Job 5:3 Cross References - HOT

3 אני ראיתי אויל משׁרישׁ ואקוב נוהו פתאם׃

Deuteronomy 27:15-26

15 ארור האישׁ אשׁר יעשׂה פסל ומסכה תועבת יהוה מעשׂה ידי חרשׁ ושׂם בסתר וענו כל העם ואמרו אמן׃16 ארור מקלה אביו ואמו ואמר כל העם אמן׃17 ארור מסיג גבול רעהו ואמר כל העם אמן׃18 ארור משׁגה עור בדרך ואמר כל העם אמן׃19 ארור מטה משׁפט גר יתום ואלמנה ואמר כל העם אמן׃20 ארור שׁכב עם אשׁת אביו כי גלה כנף אביו ואמר כל העם אמן׃21 ארור שׁכב עם כל בהמה ואמר כל העם אמן׃22 ארור שׁכב עם אחתו בת אביו או בת אמו ואמר כל העם אמן׃23 ארור שׁכב עם חתנתו ואמר כל העם אמן׃24 ארור מכה רעהו בסתר ואמר כל העם אמן׃25 ארור לקח שׁחד להכות נפשׁ דם נקי ואמר כל העם אמן׃26 ארור אשׁר לא יקים את דברי התורה הזאת לעשׂות אותם ואמר כל העם אמן׃

Job 24:18

18 קל הוא על פני מים תקלל חלקתם בארץ לא יפנה דרך כרמים׃

Job 27:8

8 כי מה תקות חנף כי יבצע כי ישׁל אלוה נפשׁו׃

Psalms 37:35-36

35 ראיתי רשׁע עריץ ומתערה כאזרח רענן׃36 ויעבר והנה איננו ואבקשׁהו ולא נמצא׃

Psalms 69:25

25 (69:26) תהי טירתם נשׁמה באהליהם אל יהי ישׁב׃

Psalms 73:3-9

3 כי קנאתי בהוללים שׁלום רשׁעים אראה׃4 כי אין חרצבות למותם ובריא אולם׃5 בעמל אנושׁ אינמו ועם אדם לא ינגעו׃6 לכן ענקתמו גאוה יעטף שׁית חמס׃7 יצא מחלב עינמו עברו משׂכיות לבב׃8 ימיקו וידברו ברע עשׁק ממרום ידברו׃9 שׁתו בשׁמים פיהם ולשׁונם תהלך בארץ׃

Psalms 73:18-20

18 אך בחלקות תשׁית למו הפלתם למשׁואות׃19 איך היו לשׁמה כרגע ספו תמו מן בלהות׃20 כחלום מהקיץ אדני בעיר צלמם תבזה׃

Psalms 92:7

7 (92:8) בפרח רשׁעים כמו עשׂב ויציצו כל פעלי און להשׁמדם עדי עד׃

Jeremiah 12:1-3

1 צדיק אתה יהוה כי אריב אליך אך משׁפטים אדבר אותך מדוע דרך רשׁעים צלחה שׁלו כל בגדי בגד׃2 נטעתם גם שׁרשׁו ילכו גם עשׂו פרי קרוב אתה בפיהם ורחוק מכליותיהם׃3 ואתה יהוה ידעתני תראני ובחנת לבי אתך התקם כצאן לטבחה והקדשׁם ליום הרגה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.