1 ויען איוב ויאמר׃2 לו שׁקול ישׁקל כעשׂי והיתי במאזנים ישׂאו יחד׃3 כי עתה מחול ימים יכבד על כן דברי לעו׃4 כי חצי שׁדי עמדי אשׁר חמתם שׁתה רוחי בעותי אלוה יערכוני׃5 הינהק פרא עלי דשׁא אם יגעה שׁור על בלילו׃6 היאכל תפל מבלי מלח אם ישׁ טעם בריר חלמות׃7 מאנה לנגוע נפשׁי המה כדוי לחמי׃8 מי יתן תבוא שׁאלתי ותקותי יתן אלוה׃9 ויאל אלוה וידכאני יתר ידו ויבצעני׃10 ותהי עוד נחמתי ואסלדה בחילה לא יחמול כי לא כחדתי אמרי קדושׁ׃11 מה כחי כי איחל ומה קצי כי אאריך נפשׁי׃12 אם כח אבנים כחי אם בשׂרי נחושׁ׃13 האם אין עזרתי בי ותשׁיה נדחה ממני׃14 למס מרעהו חסד ויראת שׁדי יעזוב׃15 אחי בגדו כמו נחל כאפיק נחלים יעברו׃16 הקדרים מני קרח עלימו יתעלם שׁלג׃17 בעת יזרבו נצמתו בחמו נדעכו ממקומם׃18 ילפתו ארחות דרכם יעלו בתהו ויאבדו׃19 הביטו ארחות תמא הליכת שׁבא קוו׃20 בשׁו כי בטח באו עדיה ויחפרו׃21 כי עתה הייתם לא תראו חתת ותיראו׃22 הכי אמרתי הבו לי ומכחכם שׁחדו בעדי׃23 ומלטוני מיד צר ומיד עריצים תפדוני׃24 הורוני ואני אחרישׁ ומה שׁגיתי הבינו׃25 מה נמרצו אמרי ישׁר ומה יוכיח הוכח מכם׃26 הלהוכח מלים תחשׁבו ולרוח אמרי נאשׁ׃27 אף על יתום תפילו ותכרו על ריעכם׃28 ועתה הואילו פנו בי ועל פניכם אם אכזב׃29 שׁבו נא אל תהי עולה ושׁבי עוד צדקי׃30 הישׁ בלשׁוני עולה אם חכי לא יבין הוות׃
Job 6 Cross References - HOT
Job 4:1
1 ויען אליפז התימני ויאמר׃
Job 4:5
5 כי עתה תבוא אליך ותלא תגע עדיך ותבהל׃
Job 23:2
2 גם היום מרי שׂחי ידי כבדה על אנחתי׃
Job 31:6
6 ישׁקלני במאזני צדק וידע אלוה תמתי׃
Job 37:19-20
Psalms 40:5
5 (40:6) רבות עשׂית אתה יהוה אלהי נפלאתיך ומחשׁבתיך אלינו אין ערך אליך אגידה ואדברה עצמו מספר׃
Psalms 77:4
4 (77:5) אחזת שׁמרות עיני נפעמתי ולא אדבר׃
Proverbs 27:3
3 כבד אבן ונטל החול וכעס אויל כבד משׁניהם׃
Deuteronomy 32:23-24
Deuteronomy 32:42
42 אשׁכיר חצי מדם וחרבי תאכל בשׂר מדם חלל ושׁביה מראשׁ פרעות אויב׃
Job 9:17
17 אשׁר בשׂערה ישׁופני והרבה פצעי חנם׃
Job 16:12-14
Job 21:20
20 יראו עינו כידו ומחמת שׁדי ישׁתה׃
Job 30:15
15 ההפך עלי בלהות תרדף כרוח נדבתי וכעב עברה ישׁעתי׃
Job 31:23
23 כי פחד אלי איד אל ומשׂאתו לא אוכל׃
Psalms 7:13
13 (7:14) ולו הכין כלי מות חציו לדלקים יפעל׃
Psalms 18:14
14 (18:15) וישׁלח חציו ויפיצם וברקים רב ויהמם׃
Psalms 21:12
12 (21:13) כי תשׁיתמו שׁכם במיתריך תכונן על פניהם׃
Psalms 38:2
2 (38:3) כי חציך נחתו בי ותנחת עלי ידך׃
Psalms 45:5
5 (45:6) חציך שׁנונים עמים תחתיך יפלו בלב אויבי המלך׃
Psalms 88:15-16
Psalms 143:7
7 מהר ענני יהוה כלתה רוחי אל תסתר פניך ממני ונמשׁלתי עם ירדי בור׃
Proverbs 18:14
14 רוח אישׁ יכלכל מחלהו ורוח נכאה מי ישׂאנה׃
Lamentations 3:12-13
Psalms 42:1
1 למנצח משׂכיל לבני קרח׃ (42:2) כאיל תערג על אפיקי מים כן נפשׁי תערג אליך אלהים׃
Psalms 104:14
14 מצמיח חציר לבהמה ועשׂב לעבדת האדם להוציא לחם מן הארץ׃
Jeremiah 14:6
6 ופראים עמדו על שׁפים שׁאפו רוח כתנים כלו עיניהם כי אין עשׂב׃
Joel 1:18-20
Leviticus 2:13
13 וכל קרבן מנחתך במלח תמלח ולא תשׁבית מלח ברית אלהיך מעל מנחתך על כל קרבנך תקריב מלח׃
Job 6:25
25 מה נמרצו אמרי ישׁר ומה יוכיח הוכח מכם׃
Job 6:30
30 הישׁ בלשׁוני עולה אם חכי לא יבין הוות׃
Job 12:11
11 הלא אזן מלין תבחן וחך אכל יטעם׃
Job 16:2
2 שׁמעתי כאלה רבות מנחמי עמל כלכם׃
Job 34:3
3 כי אזן מלין תבחן וחך יטעם לאכל׃
Psalms 119:103
103 מה נמלצו לחכי אמרתך מדבשׁ לפי׃
1 Kings 17:12
12 ותאמר חי יהוה אלהיך אם ישׁ לי מעוג כי אם מלא כף קמח בכד ומעט שׁמן בצפחת והנני מקשׁשׁת שׁנים עצים ובאתי ועשׂיתיהו לי ולבני ואכלנהו ומתנו׃
1 Kings 22:27
27 ואמרת כה אמר המלך שׂימו את זה בית הכלא והאכילהו לחם לחץ ומים לחץ עד באי בשׁלום׃
Job 3:24
24 כי לפני לחמי אנחתי תבא ויתכו כמים שׁאגתי׃
Psalms 102:9
9 (102:10) כי אפר כלחם אכלתי ושׁקוי בבכי מסכתי׃
Ezekiel 4:14
14 ואמר אהה אדני יהוה הנה נפשׁי לא מטמאה ונבלה וטרפה לא אכלתי מנעורי ועד עתה ולא בא בפי בשׂר פגול׃
Ezekiel 4:16
16 ויאמר אלי בן אדם הנני שׁבר מטה לחם בירושׁלם ואכלו לחם במשׁקל ובדאגה ומים במשׂורה ובשׁממון ישׁתו׃
Ezekiel 12:18-19
Daniel 10:3
3 לחם חמדות לא אכלתי ובשׂר ויין לא בא אל פי וסוך לא סכתי עד מלאת שׁלשׁת שׁבעים ימים׃
Job 6:11-13
Job 17:14-16
Psalms 119:81
81 כלתה לתשׁועתך נפשׁי לדברך יחלתי׃
Numbers 11:14-15
1 Kings 19:4
4 והוא הלך במדבר דרך יום ויבא וישׁב תחת רתם אחת וישׁאל את נפשׁו למות ויאמר רב עתה יהוה קח נפשׁי כי לא טוב אנכי מאבתי׃
Job 3:20-22
Job 7:15-16
Job 14:13
13 מי יתן בשׁאול תצפנני תסתירני עד שׁוב אפך תשׁית לי חק ותזכרני׃
Job 19:21
21 חנני חנני אתם רעי כי יד אלוה נגעה׃
Psalms 32:4
4 כי יומם ולילה תכבד עלי ידך נהפך לשׁדי בחרבני קיץ סלה׃
Isaiah 48:10-13
Jonah 4:3
3 ועתה יהוה קח נא את נפשׁי ממני כי טוב מותי מחיי׃
Jonah 4:8
8 ויהי כזרח השׁמשׁ וימן אלהים רוח קדים חרישׁית ותך השׁמשׁ על ראשׁ יונה ויתעלף וישׁאל את נפשׁו למות ויאמר טוב מותי מחיי׃
Leviticus 19:2
2 דבר אל כל עדת בני ישׂראל ואמרת אלהם קדשׁים תהיו כי קדושׁ אני יהוה אלהיכם׃
Deuteronomy 29:20
20 (29:19) לא יאבה יהוה סלח לו כי אז יעשׁן אף יהוה וקנאתו באישׁ ההוא ורבצה בו כל האלה הכתובה בספר הזה ומחה יהוה את שׁמו מתחת השׁמים׃
1 Samuel 2:2
2 אין קדושׁ כיהוה כי אין בלתך ואין צור כאלהינו׃
Job 3:22
22 השׂמחים אלי גיל ישׂישׂו כי ימצאו קבר׃
Job 9:4
4 חכם לבב ואמיץ כח מי הקשׁה אליו וישׁלם׃
Job 21:33
33 מתקו לו רגבי נחל ואחריו כל אדם ימשׁוך ולפניו אין מספר׃
Job 22:22
22 קח נא מפיו תורה ושׂים אמריו בלבבך׃
Job 23:12
12 מצות שׂפתיו ולא אמישׁ מחקי צפנתי אמרי פיו׃
Psalms 37:30
30 פי צדיק יהגה חכמה ולשׁונו תדבר משׁפט׃
Psalms 40:9-10
Psalms 71:17-18
Psalms 119:13
13 בשׂפתי ספרתי כל משׁפטי פיך׃
Isaiah 30:11-12
Isaiah 57:15
15 כי כה אמר רם ונשׂא שׁכן עד וקדושׁ שׁמו מרום וקדושׁ אשׁכון ואת דכא ושׁפל רוח להחיות רוח שׁפלים ולהחיות לב נדכאים׃
Hosea 11:9
9 לא אעשׂה חרון אפי לא אשׁוב לשׁחת אפרים כי אל אנכי ולא אישׁ בקרבך קדושׁ ולא אבוא בעיר׃
Habakkuk 1:12
12 הלוא אתה מקדם יהוה אלהי קדשׁי לא נמות יהוה למשׁפט שׂמתו וצור להוכיח יסדתו׃
Habakkuk 3:3
3 אלוה מתימן יבוא וקדושׁ מהר פארן סלה כסה שׁמים הודו ותהלתו מלאה הארץ׃
Job 7:5-7
Job 10:20
20 הלא מעט ימי יחדל ישׁית ממני ואבליגה מעט׃
Job 13:25
25 העלה נדף תערוץ ואת קשׁ יבשׁ תרדף׃
Job 13:28
28 והוא כרקב יבלה כבגד אכלו עשׁ׃
Job 17:1
1 רוחי חבלה ימי נזעכו קברים׃
Job 21:4
4 האנכי לאדם שׂיחי ואם מדוע לא תקצר רוחי׃
Psalms 39:5
5 (39:6) הנה טפחות נתתה ימי וחלדי כאין נגדך אך כל הבל כל אדם נצב סלה׃
Psalms 90:5-10
Psalms 102:23
23 (102:24) ענה בדרך כחו קצר ימי׃
Psalms 103:14-16
Job 40:18
18 עצמיו אפיקי נחושׁה גרמיו כמטיל ברזל׃
Job 41:24
24 (41:16) לבו יצוק כמו אבן ויצוק כפלח תחתית׃
Job 12:2-3
Job 13:2
2 כדעתכם ידעתי גם אני לא נפל אנכי מכם׃
Job 19:28
28 כי תאמרו מה נרדף לו ושׁרשׁ דבר נמצא׃
Job 26:2
2 מה עזרת ללא כח הושׁעת זרוע לא עז׃
Genesis 20:11
11 ויאמר אברהם כי אמרתי רק אין יראת אלהים במקום הזה והרגוני על דבר אשׁתי׃
Job 4:3-5
Job 15:4
4 אף אתה תפר יראה ותגרע שׂיחה לפני אל׃
Job 16:5
5 אאמצכם במו פי וניד שׂפתי יחשׂך׃
Psalms 36:1-3
Proverbs 17:17
17 בכל עת אהב הרע ואח לצרה יולד׃
Job 19:19
19 תעבוני כל מתי סודי וזה אהבתי נהפכו׃
Psalms 38:11
11 (38:12) אהבי ורעי מנגד נגעי יעמדו וקרובי מרחק עמדו׃
Psalms 41:9
9 (41:10) גם אישׁ שׁלומי אשׁר בטחתי בו אוכל לחמי הגדיל עלי עקב׃
Psalms 55:12-14
Psalms 88:18
18 (88:19) הרחקת ממני אהב ורע מידעי מחשׁך׃
Jeremiah 9:4-5
Jeremiah 15:18
18 למה היה כאבי נצח ומכתי אנושׁה מאנה הרפא היו תהיה לי כמו אכזב מים לא נאמנו׃
Jeremiah 30:14
14 כל מאהביך שׁכחוך אותך לא ידרשׁו כי מכת אויב הכיתיך מוסר אכזרי על רב עונך עצמו חטאתיך׃
Micah 7:5-6
1 Kings 17:1
1 ויאמר אליהו התשׁבי מתשׁבי גלעד אל אחאב חי יהוה אלהי ישׂראל אשׁר עמדתי לפניו אם יהיה השׁנים האלה טל ומטר כי אם לפי דברי׃
Job 24:19
19 ציה גם חם יגזלו מימי שׁלג שׁאול חטאו׃
Genesis 10:7
7 ובני כושׁ סבא וחוילה וסבתה ורעמה וסבתכא ובני רעמה שׁבא ודדן׃
Genesis 25:3
3 ויקשׁן ילד את שׁבא ואת דדן ובני דדן היו אשׁורם ולטושׁם ולאמים׃
Genesis 25:15
15 חדד ותימא יטור נפישׁ וקדמה׃
1 Kings 10:1
1 ומלכת שׁבא שׁמעת את שׁמע שׁלמה לשׁם יהוה ותבא לנסתו בחידות׃
Psalms 72:10
10 מלכי תרשׁישׁ ואיים מנחה ישׁיבו מלכי שׁבא וסבא אשׁכר יקריבו׃
Isaiah 21:14
14 לקראת צמא התיו מים ישׁבי ארץ תימא בלחמו קדמו נדד׃
Jeremiah 25:23
23 ואת דדן ואת תימא ואת בוז ואת כל קצוצי פאה׃
Ezekiel 27:22-23
Jeremiah 14:3-4
Jeremiah 17:13
13 מקוה ישׂראל יהוה כל עזביך יבשׁו יסורי בארץ יכתבו כי עזבו מקור מים חיים את יהוה׃
Job 2:11-13
11 וישׁמעו שׁלשׁת רעי איוב את כל הרעה הזאת הבאה עליו ויבאו אישׁ ממקמו אליפז התימני ובלדד השׁוחי וצופר הנעמתי ויועדו יחדו לבוא לנוד לו ולנחמו׃12 וישׂאו את עיניהם מרחוק ולא הכירהו וישׂאו קולם ויבכו ויקרעו אישׁ מעלו ויזרקו עפר על ראשׁיהם השׁמימה׃13 וישׁבו אתו לארץ שׁבעת ימים ושׁבעת לילות ואין דבר אליו דבר כי ראו כי גדל הכאב מאד׃
Job 6:15
15 אחי בגדו כמו נחל כאפיק נחלים יעברו׃
Job 13:4
4 ואולם אתם טפלי שׁקר רפאי אלל כלכם׃
Psalms 62:9
9 (62:10) אך הבל בני אדם כזב בני אישׁ במאזנים לעלות המה מהבל יחד׃
Proverbs 19:7
7 כל אחי רשׁ שׂנאהו אף כי מרעהו רחקו ממנו מרדף אמרים לא המה׃
Isaiah 2:22
22 חדלו לכם מן האדם אשׁר נשׁמה באפו כי במה נחשׁב הוא׃
Jeremiah 17:5-6
Jeremiah 51:9
9 רפאנו את בבל ולא נרפתה עזבוה ונלך אישׁ לארצו כי נגע אל השׁמים משׁפטה ונשׂא עד שׁחקים׃
1 Samuel 12:3
3 הנני ענו בי נגד יהוה ונגד משׁיחו את שׁור מי לקחתי וחמור מי לקחתי ואת מי עשׁקתי את מי רצותי ומיד מי לקחתי כפר ואעלים עיני בו ואשׁיב׃
Job 42:11
11 ויבאו אליו כל אחיו וכל אחיתיו וכל ידעיו לפנים ויאכלו עמו לחם בביתו וינדו לו וינחמו אתו על כל הרעה אשׁר הביא יהוה עליו ויתנו לו אישׁ קשׂיטה אחת ואישׁ נזם זהב אחד׃
Leviticus 25:48
48 אחרי נמכר גאלה תהיה לו אחד מאחיו יגאלנו׃
Nehemiah 5:8
8 ואמרה להם אנחנו קנינו את אחינו היהודים הנמכרים לגוים כדי בנו וגם אתם תמכרו את אחיכם ונמכרו לנו ויחרישׁו ולא מצאו דבר׃
Job 5:20
20 ברעב פדך ממות ובמלחמה מידי חרב׃
Psalms 49:7-8
Psalms 49:15
15 (49:16) אך אלהים יפדה נפשׁי מיד שׁאול כי יקחני סלה׃
Psalms 107:2
2 יאמרו גאולי יהוה אשׁר גאלם מיד צר׃
Jeremiah 15:21
21 והצלתיך מיד רעים ופדתיך מכף ערצים׃
Job 5:27
27 הנה זאת חקרנוה כן היא שׁמענה ואתה דע׃
Job 10:2
2 אמר אל אלוה אל תרשׁיעני הודיעני על מה תריבני׃
Job 32:11
11 הן הוחלתי לדבריכם אזין עד תבונתיכם עד תחקרון מלין׃
Job 32:15-16
Job 33:1
1 ואולם שׁמע נא איוב מלי וכל דברי האזינה׃
Job 33:31-33
Job 34:32
32 בלעדי אחזה אתה הרני אם עול פעלתי לא אסיף׃
Psalms 19:12
12 (19:13) שׁגיאות מי יבין מנסתרות נקני׃
Psalms 32:8
8 אשׂכילך ואורך בדרך זו תלך איעצה עליך עיני׃
Psalms 39:1-2
Proverbs 9:9
9 תן לחכם ויחכם עוד הודע לצדיק ויוסף לקח׃
Proverbs 25:12
12 נזם זהב וחלי כתם מוכיח חכם על אזן שׁמעת׃
Job 4:4
4 כושׁל יקימון מליך וברכים כרעות תאמץ׃
Job 13:5
5 מי יתן החרשׁ תחרישׁון ותהי לכם לחכמה׃
Job 16:3-5
Job 21:34
34 ואיך תנחמוני הבל ותשׁובתיכם נשׁאר מעל׃
Job 24:25
25 ואם לא אפו מי יכזיבני וישׂם לאל מלתי׃
Job 32:3
3 ובשׁלשׁת רעיו חרה אפו על אשׁר לא מצאו מענה וירשׁיעו את איוב׃
Proverbs 12:18
18 ישׁ בוטה כמדקרות חרב ולשׁון חכמים מרפא׃
Proverbs 16:21-24
Proverbs 18:21
21 מות וחיים ביד לשׁון ואהביה יאכל פריה׃
Proverbs 25:11
11 תפוחי זהב במשׂכיות כסף דבר דבר על אפניו׃
Ecclesiastes 12:10-11
Job 2:10
10 ויאמר אליה כדבר אחת הנבלות תדברי גם את הטוב נקבל מאת האלהים ואת הרע לא נקבל בכל זאת לא חטא איוב בשׂפתיו׃
Job 3:3-26
3 יאבד יום אולד בו והלילה אמר הרה גבר׃4 היום ההוא יהי חשׁך אל ידרשׁהו אלוה ממעל ואל תופע עליו נהרה׃5 יגאלהו חשׁך וצלמות תשׁכן עליו עננה יבעתהו כמרירי יום׃6 הלילה ההוא יקחהו אפל אל יחד בימי שׁנה במספר ירחים אל יבא׃7 הנה הלילה ההוא יהי גלמוד אל תבא רננה׃8 יקבהו אררי יום העתידים ערר לויתן׃9 יחשׁכו כוכבי נשׁפו יקו לאור ואין ואל יראה בעפעפי שׁחר׃10 כי לא סגר דלתי בטני ויסתר עמל מעיני׃11 למה לא מרחם אמות מבטן יצאתי ואגוע׃12 מדוע קדמוני ברכים ומה שׁדים כי אינק׃13 כי עתה שׁכבתי ואשׁקוט ישׁנתי אז ינוח׃14 עם מלכים ויעצי ארץ הבנים חרבות׃15 או עם שׂרים זהב להם הממלאים בתיהם כסף׃16 או כנפל טמון לא אהיה כעללים לא ראו אור׃17 שׁם רשׁעים חדלו רגז ושׁם ינוחו יגיעי כח׃18 יחד אסירים שׁאננו לא שׁמעו קול נגשׂ׃19 קטן וגדול שׁם הוא ועבד חפשׁי מאדניו׃20 למה יתן לעמל אור וחיים למרי נפשׁ׃21 המחכים למות ואיננו ויחפרהו ממטמונים׃22 השׂמחים אלי גיל ישׂישׂו כי ימצאו קבר׃23 לגבר אשׁר דרכו נסתרה ויסך אלוה בעדו׃24 כי לפני לחמי אנחתי תבא ויתכו כמים שׁאגתי׃25 כי פחד פחדתי ויאתיני ואשׁר יגרתי יבא׃26 לא שׁלותי ולא שׁקטתי ולא נחתי ויבא רגז׃
Job 4:3-4
Job 6:4
4 כי חצי שׁדי עמדי אשׁר חמתם שׁתה רוחי בעותי אלוה יערכוני׃
Job 6:9
9 ויאל אלוה וידכאני יתר ידו ויבצעני׃
Job 8:2
2 עד אן תמלל אלה ורוח כביר אמרי פיך׃
Job 10:1
1 נקטה נפשׁי בחיי אעזבה עלי שׂיחי אדברה במר נפשׁי׃
Job 34:3-9
Job 38:2
2 מי זה מחשׁיך עצה במלין בלי דעת׃
Job 40:5
5 אחת דברתי ולא אענה ושׁתים ולא אוסיף׃
Job 40:8
8 האף תפר משׁפטי תרשׁיעני למען תצדק׃
Job 42:3
3 מי זה מעלים עצה בלי דעת לכן הגדתי ולא אבין נפלאות ממני ולא אדע׃
Job 42:7
7 ויהי אחר דבר יהוה את הדברים האלה אל איוב ויאמר יהוה אל אליפז התימני חרה אפי בך ובשׁני רעיך כי לא דברתם אלי נכונה כעבדי איוב׃
Hosea 12:1
1 (12:2) אפרים רעה רוח ורדף קדים כל היום כזב ושׁד ירבה וברית עם אשׁור יכרתו ושׁמן למצרים יובל׃
Exodus 22:22-24
Job 22:9
9 אלמנות שׁלחת ריקם וזרעות יתמים ידכא׃
Job 24:3
3 חמור יתומים ינהגו יחבלו שׁור אלמנה׃
Job 24:9
9 יגזלו משׁד יתום ועל עני יחבלו׃
Job 29:12
12 כי אמלט עני משׁוע ויתום ולא עזר׃
Job 31:17
17 ואכל פתי לבדי ולא אכל יתום ממנה׃
Job 31:21
21 אם הניפותי על יתום ידי כי אראה בשׁער עזרתי׃
Psalms 7:15
15 (7:16) בור כרה ויחפרהו ויפל בשׁחת יפעל׃
Psalms 57:6
6 (57:7) רשׁת הכינו לפעמי כפף נפשׁי כרו לפני שׁיחה נפלו בתוכה סלה׃
Psalms 82:3
3 שׁפטו דל ויתום עני ורשׁ הצדיקו׃
Proverbs 23:10-11
Jeremiah 18:20
20 הישׁלם תחת טובה רעה כי כרו שׁוחה לנפשׁי זכר עמדי לפניך לדבר עליהם טובה להשׁיב את חמתך מהם׃
Jeremiah 18:22
22 תשׁמע זעקה מבתיהם כי תביא עליהם גדוד פתאם כי כרו שׁיחה ללכדני ופחים טמנו לרגלי׃
Ezekiel 22:7
7 אב ואם הקלו בך לגר עשׂו בעשׁק בתוכך יתום ואלמנה הונו׃
Joel 3:3
3 (4:3) ואל עמי ידו גורל ויתנו הילד בזונה והילדה מכרו ביין וישׁתו׃
Nahum 3:10
10 גם היא לגלה הלכה בשׁבי גם עלליה ירטשׁו בראשׁ כל חוצות ועל נכבדיה ידו גורל וכל גדוליה רתקו בזקים׃
Malachi 3:5
5 וקרבתי אליכם למשׁפט והייתי עד ממהר במכשׁפים ובמנאפים ובנשׁבעים לשׁקר ובעשׁקי שׂכר שׂכיר אלמנה ויתום ומטי גר ולא יראוני אמר יהוה צבאות׃
Job 11:3
3 בדיך מתים יחרישׁו ותלעג ואין מכלם׃
Job 27:4
4 אם תדברנה שׂפתי עולה ולשׁוני אם יהגה רמיה׃
Job 33:3
3 ישׁר לבי אמרי ודעת שׂפתי ברור מללו׃
Job 36:4
4 כי אמנם לא שׁקר מלי תמים דעות עמך׃
Job 17:10
10 ואולם כלם תשׁבו ובאו נא ולא אמצא בכם חכם׃
Job 23:10
10 כי ידע דרך עמדי בחנני כזהב אצא׃
Job 27:4-6
Job 34:5
5 כי אמר איוב צדקתי ואל הסיר משׁפטי׃
Job 42:6
6 על כן אמאס ונחמתי על עפר ואפר׃
Malachi 3:18
18 ושׁבתם וראיתם בין צדיק לרשׁע בין עבד אלהים לאשׁר לא עבדו׃
Job 6:6
6 היאכל תפל מבלי מלח אם ישׁ טעם בריר חלמות׃