תנופה לפני יהוה והיה לך ולבניך אתך לחק עולם כאשׁר צוה יהוה׃

Leviticus 14:10

¹⁰ וביום השׁמיני יקח שׁני כבשׂים תמימם וכבשׂה אחת בת שׁנתה תמימה ושׁלשׁה עשׂרנים סלת מנחה בלולה בשׁמן ולג אחד שׁמן׃

Leviticus 14:34

³⁴ כי תבאו אל ארץ כנען אשׁר אני נתן לכם לאחזה ונתתי נגע צרעת בבית ארץ אחזתכם׃

Leviticus 16:11

¹¹ והקריב אהרן את פר החטאת אשׁר לו וכפר בעדו ובעד ביתו ושׁחט את פר החטאת אשׁר׃

Leviticus 16:15

¹⁵ ושׁחט את שׂעיר החטאת אשׁר לעם והביא את דמו אל מבית לפרכת ועשׂה את דמו כאשׁר עשׂה לדם הפר והזה אתו על הכפרת ולפני הכפרת׃

Leviticus 16:24

²⁴ ורחץ את בשׂרו במים במקום קדושׁ ולבשׁ את בגדיו ויצא ועשׂה את עלתו ואת עלת העם וכפר בעדו ובעד העם׃

Leviticus 16:29-31

²⁹ והיתה לכם לחקת עולם בחדשׁ השׁביעי בעשׂור לחדשׁ תענו את נפשׁתיכם וכל מלאכה לא תעשׂו האזרח והגר הגר בתוככם׃³⁰ כי ביום הזה יכפר עליכם לטהר אתכם מכל חטאתיכם לפני יהוה תטהרו׃³¹ שׁבת שׁבתון היא לכם ועניתם את נפשׁתיכם חקת עולם׃

Leviticus 16:31

³¹ שׁבת שׁבתון היא לכם ועניתם את נפשׁתיכם חקת עולם׃

Leviticus 16:34

³⁴ והיתה זאת לכם לחקת עולם לכפר על בני ישׂראל מכל חטאתם אחת בשׁנה ויעשׂ כאשׁר צוה יהוה את משׁה׃

Leviticus 19:3

³ אישׁ אמו ואביו תיראו ואת שׁבתתי תשׁמרו אני יהוה אלהיכם׃

Leviticus 19:9-10

⁹ ובקצרכם את קציר ארצכם לא תכלה פאת שׂדך לקצר ולקט קצירך לא תלקט׃¹⁰ וכרמך לא תעולל ופרט כרמך לא תלקט לעני ולגר תעזב אתם אני יהוה אלהיכם׃

Leviticus 19:23-25

²³ וכי תבאו אל הארץ ונטעתם כל עץ מאכל וערלתם ערלתו את פריו שׁלשׁ שׁנים יהיה לכם ערלים לא יאכל׃²⁴ ובשׁנה הרביעת יהיה כל פריו קדשׁ הלולים ליהוה׃²⁵ ובשׁנה החמישׁת תאכלו את פריו להוסיף לכם תבואתו אני יהוה אלהיכם׃

Leviticus 20:3

³ ואני אתן את פני באישׁ ההוא והכרתי אתו מקרב עמו כי מזרעו נתן למלך למען טמא את מקדשׁי ולחלל את שׁם קדשׁי׃

Leviticus 20:5-6

⁵ ושׂמתי אני את פני באישׁ ההוא ובמשׁפחתו והכרתי אתו ואת כל הזנים אחריו לזנות אחרי המלך מקרב עמם׃⁶ והנפשׁ אשׁר תפנה אל האבת ואל הידענים לזנת אחריהם ונתתי את פני בנפשׁ ההוא והכרתי אתו מקרב עמו׃

Leviticus 21:24

²⁴ וידבר משׁה אל אהרן ואל בניו ואל כל בני ישׂראל׃

Leviticus 23:1-2

¹ וידבר יהוה אל משׁה לאמר׃² דבר אל בני ישׂראל ואמרת אלהם מועדי יהוה אשׁר תקראו אתם מקראי קדשׁ אלה הם מועדי׃

Leviticus 23:2-2

² דבר אל בני ישׂראל ואמרת אלהם מועדי יהוה אשׁר תקראו אתם מקראי קדשׁ אלה הם מועדי׃³ שׁשׁת ימים תעשׂה מלאכה וביום השׁביעי שׁבת שׁבתון מקרא קדשׁ כל מלאכה לא תעשׂו שׁבת הוא ליהוה בכל מושׁבתיכם׃⁴ אלה מועדי יהוה מקראי קדשׁ אשׁר תקראו אתם במועדם׃

Leviticus 23:7

⁷ ביום הראשׁון מקרא קדשׁ יהיה לכם כל מלאכת עבדה לא תעשׂו׃

Leviticus 23:7-8

⁷ ביום הראשׁון מקרא קדשׁ יהיה לכם כל מלאכת עבדה לא תעשׂו׃⁸ והקרבתם אשׁה ליהוה שׁבעת ימים ביום השׁביעי מקרא קדשׁ כל מלאכת עבדה לא תעשׂו׃

Leviticus 23:8-8

⁸ והקרבתם אשׁה ליהוה שׁבעת ימים ביום השׁביעי מקרא קדשׁ כל מלאכת עבדה לא תעשׂו׃

Leviticus 23:10-11

¹⁰ דבר אל בני ישׂראל ואמרת אלהם כי תבאו אל הארץ אשׁר אני נתן לכם וקצרתם את קצירה והבאתם את עמר ראשׁית קצירכם אל הכהן׃

Leviticus 23:10

¹⁰ דבר אל בני ישׂראל ואמרת אלהם כי תבאו אל הארץ אשׁר אני נתן לכם וקצרתם את קצירה והבאתם את עמר ראשׁית קצירכם אל הכהן׃¹¹ והניף את העמר לפני יהוה לרצנכם ממחרת השׁבת יניפנו הכהן׃¹² ועשׂיתם ביום הניפכם את העמר כבשׂ תמים בן שׁנתו לעלה ליהוה׃¹³ ומנחתו שׁני עשׂרנים סלת בלולה בשׁמן אשׁה ליהוה ריח ניחח ונסכה יין רביעת ההין׃¹⁴ ולחם וקלי וכרמל לא תאכלו עד עצם היום הזה עד הביאכם את קרבן אלהיכם חקת עולם לדרתיכם בכל משׁבתיכם׃

Leviticus 23:17

¹⁷ ממושׁבתיכם תביאו לחם תנופה שׁתים שׁני עשׂרנים סלת תהיינה חמץ תאפינה בכורים ליהוה׃

Leviticus 23:21

²¹ וקראתם בעצם היום הזה מקרא קדשׁ יהיה לכם כל מלאכת עבדה לא תעשׂו חקת עולם בכל מושׁבתיכם לדרתיכם׃

Leviticus 23:24-25

²⁴ דבר אל בני ישׂראל לאמר בחדשׁ השׁביעי באחד לחדשׁ יהיה לכם שׁבתון זכרון תרועה מקרא קדשׁ׃

Leviticus 23:24

²⁴ דבר אל בני ישׂראל לאמר בחדשׁ השׁביעי באחד לחדשׁ יהיה לכם שׁבתון זכרון תרועה מקרא קדשׁ׃²⁵ כל מלאכת עבדה לא תעשׂו והקרבתם אשׁה ליהוה׃

Leviticus 23:25-25

²⁵ כל מלאכת עבדה לא תעשׂו והקרבתם אשׁה ליהוה׃

Leviticus 23:27

²⁷ אך בעשׂור לחדשׁ השׁביעי הזה יום הכפרים הוא מקרא קדשׁ יהיה לכם ועניתם את נפשׁתיכם והקרבתם אשׁה ליהוה׃

Leviticus 23:32

³² שׁבת שׁבתון הוא לכם ועניתם את נפשׁתיכם בתשׁעה לחדשׁ בערב מערב עד ערב תשׁבתו שׁבתכם׃

Leviticus 23:34

³⁴ דבר אל בני ישׂראל לאמר בחמשׁה עשׂר יום לחדשׁ השׁביעי הזה חג הסכות שׁבעת ימים ליהוה׃³⁵ ביום הראשׁון מקרא קדשׁ כל מלאכת עבדה לא תעשׂו׃³⁶ שׁבעת ימים תקריבו אשׁה ליהוה ביום השׁמיני מקרא קדשׁ יהיה לכם והקרבתם אשׁה ליהוה עצרת הוא כל מלאכת עבדה לא תעשׂו׃

Leviticus 23:36

³⁶ שׁבעת ימים תקריבו אשׁה ליהוה ביום השׁמיני מקרא קדשׁ יהיה לכם והקרבתם אשׁה ליהוה עצרת הוא כל מלאכת עבדה לא תעשׂו׃³⁷ אלה מועדי יהוה אשׁר תקראו אתם מקראי קדשׁ להקריב אשׁה ליהוה עלה ומנחה זבח ונסכים דבר יום ביומו׃

Leviticus 23:44

⁴⁴ וידבר משׁה את מעדי יהוה אל בני ישׂראל׃

Leviticus 25:2-3

² דבר אל בני ישׂראל ואמרת אלהם כי תבאו אל הארץ אשׁר אני נתן לכם ושׁבתה הארץ שׁבת ליהוה׃³ שׁשׁ שׁנים תזרע שׂדך ושׁשׁ שׁנים תזמר כרמך ואספת את תבואתה׃

Leviticus 25:8

⁸ וספרת לך שׁבע שׁבתת שׁנים שׁבע שׁנים שׁבע פעמים והיו לך ימי שׁבע שׁבתת השׁנים תשׁע וארבעים שׁנה׃⁹ והעברת שׁופר תרועה בחדשׁ השׁבעי בעשׂור לחדשׁ ביום הכפרים תעבירו שׁופר בכל ארצכם׃

Numbers 5:2

² צו את בני ישׂראל וישׁלחו מן המחנה כל צרוע וכל זב וכל טמא לנפשׁ׃

Numbers 9:2-7

² ויעשׂו בני ישׂראל את הפסח במועדו׃³ בארבעה עשׂר יום בחדשׁ הזה בין הערבים תעשׂו אתו במעדו ככל חקתיו וככל משׁפטיו תעשׂו אתו׃⁴ וידבר משׁה אל בני ישׂראל לעשׂת הפסח׃⁵ ויעשׂו את הפסח בראשׁון בארבעה עשׂר יום לחדשׁ בין הערבים במדבר סיני ככל אשׁר צוה יהוה את משׁה כן עשׂו בני ישׂראל׃⁶ ויהי אנשׁים אשׁר היו טמאים לנפשׁ אדם ולא יכלו לעשׂת הפסח ביום ההוא ויקרבו לפני משׁה ולפני אהרן ביום ההוא׃⁷ ויאמרו האנשׁים ההמה אליו אנחנו טמאים לנפשׁ אדם למה נגרע לבלתי הקריב את קרבן יהוה במעדו בתוך בני ישׂראל׃

Numbers 10:2-3

² עשׂה לך שׁתי חצוצרת כסף מקשׁה תעשׂה אתם והיו לך למקרא העדה ולמסע את המחנות׃³ ותקעו בהן ונועדו אליך כל העדה אל פתח אהל מועד׃

Numbers 10:9-10

⁹ וכי תבאו מלחמה בארצכם על הצר הצרר אתכם והרעתם בחצצרת ונזכרתם לפני יהוה אלהיכם ונושׁעתם מאיביכם׃¹⁰ וביום שׂמחתכם ובמועדיכם ובראשׁי חדשׁכם ותקעתם בחצצרת על עלתיכם ועל זבחי שׁלמיכם והיו לכם לזכרון לפני אלהיכם אני יהוה אלהיכם׃

Numbers 10:10-10

¹⁰ וביום שׂמחתכם ובמועדיכם ובראשׁי חדשׁכם ותקעתם בחצצרת על עלתיכם ועל זבחי שׁלמיכם והיו לכם לזכרון לפני אלהיכם אני יהוה אלהיכם׃

Numbers 15:2

² דבר אל בני ישׂראל ואמרת אלהם כי תבאו אל ארץ מושׁבתיכם אשׁר אני נתן׃³ ועשׂיתם אשׁה ליהוה עלה או זבח לפלא נדר או בנדבה או במעדיכם לעשׂות ריח ניחח ליהוה מן הבקר או מן הצאן׃⁴ והקריב המקריב קרבנו ליהוה מנחה סלת עשׂרון בלול ברבעית ההין שׁמן׃⁵ ויין לנסך רביעית ההין תעשׂה על העלה או לזבח לכבשׂ האחד׃⁶ או לאיל תעשׂה מנחה סלת שׁני עשׂרנים בלולה בשׁמן שׁלשׁית ההין׃⁷ ויין לנסך שׁלשׁית ההין תקריב ריח ניחח ליהוה׃⁸ וכי תעשׂה בן בקר עלה או זבח לפלא נדר או שׁלמים ליהוה׃⁹ והקריב על בן הבקר מנחה סלת שׁלשׁה עשׂרנים בלול בשׁמן חצי ההין׃¹⁰ ויין תקריב לנסך חצי ההין אשׁה ריח ניחח ליהוה׃¹¹ ככה יעשׂה לשׁור האחד או לאיל האחד או לשׂה בכבשׂים או בעזים׃¹² כמספר אשׁר תעשׂו ככה תעשׂו לאחד כמספרם׃

Numbers 15:17

¹⁷ וידבר יהוה אל משׁה לאמר׃¹⁸ דבר אל בני ישׂראל ואמרת אלהם בבאכם אל הארץ אשׁר אני מביא אתכם שׁמה׃¹⁹ והיה באכלכם מלחם הארץ תרימו תרומה ליהוה׃²⁰ ראשׁית ערסתכם חלה תרימו תרומה כתרומת גרן כן תרימו אתה׃²¹ מראשׁית ערסתיכם תתנו ליהוה תרומה לדרתיכם׃

Numbers 15:24

²⁴ והיה אם מעיני העדה נעשׂתה לשׁגגה ועשׂו כל העדה פר בן בקר אחד לעלה לריח ניחח ליהוה ומנחתו ונסכו כמשׁפט ושׂעיר עזים אחד לחטת׃

Numbers 18:8-12

⁸ וידבר יהוה אל אהרן ואני הנה נתתי לך את משׁמרת תרומתי לכל קדשׁי בני ישׂראל לך נתתים למשׁחה ולבניך לחק עולם׃⁹ זה יהיה לך מקדשׁ הקדשׁים מן האשׁ כל קרבנם לכל מנחתם ולכל חטאתם ולכל אשׁמם אשׁר ישׁיבו לי קדשׁ קדשׁים לך הוא ולבניך׃¹⁰ בקדשׁ הקדשׁים תאכלנו כל זכר יאכל אתו קדשׁ יהיה׃¹¹ וזה לך תרומת מתנם לכל תנופת בני ישׂראל לך נתתים ולבניך ולבנתיך אתך לחק עולם כל טהור בביתך יאכל אתו׃¹² כל חלב יצהר וכל חלב תירושׁ ודגן ראשׁיתם אשׁר יתנו ליהוה לך נתתים׃

Numbers 18:23

²³ ועבד הלוי הוא את עבדת אהל מועד והם ישׂאו עונם חקת עולם לדרתיכם ובתוך בני ישׂראל לא ינחלו נחלה׃

Numbers 24:2

² וישׂא בלעם את עיניו וירא את ישׂראל שׁכן לשׁבטיו ותהי עליו רוח אלהים׃

Numbers 24:5

Numbers 28:10

Numbers 28:16-17

¹⁶ ובחדשׁ הראשׁון בארבעה עשׂר יום לחדשׁ פסח ליהוה׃¹⁷ ובחמשׁה עשׂר יום לחדשׁ הזה חג שׁבעת ימים מצות יאכל׃

Numbers 28:17-18

¹⁷ ובחמשׁה עשׂר יום לחדשׁ הזה חג שׁבעת ימים מצות יאכל׃¹⁸ ביום הראשׁון מקרא קדשׁ כל מלאכת עבדה לא תעשׂו׃

Numbers 28:18-25

¹⁸ ביום הראשׁון מקרא קדשׁ כל מלאכת עבדה לא תעשׂו׃¹⁹ והקרבתם אשׁה עלה ליהוה פרים בני בקר שׁנים ואיל אחד ושׁבעה כבשׂים בני שׁנה תמימם יהיו׃²⁰ ומנחתם סלת בלולה בשׁמן שׁלשׁה עשׂרנים לפר ושׁני עשׂרנים לאיל תעשׂו׃²¹ עשׂרון עשׂרון תעשׂה לכבשׂ האחד לשׁבעת הכבשׂים׃²² ושׂעיר חטאת אחד לכפר עליכם׃²³ מלבד עלת הבקר אשׁר לעלת התמיד תעשׂו את אלה׃²⁴ כאלה תעשׂו ליום שׁבעת ימים לחם אשׁה ריח ניחח ליהוה על עולת התמיד יעשׂה ונסכו׃²⁵ וביום השׁביעי מקרא קדשׁ יהיה לכם כל מלאכת עבדה לא תעשׂו׃²⁶ וביום הבכורים בהקריבכם מנחה חדשׁה ליהוה בשׁבעתיכם מקרא קדשׁ יהיה לכם כל מלאכת עבדה לא תעשׂו׃²⁷ והקרבתם עולה לריח ניחח ליהוה פרים בני בקר שׁנים איל אחד שׁבעה כבשׂים בני שׁנה׃²⁸ ומנחתם סלת בלולה בשׁמן שׁלשׁה עשׂרנים לפר האחד שׁני עשׂרנים לאיל האחד׃²⁹ עשׂרון עשׂרון לכבשׂ האחד לשׁבעת הכבשׂים׃³⁰ שׂעיר עזים אחד לכפר עליכם׃

Numbers 28:30

³⁰ שׂעיר עזים אחד לכפר עליכם׃³¹ מלבד עלת התמיד ומנחתו תעשׂו תמימם יהיו לכם ונסכיהם׃

Numbers 29:1-6

¹ ובחדשׁ השׁביעי באחד לחדשׁ מקרא קדשׁ יהיה לכם כל מלאכת עבדה לא תעשׂו יום תרועה יהיה׃² ועשׂיתם עלה לריח ניחח ליהוה פר בן בקר אחד איל אחד כבשׂים בני שׁנה שׁבעה תמימם׃³ ומנחתם סלת בלולה בשׁמן שׁלשׁה עשׂרנים לפר שׁני עשׂרנים לאיל׃⁴ ועשׂרון אחד לכבשׂ האחד לשׁבעת הכבשׂים׃⁵ ושׂעיר עזים אחד חטאת לכפר עליכם׃⁶ מלבד עלת החדשׁ ומנחתה ועלת התמיד ומנחתה ונסכיהם כמשׁפטם לריח ניחח אשׁה ליהוה׃⁷ ובעשׂור לחדשׁ השׁביעי הזה מקרא קדשׁ יהיה לכם ועניתם את נפשׁתיכם כל מלאכה לא תעשׂו׃⁸ והקרבתם עלה ליהוה ריח ניחח פר בן בקר אחד איל אחד כבשׂים בני שׁנה שׁבעה תמימם יהיו׃⁹ ומנחתם סלת בלולה בשׁמן שׁלשׁה עשׂרנים לפר שׁני עשׂרנים לאיל האחד׃¹⁰ עשׂרון עשׂרון לכבשׂ האחד לשׁבעת הכבשׂים׃¹¹ שׂעיר עזים אחד חטאת מלבד חטאת הכפרים ועלת התמיד ומנחתה ונסכיהם׃¹² ובחמשׁה עשׂר יום לחדשׁ השׁביעי מקרא קדשׁ יהיה לכם כל מלאכת עבדה לא תעשׂו וחגתם חג ליהוה שׁבעת ימים׃

Numbers 29:12-38

¹² ובחמשׁה עשׂר יום לחדשׁ השׁביעי מקרא קדשׁ יהיה לכם כל מלאכת עבדה לא תעשׂו וחגתם חג ליהוה שׁבעת ימים׃¹³ והקרבתם עלה אשׁה ריח ניחח ליהוה פרים בני בקר שׁלשׁה עשׂר אילם שׁנים כבשׂים בני שׁנה ארבעה עשׂר תמימם יהיו׃¹⁴ ומנחתם סלת בלולה בשׁמן שׁלשׁה עשׂרנים לפר האחד לשׁלשׁה עשׂר פרים שׁני עשׂרנים לאיל האחד לשׁני האילם׃¹⁵ ועשׂרון עשׂרון לכבשׂ האחד לארבעה עשׂר כבשׂים׃¹⁶ ושׂעיר עזים אחד חטאת מלבד עלת התמיד מנחתה ונסכה׃¹⁷ וביום השׁני פרים בני בקר שׁנים עשׂר אילם שׁנים כבשׂים בני שׁנה ארבעה עשׂר תמימם׃¹⁸ ומנחתם ונסכיהם לפרים לאילם ולכבשׂים במספרם כמשׁפט׃¹⁹ ושׂעיר עזים אחד חטאת מלבד עלת התמיד ומנחתה ונסכיהם׃²⁰ וביום השׁלישׁי פרים עשׁתי עשׂר אילם שׁנים כבשׂים בני שׁנה ארבעה עשׂר תמימם׃²¹ ומנחתם ונסכיהם לפרים לאילם ולכבשׂים במספרם כמשׁפט׃²² ושׂעיר חטאת אחד מלבד עלת התמיד ומנחתה ונסכה׃²³ וביום הרביעי פרים עשׂרה אילם שׁנים כבשׂים בני שׁנה ארבעה עשׂר תמימם׃²⁴ מנחתם ונסכיהם לפרים לאילם ולכבשׂים במספרם כמשׁפט׃²⁵ ושׂעיר עזים אחד חטאת מלבד עלת התמיד מנחתה ונסכה׃²⁶ וביום החמישׁי פרים תשׁעה אילם שׁנים כבשׂים בני שׁנה ארבעה עשׂר תמימם׃²⁷ ומנחתם ונסכיהם לפרים לאילם ולכבשׂים במספרם כמשׁפט׃²⁸ ושׂעיר חטאת אחד מלבד עלת התמיד ומנחתה ונסכה׃²⁹ וביום השׁשׁי פרים שׁמנה אילם שׁנים כבשׂים בני שׁנה ארבעה עשׂר תמימם׃³⁰ ומנחתם ונסכיהם לפרים לאילם ולכבשׂים במספרם כמשׁפט׃³¹ ושׂעיר חטאת אחד מלבד עלת התמיד מנחתה ונסכיה׃³² וביום השׁביעי פרים שׁבעה אילם שׁנים כבשׂים בני שׁנה ארבעה עשׂר תמימם׃³³ ומנחתם ונסכהם לפרים לאילם ולכבשׂים במספרם כמשׁפטם׃³⁴ ושׂעיר חטאת אחד מלבד עלת התמיד מנחתה ונסכה׃³⁵ ביום השׁמיני עצרת תהיה לכם כל מלאכת עבדה לא תעשׂו׃³⁶ והקרבתם עלה אשׁה ריח ניחח ליהוה פר אחד איל אחד כבשׂים בני שׁנה שׁבעה תמימם׃³⁷ מנחתם ונסכיהם לפר לאיל ולכבשׂים במספרם כמשׁפט׃³⁸ ושׂעיר חטאת אחד מלבד עלת התמיד ומנחתה ונסכה׃³⁹ אלה תעשׂו ליהוה במועדיכם לבד מנדריכם ונדבתיכם לעלתיכם ולמנחתיכם ולנסכיכם ולשׁלמיכם׃

Deuteronomy 5:13-14

¹³ שׁשׁת ימים תעבד ועשׂית כל מלאכתך׃¹⁴ ויום השׁביעי שׁבת ליהוה אלהיך לא תעשׂה כל מלאכה אתה ובנך ובתך ועבדך ואמתך ושׁורך וחמרך וכל בהמתך וגרך אשׁר בשׁעריך למען ינוח עבדך ואמתך כמוך׃

Deuteronomy 12:6

⁶ והבאתם שׁמה עלתיכם וזבחיכם ואת מעשׂרתיכם ואת תרומת ידכם ונדריכם ונדבתיכם ובכרת בקרכם וצאנכם׃

Deuteronomy 16:1-8

¹ שׁמור את חדשׁ האביב ועשׂית פסח ליהוה אלהיך כי בחדשׁ האביב הוציאך יהוה אלהיך ממצרים לילה׃² וזבחת פסח ליהוה אלהיך צאן ובקר במקום אשׁר יבחר יהוה לשׁכן שׁמו שׁם׃³ לא תאכל עליו חמץ שׁבעת ימים תאכל עליו מצות לחם עני כי בחפזון יצאת מארץ מצרים למען תזכר את יום צאתך מארץ מצרים כל ימי חייך׃⁴ ולא יראה לך שׂאר בכל גבלך שׁבעת ימים ולא ילין מן הבשׂר אשׁר תזבח בערב ביום הראשׁון לבקר׃⁵ לא תוכל לזבח את הפסח באחד שׁעריך אשׁר יהוה אלהיך נתן׃⁶ כי אם אל המקום אשׁר יבחר יהוה אלהיך לשׁכן שׁמו שׁם תזבח את הפסח בערב כבוא השׁמשׁ מועד צאתך ממצרים׃⁷ ובשׁלת ואכלת במקום אשׁר יבחר יהוה אלהיך בו ופנית בבקר והלכת לאהליך׃⁸ שׁשׁת ימים תאכל מצות וביום השׁביעי עצרת ליהוה אלהיך לא תעשׂה מלאכה׃

Deuteronomy 16:8

⁸ שׁשׁת ימים תאכל מצות וביום השׁביעי עצרת ליהוה אלהיך לא תעשׂה מלאכה׃⁹ שׁבעה שׁבעת תספר לך מהחל חרמשׁ בקמה תחל לספר שׁבעה שׁבעות׃

Deuteronomy 16:9-10

⁹ שׁבעה שׁבעת תספר לך מהחל חרמשׁ בקמה תחל לספר שׁבעה שׁבעות׃¹⁰ ועשׂית חג שׁבעות ליהוה אלהיך מסת נדבת ידך אשׁר תתן כאשׁר יברכך יהוה אלהיך׃¹¹ ושׂמחת לפני יהוה אלהיך אתה ובנך ובתך ועבדך ואמתך והלוי אשׁר בשׁעריך והגר והיתום והאלמנה אשׁר בקרבך במקום אשׁר יבחר יהוה אלהיך לשׁכן שׁמו שׁם׃

Deuteronomy 16:11-14

¹¹ ושׂמחת לפני יהוה אלהיך אתה ובנך ובתך ועבדך ואמתך והלוי אשׁר בשׁעריך והגר והיתום והאלמנה אשׁר בקרבך במקום אשׁר יבחר יהוה אלהיך לשׁכן שׁמו שׁם׃¹² וזכרת כי עבד היית במצרים ושׁמרת ועשׂית את החקים האלה׃

Deuteronomy 16:12-14

¹² וזכרת כי עבד היית במצרים ושׁמרת ועשׂית את החקים האלה׃¹³ חג הסכת תעשׂה לך שׁבעת ימים באספך מגרנך ומיקבך׃

Deuteronomy 16:13-15

¹³ חג הסכת תעשׂה לך שׁבעת ימים באספך מגרנך ומיקבך׃

Deuteronomy 16:13

¹³ חג הסכת תעשׂה לך שׁבעת ימים באספך מגרנך ומיקבך׃¹⁴ ושׂמחת בחגך אתה ובנך ובתך ועבדך ואמתך והלוי והגר והיתום והאלמנה אשׁר בשׁעריך׃

Deuteronomy 16:14-15

¹⁴ ושׂמחת בחגך אתה ובנך ובתך ועבדך ואמתך והלוי והגר והיתום והאלמנה אשׁר בשׁעריך׃¹⁵ שׁבעת ימים תחג ליהוה אלהיך במקום אשׁר יבחר יהוה כי יברכך יהוה אלהיך בכל תבואתך ובכל מעשׂה ידיך והיית אך שׂמח׃¹⁶ שׁלושׁ פעמים בשׁנה יראה כל זכורך את פני יהוה אלהיך במקום אשׁר יבחר בחג המצות ובחג השׁבעות ובחג הסכות ולא יראה את פני יהוה ריקם׃¹⁷ אישׁ כמתנת ידו כברכת יהוה אלהיך אשׁר נתן׃

Deuteronomy 18:4

⁴ ראשׁית דגנך תירשׁך ויצהרך וראשׁית גז צאנך תתן׃

Deuteronomy 24:19-21

¹⁹ כי תקצר קצירך בשׂדך ושׁכחת עמר בשׂדה לא תשׁוב לקחתו לגר ליתום ולאלמנה יהיה למען יברכך יהוה אלהיך בכל מעשׂה ידיך׃²⁰ כי תחבט זיתך לא תפאר אחריך לגר ליתום ולאלמנה יהיה׃²¹ כי תבצר כרמך לא תעולל אחריך לגר ליתום ולאלמנה יהיה׃

Deuteronomy 26:1-2

¹ והיה כי תבוא אל הארץ אשׁר יהוה אלהיך נתן לך נחלה וירשׁתה וישׁבת׃² ולקחת מראשׁית כל פרי האדמה אשׁר תביא מארצך אשׁר יהוה אלהיך נתן לך ושׂמת בטנא והלכת אל המקום אשׁר יבחר יהוה אלהיך לשׁכן שׁמו שׁם׃

Deuteronomy 31:10-13

¹⁰ ויצו משׁה אותם לאמר מקץ שׁבע שׁנים במעד שׁנת השׁמטה בחג הסכות׃¹¹ בבוא כל ישׂראל לראות את פני יהוה אלהיך במקום אשׁר יבחר תקרא את התורה הזאת נגד כל ישׂראל באזניהם׃¹² הקהל את העם האנשׁים והנשׁים והטף וגרך אשׁר בשׁעריך למען ישׁמעו ולמען ילמדו ויראו את יהוה אלהיכם ושׁמרו לעשׂות את כל דברי התורה הזאת׃¹³ ובניהם אשׁר לא ידעו ישׁמעו ולמדו ליראה את יהוה אלהיכם כל הימים אשׁר אתם חיים על האדמה אשׁר אתם עברים את הירדן שׁמה לרשׁתה׃

Joshua 3:15

¹⁵ וכבוא נשׂאי הארון עד הירדן ורגלי הכהנים נשׂאי הארון נטבלו בקצה המים והירדן מלא על כל גדותיו כל ימי קציר׃

Joshua 5:10

¹⁰ ויחנו בני ישׂראל בגלגל ויעשׂו את הפסח בארבעה עשׂר יום לחדשׁ בערב בערבות יריחו׃¹¹ ויאכלו מעבור הארץ ממחרת הפסח מצות וקלוי בעצם היום הזה׃¹² וישׁבת המן ממחרת באכלם מעבור הארץ ולא היה עוד לבני ישׂראל מן ויאכלו מתבואת ארץ כנען בשׁנה ההיא׃

Ruth 2:3-7

³ ותלך ותבוא ותלקט בשׂדה אחרי הקצרים ויקר מקרה חלקת השׂדה לבעז אשׁר ממשׁפחת אלימלך׃⁴ והנה בעז בא מבית לחם ויאמר לקוצרים יהוה עמכם ויאמרו לו יברכך יהוה׃⁵ ויאמר בעז לנערו הנצב על הקוצרים למי הנערה הזאת׃⁶ ויען הנער הנצב על הקוצרים ויאמר נערה מואביה היא השׁבה עם נעמי משׂדה מואב׃⁷ ותאמר אלקטה נא ואספתי בעמרים אחרי הקוצרים ותבוא ותעמוד מאז הבקר ועד עתה זה שׁבתה הבית מעט׃

Ruth 2:15-23

¹⁵ ותקם ללקט ויצו בעז את נעריו לאמר גם בין העמרים תלקט ולא תכלימוה׃¹⁶ וגם שׁל תשׁלו לה מן הצבתים ועזבתם ולקטה ולא תגערו׃¹⁷ ותלקט בשׂדה עד הערב ותחבט את אשׁר לקטה ויהי כאיפה שׂערים׃¹⁸ ותשׂא ותבוא העיר ותרא חמותה את אשׁר לקטה ותוצא ותתן לה את אשׁר הותרה משׂבעה׃¹⁹ ותאמר לה חמותה איפה לקטת היום ואנה עשׂית יהי מכירך ברוך ותגד לחמותה את אשׁר עשׂתה עמו ותאמר שׁם האישׁ אשׁר עשׂיתי עמו היום בעז׃²⁰ ותאמר נעמי לכלתה ברוך הוא ליהוה אשׁר לא עזב חסדו את החיים ואת המתים ותאמר לה נעמי קרוב לנו האישׁ מגאלנו הוא׃²¹ ותאמר רות המואביה גם כי אמר אלי עם הנערים אשׁר לי תדבקין עד אם כלו את כל הקציר אשׁר׃²² ותאמר נעמי אל רות כלתה טוב בתי כי תצאי עם נערותיו ולא יפגעו בך בשׂדה אחר׃²³ ותדבק בנערות בעז ללקט עד כלות קציר השׂערים וקציר החטים ותשׁב את חמותה׃

2 Kings 10:20

²⁰ ויאמר יהוא קדשׁו עצרה לבעל ויקראו׃

1 Chronicles 15:28

²⁸ וכל ישׂראל מעלים את ארון ברית יהוה בתרועה ובקול שׁופר ובחצצרות ובמצלתים משׁמעים בנבלים וכנרות׃

1 Chronicles 29:3-8

³ ועוד ברצותי בבית אלהי ישׁ לי סגלה זהב וכסף נתתי לבית אלהי למעלה מכל הכינותי לבית הקדשׁ׃⁴ שׁלשׁת אלפים ככרי זהב מזהב אופיר ושׁבעת אלפים ככר כסף מזקק לטוח קירות הבתים׃⁵ לזהב לזהב ולכסף לכסף ולכל מלאכה ביד חרשׁים ומי מתנדב למלאות ידו היום ליהוה׃⁶ ויתנדבו שׂרי האבות ושׂרי שׁבטי ישׂראל ושׂרי האלפים והמאות ולשׂרי מלאכת המלך׃⁷ ויתנו לעבודת בית האלהים זהב ככרים חמשׁת אלפים ואדרכנים רבו וכסף ככרים עשׂרת אלפים ונחשׁת רבו ושׁמונת אלפים ככרים וברזל מאה אלף ככרים׃⁸ והנמצא אתו אבנים נתנו לאוצר בית יהוה על יד יחיאל הגרשׁני׃

2 Chronicles 5:13

¹³ ויהי כאחד למחצצרים ולמשׁררים להשׁמיע קול אחד להלל ולהדות ליהוה וכהרים קול בחצצרות ובמצלתים ובכלי השׁיר ובהלל ליהוה כי טוב כי לעולם חסדו והבית מלא ענן בית יהוה׃

2 Chronicles 7:8-11

⁸ ויעשׂ שׁלמה את החג בעת ההיא שׁבעת ימים וכל ישׂראל עמו קהל גדול מאד מלבוא חמת עד נחל מצרים׃⁹ ויעשׂו ביום השׁמיני עצרת כי חנכת המזבח עשׂו שׁבעת ימים והחג שׁבעת ימים׃¹⁰ וביום עשׂרים ושׁלשׁה לחדשׁ השׁביעי שׁלח את העם לאהליהם שׂמחים וטובי לב על הטובה אשׁר עשׂה יהוה לדויד ולשׁלמה ולישׂראל עמו׃¹¹ ויכל שׁלמה את בית יהוה ואת בית המלך ואת כל הבא על לב שׁלמה לעשׂות בבית יהוה ובביתו הצליח׃

2 Chronicles 30:5

⁵ ויעמידו דבר להעביר קול בכל ישׂראל מבאר שׁבע ועד דן לבוא לעשׂות פסח ליהוה אלהי ישׂראל בירושׁלם כי לא לרב עשׂו ככתוב׃

2 Chronicles 35:7-8

⁷ וירם יאשׁיהו לבני העם צאן כבשׂים ובני עזים הכל לפסחים לכל הנמצא למספר שׁלשׁים אלף ובקר שׁלשׁת אלפים אלה מרכושׁ המלך׃⁸ ושׂריו לנדבה לעם לכהנים וללוים הרימו חלקיה וזכריהו ויחיאל נגידי בית האלהים לכהנים נתנו לפסחים אלפים ושׁשׁ מאות ובקר שׁלשׁ מאות׃

2 Chronicles 35:18-19

¹⁸ ולא נעשׂה פסח כמהו בישׂראל מימי שׁמואל הנביא וכל מלכי ישׂראל לא עשׂו כפסח אשׁר עשׂה יאשׁיהו והכהנים והלוים וכל יהודה וישׂראל הנמצא ויושׁבי ירושׁלם׃¹⁹ בשׁמונה עשׂרה שׁנה למלכות יאשׁיהו נעשׂה הפסח הזה׃

Ezra 2:68-69

⁶⁸ ומראשׁי האבות בבואם לבית יהוה אשׁר בירושׁלם התנדבו לבית האלהים להעמידו על מכונו׃⁶⁹ ככחם נתנו לאוצר המלאכה זהב דרכמונים שׁשׁ רבאות ואלף וכסף מנים חמשׁת אלפים וכתנת כהנים מאה׃

Ezra 3:4

⁴ ויעשׂו את חג הסכות ככתוב ועלת יום ביום במספר כמשׁפט דבר יום ביומו׃

Ezra 3:6

⁶ מיום אחד לחדשׁ השׁביעי החלו להעלות עלות ליהוה והיכל יהוה לא יסד׃

Ezra 8:21

²¹ ואקרא שׁם צום על הנהר אהוא להתענות לפני אלהינו לבקשׁ ממנו דרך ישׁרה לנו ולטפנו ולכל רכושׁנו׃

Nehemiah 8:14

¹⁴ וימצאו כתוב בתורה אשׁר צוה יהוה ביד משׁה אשׁר ישׁבו בני ישׂראל בסכות בחג בחדשׁ השׁביעי׃

Nehemiah 8:14-17

¹⁴ וימצאו כתוב בתורה אשׁר צוה יהוה ביד משׁה אשׁר ישׁבו בני ישׂראל בסכות בחג בחדשׁ השׁביעי׃¹⁵ ואשׁר ישׁמיעו ויעבירו קול בכל עריהם ובירושׁלם לאמר צאו ההר והביאו עלי זית ועלי עץ שׁמן ועלי הדס ועלי תמרים ועלי עץ עבת לעשׂת סכת ככתוב׃¹⁶ ויצאו העם ויביאו ויעשׂו להם סכות אישׁ על גגו ובחצרתיהם ובחצרות בית האלהים וברחוב שׁער המים וברחוב שׁער אפרים׃¹⁷ ויעשׂו כל הקהל השׁבים מן השׁבי סכות וישׁבו בסכות כי לא עשׂו מימי ישׁוע בן נון כן בני ישׂראל עד היום ההוא ותהי שׂמחה גדולה מאד׃¹⁸ ויקרא בספר תורת האלהים יום ביום מן היום הראשׁון עד היום האחרון ויעשׂו חג שׁבעת ימים וביום השׁמיני עצרת כמשׁפט׃

Nehemiah 9:14

¹⁴ ואת שׁבת קדשׁך הודעת להם ומצוות וחקים ותורה צוית להם ביד משׁה עבדך׃

Job 31:16-21

¹⁶ אם אמנע מחפץ דלים ועיני אלמנה אכלה׃¹⁷ ואכל פתי לבדי ולא אכל יתום ממנה׃¹⁸ כי מנעורי גדלני כאב ומבטן אמי אנחנה׃¹⁹ אם אראה אובד מבלי לבושׁ ואין כסות לאביון׃²⁰ אם לא ברכוני חלצו ומגז כבשׂי יתחמם׃²¹ אם הניפותי על יתום ידי כי אראה בשׁער עזרתי׃

Psalms 19:8

⁸ (19:9) פקודי יהוה ישׁרים משׂמחי לב מצות יהוה ברה מאירת עינים׃

Psalms 35:13

¹³ ואני בחלותם לבושׁי שׂק עניתי בצום נפשׁי ותפלתי על חיקי תשׁוב׃

Psalms 41:1-3

¹ למנצח מזמור לדוד׃ (41:2) אשׁרי משׂכיל אל דל ביום רעה ימלטהו יהוה׃² (41:3) יהוה ישׁמרהו ויחיהו יאשׁר בארץ ואל תתנהו בנפשׁ איביו׃³ (41:4) יהוה יסעדנו על ערשׂ דוי כל משׁכבו הפכת בחליו׃

Psalms 51:17

¹⁷ (51:19) זבחי אלהים רוח נשׁברה לב נשׁבר ונדכה אלהים לא תבזה׃

Psalms 69:10-11

¹⁰ (69:11) ואבכה בצום נפשׁי ותהי לחרפות׃¹¹ (69:12) ואתנה לבושׁי שׂק ואהי להם למשׁל׃

Psalms 78:5-6

⁵ ויקם עדות ביעקב ותורה שׂם בישׂראל אשׁר צוה את אבותינו להודיעם לבניהם׃⁶ למען ידעו דור אחרון בנים יולדו יקמו ויספרו לבניהם׃

Psalms 81:1-4

¹ למנצח על הגתית לאסף׃ (81:2) הרנינו לאלהים עוזנו הריעו לאלהי יעקב׃² (81:3) שׂאו זמרה ותנו תף כנור נעים עם נבל׃³ (81:4) תקעו בחדשׁ שׁופר בכסה ליום חגנו׃

Psalms 81:3-4

³ (81:4) תקעו בחדשׁ שׁופר בכסה ליום חגנו׃⁴ (81:5) כי חק לישׂראל הוא משׁפט לאלהי יעקב׃

Psalms 92:12

¹² (92:13) צדיק כתמר יפרח כארז בלבנון ישׂגה׃

Psalms 98:6

⁶ בחצצרות וקול שׁופר הריעו לפני המלך יהוה׃

Psalms 112:9

⁹ פזר נתן לאביונים צדקתו עמדת לעד קרנו תרום בכבוד׃

Psalms 126:5-6

⁵ הזרעים בדמעה ברנה יקצרו׃⁶ הלוך ילך ובכה נשׂא משׁך הזרע בא יבוא ברנה נשׂא אלמתיו׃

Proverbs 3:9-10

⁹ כבד את יהוה מהונך ומראשׁית כל תבואתך׃¹⁰ וימלאו אסמיך שׂבע ותירושׁ יקביך יפרצו׃

Proverbs 11:24-25

²⁴ ישׁ מפזר ונוסף עוד וחושׂך מישׁר אך למחסור׃²⁵ נפשׁ ברכה תדשׁן ומרוה גם הוא יורא׃

Ecclesiastes 3:1

Isaiah 1:13-14

¹³ לא תוסיפו הביא מנחת שׁוא קטרת תועבה היא לי חדשׁ ושׁבת קרא מקרא לא אוכל און ועצרה׃¹⁴ חדשׁיכם ומועדיכם שׂנאה נפשׁי היו עלי לטרח נלאיתי נשׂא׃

Isaiah 11:10

¹⁰ והיה ביום ההוא שׁרשׁ ישׁי אשׁר עמד לנס עמים אליו גוים ידרשׁו והיתה מנחתו כבוד׃

Isaiah 22:12

¹² ויקרא אדני יהוה צבאות ביום ההוא לבכי ולמספד ולקרחה ולחגר שׂק׃

Isaiah 27:13

¹³ והיה ביום ההוא יתקע בשׁופר גדול ובאו האבדים בארץ אשׁור והנדחים בארץ מצרים והשׁתחוו ליהוה בהר הקדשׁ בירושׁלם׃

Isaiah 33:20

²⁰ חזה ציון קרית מועדנו עיניך תראינה ירושׁלם נוה שׁאנן אהל בל יצען בל יסע יתדתיו לנצח וכל חבליו בל ינתקו׃

Isaiah 35:10

¹⁰ ופדויי יהוה ישׁבון ובאו ציון ברנה ושׂמחת עולם על ראשׁם שׂשׂון ושׂמחה ישׂיגו ונסו יגון ואנחה׃

Isaiah 53:10

¹⁰ ויהוה חפץ דכאו החלי אם תשׂים אשׁם נפשׁו יראה זרע יאריך ימים וחפץ יהוה בידו יצלח׃

Isaiah 56:2

² אשׁרי אנושׁ יעשׂה זאת ובן אדם יחזיק בה שׁמר שׁבת מחללו ושׁמר ידו מעשׂות כל רע׃

Isaiah 56:6

⁶ ובני הנכר הנלוים על יהוה לשׁרתו ולאהבה את שׁם יהוה להיות לו לעבדים כל שׁמר שׁבת מחללו ומחזיקים בבריתי׃

Isaiah 57:15

¹⁵ כי כה אמר רם ונשׂא שׁכן עד וקדושׁ שׁמו מרום וקדושׁ אשׁכון ואת דכא ושׁפל רוח להחיות רוח שׁפלים ולהחיות לב נדכאים׃

Isaiah 57:18-19

¹⁸ דרכיו ראיתי וארפאהו ואנחהו ואשׁלם נחמים לו ולאבליו׃¹⁹ בורא נוב שׂפתים שׁלום שׁלום לרחוק ולקרוב אמר יהוה ורפאתיו׃

Isaiah 58:3-7

³ למה צמנו ולא ראית ענינו נפשׁנו ולא תדע הן ביום צמכם תמצאו חפץ וכל עצביכם תנגשׂו׃⁴ הן לריב ומצה תצומו ולהכות באגרף רשׁע לא תצומו כיום להשׁמיע במרום קולכם׃⁵ הכזה יהיה צום אבחרהו יום ענות אדם נפשׁו הלכף כאגמן ראשׁו ושׂק ואפר יציע הלזה תקרא צום ויום רצון ליהוה׃

Isaiah 58:5-7

⁵ הכזה יהיה צום אבחרהו יום ענות אדם נפשׁו הלכף כאגמן ראשׁו ושׂק ואפר יציע הלזה תקרא צום ויום רצון ליהוה׃⁶ הלוא זה צום אבחרהו פתח חרצבות רשׁע התר אגדות מוטה ושׁלח רצוצים חפשׁים וכל מוטה תנתקו׃⁷ הלוא פרס לרעב לחמך ועניים מרודים תביא בית כי תראה ערם וכסיתו ומבשׂרך לא תתעלם׃

Isaiah 58:7-7

⁷ הלוא פרס לרעב לחמך ועניים מרודים תביא בית כי תראה ערם וכסיתו ומבשׂרך לא תתעלם׃⁸ אז יבקע כשׁחר אורך וארכתך מהרה תצמח והלך לפניך צדקך כבוד יהוה יאספך׃

Isaiah 58:10

¹⁰ ותפק לרעב נפשׁך ונפשׁ נענה תשׂביע וזרח בחשׁך אורך ואפלתך כצהרים׃

Isaiah 58:13

¹³ אם תשׁיב משׁבת רגלך עשׂות חפציך ביום קדשׁי וקראת לשׁבת ענג לקדושׁ יהוה מכבד וכבדתו מעשׂות דרכיך ממצוא חפצך ודבר דבר׃

Isaiah 61:3

³ לשׂום לאבלי ציון לתת להם פאר תחת אפר שׁמן שׂשׂון תחת אבל מעטה תהלה תחת רוח כהה וקרא להם אילי הצדק מטע יהוה להתפאר׃

Isaiah 66:10

¹⁰ שׂמחו את ירושׁלם וגילו בה כל אהביה שׂישׂו אתה משׂושׂ כל המתאבלים עליה׃

Jeremiah 15:7

⁷ ואזרם במזרה בשׁערי הארץ שׁכלתי אבדתי את עמי מדרכיהם לוא שׁבו׃

Jeremiah 31:9

⁹ בבכי יבאו ובתחנונים אובילם אוליכם אל נחלי מים בדרך ישׁר לא יכשׁלו בה כי הייתי לישׂראל לאב ואפרים בכרי הוא׃

Jeremiah 35:10

¹⁰ ונשׁב באהלים ונשׁמע ונעשׂ ככל אשׁר צונו יונדב אבינו׃

Lamentations 1:4

⁴ דרכי ציון אבלות מבלי באי מועד כל שׁעריה שׁוממין כהניה נאנחים בתולתיה נוגות והיא מר׃

Ezekiel 4:11

¹¹ ומים במשׂורה תשׁתה שׁשׁית ההין מעת עד עת תשׁתה׃

Ezekiel 7:16

¹⁶ ופלטו פליטיהם והיו אל ההרים כיוני הגאיות כלם המות אישׁ בעונו׃

Ezekiel 14:9

⁹ והנביא כי יפתה ודבר דבר אני יהוה פתיתי את הנביא ההוא ונטיתי את ידי עליו והשׁמדתיו מתוך עמי ישׂראל׃

Ezekiel 44:30

³⁰ וראשׁית כל בכורי כל וכל תרומת כל מכל תרומותיכם לכהנים יהיה וראשׁית ערסותיכם תתנו לכהן להניח ברכה אל ביתך׃

Ezekiel 45:24

²⁴ ומנחה איפה לפר ואיפה לאיל יעשׂה ושׁמן הין לאיפה׃

Ezekiel 46:14

¹⁴ ומנחה תעשׂה עליו בבקר בבקר שׁשׁית האיפה ושׁמן שׁלישׁית ההין לרס את הסלת מנחה ליהוה חקות עולם תמיד׃

Daniel 9:24

²⁴ שׁבעים שׁבעים נחתך על עמך ועל עיר קדשׁך לכלא הפשׁע ולחתם חטאות ולכפר עון ולהביא צדק עלמים ולחתם חזון ונביא ולמשׁח קדשׁ קדשׁים׃

Daniel 10:2-3

² בימים ההם אני דניאל הייתי מתאבל שׁלשׁה שׁבעים ימים׃³ לחם חמדות לא אכלתי ובשׂר ויין לא בא אל פי וסוך לא סכתי עד מלאת שׁלשׁת שׁבעים ימים׃

Hosea 2:11

¹¹ (2:13) והשׁבתי כל משׂושׂה חגה חדשׁה ושׁבתה וכל מועדה׃

Joel 1:9

⁹ הכרת מנחה ונסך מבית יהוה אבלו הכהנים משׁרתי יהוה׃

Joel 1:13

¹³ חגרו וספדו הכהנים הילילו משׁרתי מזבח באו לינו בשׂקים משׁרתי אלהי כי נמנע מבית אלהיכם מנחה ונסך׃¹⁴ קדשׁו צום קראו עצרה אספו זקנים כל ישׁבי הארץ בית יהוה אלהיכם וזעקו אל יהוה׃

Joel 2:14

¹⁴ מי יודע ישׁוב ונחם והשׁאיר אחריו ברכה מנחה ונסך ליהוה אלהיכם׃¹⁵ תקעו שׁופר בציון קדשׁו צום קראו עצרה׃

Jonah 3:5-9

⁵ ויאמינו אנשׁי נינוה באלהים ויקראו צום וילבשׁו שׂקים מגדולם ועד קטנם׃⁶ ויגע הדבר אל מלך נינוה ויקם מכסאו ויעבר אדרתו מעליו ויכס שׂק וישׁב על האפר׃⁷ ויזעק ויאמר בנינוה מטעם המלך וגדליו לאמר האדם והבהמה הבקר והצאן אל יטעמו מאומה אל ירעו ומים אל ישׁתו׃⁸ ויתכסו שׂקים האדם והבהמה ויקראו אל אלהים בחזקה וישׁבו אישׁ מדרכו הרעה ומן החמס אשׁר בכפיהם׃⁹ מי יודע ישׁוב ונחם האלהים ושׁב מחרון אפו ולא נאבד׃

Nahum 1:15

¹⁵ (2:1) הנה על ההרים רגלי מבשׂר משׁמיע שׁלום חגי יהודה חגיך שׁלמי נדריך כי לא יוסיף עוד לעבור בך בליעל כלה נכרת׃

Zephaniah 2:5

⁵ הוי ישׁבי חבל הים גוי כרתים דבר יהוה עליכם כנען ארץ פלשׁתים והאבדתיך מאין יושׁב׃

Zechariah 3:9

⁹ כי הנה האבן אשׁר נתתי לפני יהושׁע על אבן אחת שׁבעה עינים הנני מפתח פתחה נאם יהוה צבאות ומשׁתי את עון הארץ ההיא ביום אחד׃

Zechariah 12:10

¹⁰ ושׁפכתי על בית דויד ועל יושׁב ירושׁלם רוח חן ותחנונים והביטו אלי את אשׁר דקרו וספדו עליו כמספד על היחיד והמר עליו כהמר על הבכור׃

Zechariah 14:16-19

¹⁶ והיה כל הנותר מכל הגוים הבאים על ירושׁלם ועלו מדי שׁנה בשׁנה להשׁתחות למלך יהוה צבאות ולחג את חג הסכות׃¹⁷ והיה אשׁר לא יעלה מאת משׁפחות הארץ אל ירושׁלם להשׁתחות למלך יהוה צבאות ולא עליהם יהיה הגשׁם׃¹⁸ ואם משׁפחת מצרים לא תעלה ולא באה ולא עליהם תהיה המגפה אשׁר יגף יהוה את הגוים אשׁר לא יעלו לחג את חג הסכות׃¹⁹ זאת תהיה חטאת מצרים וחטאת כל הגוים אשׁר לא יעלו לחג את חג הסכות׃

Malachi 1:13-14

¹³ ואמרתם הנה מתלאה והפחתם אותו אמר יהוה צבאות והבאתם גזול ואת הפסח ואת החולה והבאתם את המנחה הארצה אותה מידכם אמר יהוה׃¹⁴ וארור נוכל וישׁ בעדרו זכר ונדר וזבח משׁחת לאדני כי מלך גדול אני אמר יהוה צבאות ושׁמי נורא בגוים׃

Leviticus 23 Cross References - HOT