1 ויען אליהוא ויאמר׃2 שׁמעו חכמים מלי וידעים האזינו׃3 כי אזן מלין תבחן וחך יטעם לאכל׃4 משׁפט נבחרה לנו נדעה בינינו מה טוב׃5 כי אמר איוב צדקתי ואל הסיר משׁפטי׃6 על משׁפטי אכזב אנושׁ חצי בלי פשׁע׃7 מי גבר כאיוב ישׁתה לעג כמים׃8 וארח לחברה עם פעלי און וללכת עם אנשׁי רשׁע׃9 כי אמר לא יסכן גבר ברצתו עם אלהים׃10 לכן אנשׁי לבב שׁמעו לי חללה לאל מרשׁע ושׁדי מעול׃11 כי פעל אדם ישׁלם לו וכארח אישׁ ימצאנו׃12 אף אמנם אל לא ירשׁיע ושׁדי לא יעות משׁפט׃13 מי פקד עליו ארצה ומי שׂם תבל כלה׃14 אם ישׂים אליו לבו רוחו ונשׁמתו אליו יאסף׃15 יגוע כל בשׂר יחד ואדם על עפר ישׁוב׃16 ואם בינה שׁמעה זאת האזינה לקול מלי׃17 האף שׂונא משׁפט יחבושׁ ואם צדיק כביר תרשׁיע׃18 האמר למלך בליעל רשׁע אל נדיבים׃19 אשׁר לא נשׂא פני שׂרים ולא נכר שׁוע לפני דל כי מעשׂה ידיו כלם׃20 רגע ימתו וחצות לילה יגעשׁו עם ויעברו ויסירו אביר לא ביד׃21 כי עיניו על דרכי אישׁ וכל צעדיו יראה׃22 אין חשׁך ואין צלמות להסתר שׁם פעלי און׃23 כי לא על אישׁ ישׂים עוד להלך אל אל במשׁפט׃24 ירע כבירים לא חקר ויעמד אחרים תחתם׃25 לכן יכיר מעבדיהם והפך לילה וידכאו׃26 תחת רשׁעים ספקם במקום ראים׃27 אשׁר על כן סרו מאחריו וכל דרכיו לא השׂכילו׃28 להביא עליו צעקת דל וצעקת עניים ישׁמע׃29 והוא ישׁקט ומי ירשׁע ויסתר פנים ומי ישׁורנו ועל גוי ועל אדם יחד׃30 ממלך אדם חנף ממקשׁי עם׃31 כי אל אל האמר נשׂאתי לא אחבל׃32 בלעדי אחזה אתה הרני אם עול פעלתי לא אסיף׃33 המעמך ישׁלמנה כי מאסת כי אתה תבחר ולא אני ומה ידעת דבר׃34 אנשׁי לבב יאמרו לי וגבר חכם שׁמע׃35 איוב לא בדעת ידבר ודבריו לא בהשׂכיל׃36 אבי יבחן איוב עד נצח על תשׁבת באנשׁי און׃37 כי יסיף על חטאתו פשׁע בינינו יספוק וירב אמריו לאל׃
Job 34 Cross References - HOT
Proverbs 1:5
5 ישׁמע חכם ויוסף לקח ונבון תחבלות יקנה׃
Job 6:30
30 הישׁ בלשׁוני עולה אם חכי לא יבין הוות׃
Job 12:11
11 הלא אזן מלין תבחן וחך אכל יטעם׃
Job 31:30
30 ולא נתתי לחטא חכי לשׁאל באלה נפשׁו׃
Job 33:2
2 הנה נא פתחתי פי דברה לשׁוני בחכי׃
Judges 19:30
30 והיה כל הראה ואמר לא נהיתה ולא נראתה כזאת למיום עלות בני ישׂראל מארץ מצרים עד היום הזה שׂימו לכם עליה עצו ודברו׃
Judges 20:7
7 הנה כלכם בני ישׂראל הבו לכם דבר ועצה הלם׃
Job 34:36
36 אבי יבחן איוב עד נצח על תשׁבת באנשׁי און׃
Isaiah 11:2-5
Job 9:17
17 אשׁר בשׂערה ישׁופני והרבה פצעי חנם׃
Job 10:7
7 על דעתך כי לא ארשׁע ואין מידך מציל׃
Job 11:4
4 ותאמר זך לקחי ובר הייתי בעיניך׃
Job 16:17
17 על לא חמס בכפי ותפלתי זכה׃
Job 27:2
2 חי אל הסיר משׁפטי ושׁדי המר נפשׁי׃
Job 29:14
14 צדק לבשׁתי וילבשׁני כמעיל וצניף משׁפטי׃
Job 32:1
1 וישׁבתו שׁלשׁת האנשׁים האלה מענות את איוב כי הוא צדיק בעיניו׃
Job 33:9
9 זך אני בלי פשׁע חף אנכי ולא עון׃
Job 6:4
4 כי חצי שׁדי עמדי אשׁר חמתם שׁתה רוחי בעותי אלוה יערכוני׃
Job 16:13
13 יסבו עלי רביו יפלח כליותי ולא יחמול ישׁפך לארץ מררתי׃
Job 27:4-6
Deuteronomy 29:19
19 (29:18) והיה בשׁמעו את דברי האלה הזאת והתברך בלבבו לאמר שׁלום יהיה לי כי בשׁררות לבי אלך למען ספות הרוה את הצמאה׃
Job 15:16
16 אף כי נתעב ונאלח אישׁ שׁתה כמים עולה׃
Proverbs 1:22
22 עד מתי פתים תאהבו פתי ולצים לצון חמדו להם וכסילים ישׂנאו דעת׃
Proverbs 4:17
17 כי לחמו לחם רשׁע ויין חמסים ישׁתו׃
Job 2:10
10 ויאמר אליה כדבר אחת הנבלות תדברי גם את הטוב נקבל מאת האלהים ואת הרע לא נקבל בכל זאת לא חטא איוב בשׂפתיו׃
Job 11:3
3 בדיך מתים יחרישׁו ותלעג ואין מכלם׃
Job 15:5
5 כי יאלף עונך פיך ותבחר לשׁון ערומים׃
Job 22:15
15 הארח עולם תשׁמר אשׁר דרכו מתי און׃
Psalms 1:1
1 אשׁרי האישׁ אשׁר לא הלך בעצת רשׁעים ובדרך חטאים לא עמד ובמושׁב לצים לא ישׁב׃
Psalms 26:4
4 לא ישׁבתי עם מתי שׁוא ועם נעלמים לא אבוא׃
Psalms 50:18
18 אם ראית גנב ותרץ עמו ועם מנאפים חלקך׃
Psalms 73:12-15
Proverbs 1:15
15 בני אל תלך בדרך אתם מנע רגלך מנתיבתם׃
Proverbs 2:12
12 להצילך מדרך רע מאישׁ מדבר תהפכות׃
Proverbs 4:14
14 בארח רשׁעים אל תבא ואל תאשׁר בדרך רעים׃
Proverbs 13:20
20 הלוך את חכמים וחכם ורעה כסילים ירוע׃
Job 9:22-23
Job 9:30-31
Job 21:14-16
Job 21:30
30 כי ליום איד יחשׂך רע ליום עברות יובלו׃
Job 22:17
17 האמרים לאל סור ממנו ומה יפעל שׁדי׃
Job 27:10
10 אם על שׁדי יתענג יקרא אלוה בכל עת׃
Job 35:3
3 כי תאמר מה יסכן לך מה אעיל מחטאתי׃
Psalms 37:4
4 והתענג על יהוה ויתן לך משׁאלת לבך׃
Malachi 3:14
14 אמרתם שׁוא עבד אלהים ומה בצע כי שׁמרנו משׁמרתו וכי הלכנו קדרנית מפני יהוה צבאות׃
Genesis 18:25
25 חללה לך מעשׂת כדבר הזה להמית צדיק עם רשׁע והיה כצדיק כרשׁע חללה לך השׁפט כל הארץ לא יעשׂה משׁפט׃
Deuteronomy 32:4
4 הצור תמים פעלו כי כל דרכיו משׁפט אל אמונה ואין עול צדיק וישׁר הוא׃
2 Chronicles 19:7
7 ועתה יהי פחד יהוה עליכם שׁמרו ועשׂו כי אין עם יהוה אלהינו עולה ומשׂא פנים ומקח שׁחד׃
Job 8:3
3 האל יעות משׁפט ואם שׁדי יעות צדק׃
Job 34:2-3
Job 34:34
34 אנשׁי לבב יאמרו לי וגבר חכם שׁמע׃
Job 36:23
23 מי פקד עליו דרכו ומי אמר פעלת עולה׃
Job 37:23
23 שׁדי לא מצאנהו שׂגיא כח ומשׁפט ורב צדקה לא יענה׃
Psalms 92:15
15 (92:16) להגיד כי ישׁר יהוה צורי ולא עלתה׃
Proverbs 6:32
32 נאף אשׁה חסר לב משׁחית נפשׁו הוא יעשׂנה׃
Proverbs 15:32
32 פורע מוסר מואס נפשׁו ושׁומע תוכחת קונה לב׃
Jeremiah 12:1
1 צדיק אתה יהוה כי אריב אליך אך משׁפטים אדבר אותך מדוע דרך רשׁעים צלחה שׁלו כל בגדי בגד׃
Job 33:26
26 יעתר אל אלוה וירצהו וירא פניו בתרועה וישׁב לאנושׁ צדקתו׃
Psalms 62:12
12 (62:13) ולך אדני חסד כי אתה תשׁלם לאישׁ כמעשׂהו׃
Proverbs 1:31
31 ויאכלו מפרי דרכם וממעצתיהם ישׂבעו׃
Proverbs 24:12
12 כי תאמר הן לא ידענו זה הלא תכן לבות הוא יבין ונצר נפשׁך הוא ידע והשׁיב לאדם כפעלו׃
Jeremiah 32:19
19 גדל העצה ורב העליליה אשׁר עיניך פקחות על כל דרכי בני אדם לתת לאישׁ כדרכיו וכפרי מעלליו׃
Ezekiel 33:17-20
Psalms 11:7
7 כי צדיק יהוה צדקות אהב ישׁר יחזו פנימו׃
Psalms 145:17
17 צדיק יהוה בכל דרכיו וחסיד בכל מעשׂיו׃
Habakkuk 1:12-13
1 Chronicles 29:11
11 לך יהוה הגדלה והגבורה והתפארת והנצח וההוד כי כל בשׁמים ובארץ לך יהוה הממלכה והמתנשׂא לכל לראשׁ׃
Job 38:4-41
4 איפה היית ביסדי ארץ הגד אם ידעת בינה׃5 מי שׂם ממדיה כי תדע או מי נטה עליה קו׃6 על מה אדניה הטבעו או מי ירה אבן פנתה׃7 ברן יחד כוכבי בקר ויריעו כל בני אלהים׃8 ויסך בדלתים ים בגיחו מרחם יצא׃9 בשׂומי ענן לבשׁו וערפל חתלתו׃10 ואשׁבר עליו חקי ואשׂים בריח ודלתים׃11 ואמר עד פה תבוא ולא תסיף ופא ישׁית בגאון גליך׃12 המימיך צוית בקר ידעתה שׁחר מקמו׃13 לאחז בכנפות הארץ וינערו רשׁעים ממנה׃14 תתהפך כחמר חותם ויתיצבו כמו לבושׁ׃15 וימנע מרשׁעים אורם וזרוע רמה תשׁבר׃16 הבאת עד נבכי ים ובחקר תהום התהלכת׃17 הנגלו לך שׁערי מות ושׁערי צלמות תראה׃18 התבננת עד רחבי ארץ הגד אם ידעת כלה׃19 אי זה הדרך ישׁכן אור וחשׁך אי זה מקמו׃20 כי תקחנו אל גבולו וכי תבין נתיבות ביתו׃21 ידעת כי אז תולד ומספר ימיך רבים׃22 הבאת אל אצרות שׁלג ואצרות ברד תראה׃23 אשׁר חשׂכתי לעת צר ליום קרב ומלחמה׃24 אי זה הדרך יחלק אור יפץ קדים עלי ארץ׃25 מי פלג לשׁטף תעלה ודרך לחזיז קלות׃26 להמטיר על ארץ לא אישׁ מדבר לא אדם׃27 להשׂביע שׁאה ומשׁאה ולהצמיח מצא דשׁא׃28 הישׁ למטר אב או מי הוליד אגלי טל׃29 מבטן מי יצא הקרח וכפר שׁמים מי ילדו׃30 כאבן מים יתחבאו ופני תהום יתלכדו׃31 התקשׁר מעדנות כימה או משׁכות כסיל תפתח׃32 התציא מזרות בעתו ועישׁ על בניה תנחם׃33 הידעת חקות שׁמים אם תשׂים משׁטרו בארץ׃34 התרים לעב קולך ושׁפעת מים תכסך׃35 התשׁלח ברקים וילכו ויאמרו לך הננו׃36 מי שׁת בטחות חכמה או מי נתן לשׂכוי בינה׃37 מי יספר שׁחקים בחכמה ונבלי שׁמים מי ישׁכיב׃38 בצקת עפר למוצק ורגבים ידבקו׃39 התצוד ללביא טרף וחית כפירים תמלא׃40 כי ישׁחו במעונות ישׁבו בסכה למו ארב׃41 מי יכין לערב צידו כי ילדו אל אל ישׁועו יתעו לבלי אכל׃
Job 40:8-11
Proverbs 8:23-30
23 מעולם נסכתי מראשׁ מקדמי ארץ׃24 באין תהמות חוללתי באין מעינות נכבדי מים׃25 בטרם הרים הטבעו לפני גבעות חוללתי׃26 עד לא עשׂה ארץ וחוצות וראשׁ עפרות תבל׃27 בהכינו שׁמים שׁם אני בחוקו חוג על פני תהום׃28 באמצו שׁחקים ממעל בעזוז עינות תהום׃29 בשׂומו לים חקו ומים לא יעברו פיו בחוקו מוסדי ארץ׃30 ואהיה אצלו אמון ואהיה שׁעשׁעים יום יום משׂחקת לפניו בכל עת׃
Isaiah 40:13-14
Daniel 4:35
35 (4:32) וכל דארי ארעא כלה חשׁיבין וכמצביה עבד בחיל שׁמיא ודארי ארעא ולא איתי די ימחא בידה ויאמר לה מה עבדת׃
Job 7:17
17 מה אנושׁ כי תגדלנו וכי תשׁית אליו לבך׃
Job 9:4
4 חכם לבב ואמיץ כח מי הקשׁה אליו וישׁלם׃
Psalms 104:29
29 תסתיר פניך יבהלון תסף רוחם יגועון ואל עפרם ישׁובון׃
Isaiah 24:22
22 ואספו אספה אסיר על בור וסגרו על מסגר ומרב ימים יפקדו׃
Genesis 3:19
19 בזעת אפיך תאכל לחם עד שׁובך אל האדמה כי ממנה לקחת כי עפר אתה ואל עפר תשׁוב׃
Job 9:22
22 אחת היא על כן אמרתי תם ורשׁע הוא מכלה׃
Job 10:9
9 זכר נא כי כחמר עשׂיתני ואל עפר תשׁיבני׃
Job 30:23
23 כי ידעתי מות תשׁיבני ובית מועד לכל חי׃
Psalms 90:3-10
3 תשׁב אנושׁ עד דכא ותאמר שׁובו בני אדם׃4 כי אלף שׁנים בעיניך כיום אתמול כי יעבר ואשׁמורה בלילה׃5 זרמתם שׁנה יהיו בבקר כחציר יחלף׃6 בבקר יציץ וחלף לערב ימולל ויבשׁ׃7 כי כלינו באפך ובחמתך נבהלנו׃8 שׁת עונתינו לנגדך עלמנו למאור פניך׃9 כי כל ימינו פנו בעברתך כלינו שׁנינו כמו הגה׃10 ימי שׁנותינו בהם שׁבעים שׁנה ואם בגבורת שׁמונים שׁנה ורהבם עמל ואון כי גז חישׁ ונעפה׃
Ecclesiastes 12:7
7 וישׁב העפר על הארץ כשׁהיה והרוח תשׁוב אל האלהים אשׁר נתנה׃
Isaiah 27:4
4 חמה אין לי מי יתנני שׁמיר שׁית במלחמה אפשׂעה בה אציתנה יחד׃
Isaiah 57:16
16 כי לא לעולם אריב ולא לנצח אקצוף כי רוח מלפני יעטוף ונשׁמות אני עשׂיתי׃
Job 12:3
3 גם לי לבב כמוכם לא נפל אנכי מכם ואת מי אין כמו אלה׃
Job 13:2-6
2 Samuel 19:21
21 (19:22) ויען אבישׁי בן צרויה ויאמר התחת זאת לא יומת שׁמעי כי קלל את משׁיח יהוה׃
2 Samuel 23:3
3 אמר אלהי ישׂראל לי דבר צור ישׂראל מושׁל באדם צדיק מושׁל יראת אלהים׃
Job 1:22
22 בכל זאת לא חטא איוב ולא נתן תפלה לאלהים׃
Job 40:8
8 האף תפר משׁפטי תרשׁיעני למען תצדק׃
Exodus 22:28
28 (22:27) אלהים לא תקלל ונשׂיא בעמך לא תאר׃
Proverbs 17:26
26 גם ענושׁ לצדיק לא טוב להכות נדיבים על ישׁר׃
Leviticus 19:15
15 לא תעשׂו עול במשׁפט לא תשׂא פני דל ולא תהדר פני גדול בצדק תשׁפט עמיתך׃
Deuteronomy 10:17
17 כי יהוה אלהיכם הוא אלהי האלהים ואדני האדנים האל הגדל הגבר והנורא אשׁר לא ישׂא פנים ולא יקח שׁחד׃
Job 10:3
3 הטוב לך כי תעשׁק כי תמאס יגיע כפיך ועל עצת רשׁעים הופעת׃
Job 12:19
19 מוליך כהנים שׁולל ואתנים יסלף׃
Job 12:21
21 שׁופך בוז על נדיבים ומזיח אפיקים רפה׃
Job 13:8
8 הפניו תשׂאון אם לאל תריבון׃
Job 31:15
15 הלא בבטן עשׂני עשׂהו ויכננו ברחם אחד׃
Job 36:19
19 היערך שׁועך לא בצר וכל מאמצי כח׃
Psalms 2:2-4
Psalms 49:6-7
Proverbs 14:31
31 עשׁק דל חרף עשׂהו ומכבדו חנן אביון׃
Proverbs 22:2
2 עשׁיר ורשׁ נפגשׁו עשׂה כלם יהוה׃
Ecclesiastes 5:8
8 (5:7) אם עשׁק רשׁ וגזל משׁפט וצדק תראה במדינה אל תתמה על החפץ כי גבה מעל גבה שׁמר וגבהים עליהם׃
Isaiah 3:14
14 יהוה במשׁפט יבוא עם זקני עמו ושׂריו ואתם בערתם הכרם גזלת העני בבתיכם׃
Exodus 12:29-30
1 Samuel 25:37-39
1 Samuel 26:10
10 ויאמר דוד חי יהוה כי אם יהוה יגפנו או יומו יבוא ומת או במלחמה ירד ונספה׃
Job 36:20
20 אל תשׁאף הלילה לעלות עמים תחתם׃
Psalms 73:19
19 איך היו לשׁמה כרגע ספו תמו מן בלהות׃
Isaiah 10:16-19
Isaiah 30:13
13 לכן יהיה לכם העון הזה כפרץ נפל נבעה בחומה נשׂגבה אשׁר פתאם לפתע יבוא שׁברה׃
Isaiah 30:30-33
Isaiah 37:36
36 ויצא מלאך יהוה ויכה במחנה אשׁור מאה ושׁמנים וחמשׁה אלף וישׁכימו בבקר והנה כלם פגרים מתים׃
Isaiah 37:38
38 ויהי הוא משׁתחוה בית נסרך אלהיו ואדרמלך ושׂראצר בניו הכהו בחרב והמה נמלטו ארץ אררט וימלך אסר חדן בנו תחתיו׃
Daniel 2:34
34 חזה הוית עד די התגזרת אבן די לא בידין ומחת לצלמא על רגלוהי די פרזלא וחספא והדקת המון׃
Daniel 2:44-45
Daniel 5:30
30 בה בליליא קטיל בלאשׁצר מלכא כשׂדיא׃
Zechariah 4:6
6 ויען ויאמר אלי לאמר זה דבר יהוה אל זרבבל לאמר לא בחיל ולא בכח כי אם ברוחי אמר יהוה צבאות׃
Genesis 16:13
13 ותקרא שׁם יהוה הדבר אליה אתה אל ראי כי אמרה הגם הלם ראיתי אחרי ראי׃
2 Chronicles 16:9
9 כי יהוה עיניו משׁטטות בכל הארץ להתחזק עם לבבם שׁלם אליו נסכלת על זאת כי מעתה ישׁ עמך מלחמות׃
Job 31:4
4 הלא הוא יראה דרכי וכל צעדי יספור׃
Psalms 34:15
15 (34:16) עיני יהוה אל צדיקים ואזניו אל שׁועתם׃
Psalms 139:23
23 חקרני אל ודע לבבי בחנני ודע שׂרעפי׃
Proverbs 5:21
21 כי נכח עיני יהוה דרכי אישׁ וכל מעגלתיו מפלס׃
Proverbs 15:3
3 בכל מקום עיני יהוה צפות רעים וטובים׃
Jeremiah 16:17
17 כי עיני על כל דרכיהם לא נסתרו מלפני ולא נצפן עונם מנגד עיני׃
Jeremiah 17:10
10 אני יהוה חקר לב בחן כליות ולתת לאישׁ כדרכו כפרי מעלליו׃
Amos 9:8
8 הנה עיני אדני יהוה בממלכה החטאה והשׁמדתי אתה מעל פני האדמה אפס כי לא השׁמיד אשׁמיד את בית יעקב נאם יהוה׃
Job 3:5
5 יגאלהו חשׁך וצלמות תשׁכן עליו עננה יבעתהו כמרירי יום׃
Job 24:17
17 כי יחדו בקר למו צלמות כי יכיר בלהות צלמות׃
Job 31:3
3 הלא איד לעול ונכר לפעלי און׃
Psalms 5:5
5 (5:6) לא יתיצבו הוללים לנגד עיניך שׂנאת כל פעלי און׃
Psalms 139:11-12
Proverbs 10:29
29 מעוז לתם דרך יהוה ומחתה לפעלי און׃
Isaiah 9:2
2 (9:1) העם ההלכים בחשׁך ראו אור גדול ישׁבי בארץ צלמות אור נגה עליהם׃
Isaiah 29:15
15 הוי המעמיקים מיהוה לסתר עצה והיה במחשׁך מעשׂיהם ויאמרו מי ראנו ומי יודענו׃
Jeremiah 23:24
24 אם יסתר אישׁ במסתרים ואני לא אראנו נאם יהוה הלוא את השׁמים ואת הארץ אני מלא נאם יהוה׃
Amos 9:2-3
Ezra 9:13
13 ואחרי כל הבא עלינו במעשׂינו הרעים ובאשׁמתנו הגדלה כי אתה אלהינו חשׂכת למטה מעוננו ונתתה לנו פליטה כזאת׃
Job 9:32-33
Job 11:6
6 ויגד לך תעלמות חכמה כי כפלים לתושׁיה ודע כי ישׁה לך אלוה מעונך׃
Job 11:11
11 כי הוא ידע מתי שׁוא וירא און ולא יתבונן׃
Job 16:21
21 ויוכח לגבר עם אלוה ובן אדם לרעהו׃
Job 23:7
7 שׁם ישׁר נוכח עמו ואפלטה לנצח משׁפטי׃
Job 34:10-12
Psalms 119:137
137 צדיק אתה יהוה וישׁר משׁפטיך׃
Isaiah 42:3
3 קנה רצוץ לא ישׁבור ופשׁתה כהה לא יכבנה לאמת יוציא משׁפט׃
Jeremiah 2:5
5 כה אמר יהוה מה מצאו אבותיכם בי עול כי רחקו מעלי וילכו אחרי ההבל ויהבלו׃
Daniel 9:7-9
1 Samuel 2:30-36
30 לכן נאם יהוה אלהי ישׂראל אמור אמרתי ביתך ובית אביך יתהלכו לפני עד עולם ועתה נאם יהוה חלילה לי כי מכבדי אכבד ובזי יקלו׃31 הנה ימים באים וגדעתי את זרעך ואת זרע בית אביך מהיות זקן בביתך׃32 והבטת צר מעון בכל אשׁר ייטיב את ישׂראל ולא יהיה זקן בביתך כל הימים׃33 ואישׁ לא אכרית לך מעם מזבחי לכלות את עיניך ולאדיב את נפשׁך וכל מרבית ביתך ימותו אנשׁים׃34 וזה לך האות אשׁר יבא אל שׁני בניך אל חפני ופינחס ביום אחד ימותו שׁניהם׃35 והקימתי לי כהן נאמן כאשׁר בלבבי ובנפשׁי יעשׂה ובניתי לו בית נאמן והתהלך לפני משׁיחי כל הימים׃36 והיה כל הנותר בביתך יבוא להשׁתחות לו לאגורת כסף וככר לחם ואמר ספחני נא אל אחת הכהנות לאכל פת לחם׃
1 Samuel 15:28
28 ויאמר אליו שׁמואל קרע יהוה את ממלכות ישׂראל מעליך היום ונתנה לרעך הטוב ממך׃
1 Kings 14:7-8
1 Kings 14:14
14 והקים יהוה לו מלך על ישׂראל אשׁר יכרית את בית ירבעם זה היום ומה גם עתה׃
Job 19:2
2 עד אנה תוגיון נפשׁי ותדכאונני במלים׃
Psalms 2:9
9 תרעם בשׁבט ברזל ככלי יוצר תנפצם׃
Psalms 72:4
4 ישׁפט עניי עם יושׁיע לבני אביון וידכא עושׁק׃
Psalms 94:5
5 עמך יהוה ידכאו ונחלתך יענו׃
Psalms 113:7-8
Jeremiah 51:20-23
Daniel 2:21
21 והוא מהשׁנא עדניא וזמניא מהעדה מלכין ומהקים מלכין יהב חכמתא לחכימין ומנדעא לידעי בינה׃
Daniel 2:34-35
Daniel 5:28-31
Job 34:20
20 רגע ימתו וחצות לילה יגעשׁו עם ויעברו ויסירו אביר לא ביד׃
Psalms 33:15
15 היצר יחד לבם המבין אל כל מעשׂיהם׃
Song of Songs 3:8
8 כלם אחזי חרב מלמדי מלחמה אישׁ חרבו על ירכו מפחד בלילות׃
Isaiah 15:1
1 משׂא מואב כי בליל שׁדד ער מואב נדמה כי בליל שׁדד קיר מואב נדמה׃
Isaiah 66:18
18 ואנכי מעשׂיהם ומחשׁבתיהם באה לקבץ את כל הגוים והלשׁנות ובאו וראו את כבודי׃
Hosea 7:2
2 ובל יאמרו ללבבם כל רעתם זכרתי עתה סבבום מעלליהם נגד פני היו׃
Amos 8:7
7 נשׁבע יהוה בגאון יעקב אם אשׁכח לנצח כל מעשׂיהם׃
Exodus 14:30
30 ויושׁע יהוה ביום ההוא את ישׂראל מיד מצרים וירא ישׂראל את מצרים מת על שׂפת הים׃
Deuteronomy 13:9-11
Deuteronomy 21:21
21 ורגמהו כל אנשׁי עירו באבנים ומת ובערת הרע מקרבך וכל ישׂראל ישׁמעו ויראו׃
2 Samuel 12:11-12
Psalms 58:10-11
Isaiah 66:24
24 ויצאו וראו בפגרי האנשׁים הפשׁעים בי כי תולעתם לא תמות ואשׁם לא תכבה והיו דראון לכל בשׂר׃
1 Samuel 15:11
11 נחמתי כי המלכתי את שׁאול למלך כי שׁב מאחרי ואת דברי לא הקים ויחר לשׁמואל ויזעק אל יהוה כל הלילה׃
Psalms 28:5
5 כי לא יבינו אל פעלת יהוה ואל מעשׂה ידיו יהרסם ולא יבנם׃
Psalms 107:43
43 מי חכם וישׁמר אלה ויתבוננו חסדי יהוה׃
Psalms 125:5
5 והמטים עקלקלותם יוליכם יהוה את פעלי האון שׁלום על ישׂראל׃
Proverbs 1:29-30
Isaiah 1:3
3 ידע שׁור קנהו וחמור אבוס בעליו ישׂראל לא ידע עמי לא התבונן׃
Isaiah 5:12
12 והיה כנור ונבל תף וחליל ויין משׁתיהם ואת פעל יהוה לא יביטו ומעשׂה ידיו לא ראו׃
Zephaniah 1:6
6 ואת הנסוגים מאחרי יהוה ואשׁר לא בקשׁו את יהוה ולא דרשׁהו׃
Haggai 2:15-19
15 ועתה שׂימו נא לבבכם מן היום הזה ומעלה מטרם שׂום אבן אל אבן בהיכל יהוה׃16 מהיותם בא אל ערמת עשׂרים והיתה עשׂרה בא אל היקב לחשׂף חמשׁים פורה והיתה עשׂרים׃17 הכיתי אתכם בשׁדפון ובירקון ובברד את כל מעשׂה ידיכם ואין אתכם אלי נאם יהוה׃18 שׂימו נא לבבכם מן היום הזה ומעלה מיום עשׂרים וארבעה לתשׁיעי למן היום אשׁר יסד היכל יהוה שׂימו לבבכם׃19 העוד הזרע במגורה ועד הגפן והתאנה והרמון ועץ הזית לא נשׂא מן היום הזה אברך׃
Exodus 2:23-24
Exodus 3:7
7 ויאמר יהוה ראה ראיתי את עני עמי אשׁר במצרים ואת צעקתם שׁמעתי מפני נגשׂיו כי ידעתי את מכאביו׃
Exodus 3:9
9 ועתה הנה צעקת בני ישׂראל באה אלי וגם ראיתי את הלחץ אשׁר מצרים לחצים אתם׃
Exodus 22:23-27
23 (22:22) אם ענה תענה אתו כי אם צעק יצעק אלי שׁמע אשׁמע צעקתו׃24 (22:23) וחרה אפי והרגתי אתכם בחרב והיו נשׁיכם אלמנות ובניכם יתמים׃25 (22:24) אם כסף תלוה את עמי את העני עמך לא תהיה לו כנשׁה לא תשׂימון עליו נשׁך׃26 (22:25) אם חבל תחבל שׂלמת רעך עד בא השׁמשׁ תשׁיבנו׃27 (22:26) כי הוא כסותה לבדה הוא שׂמלתו לערו במה ישׁכב והיה כי יצעק אלי ושׁמעתי כי חנון אני׃
Job 22:9-10
Job 24:12
12 מעיר מתים ינאקו ונפשׁ חללים תשׁוע ואלוה לא ישׂים תפלה׃
Job 29:12-13
Job 31:19-20
Job 35:9
9 מרב עשׁוקים יזעיקו ישׁועו מזרוע רבים׃
Psalms 12:5
5 (12:6) משׁד עניים מאנקת אביונים עתה אקום יאמר יהוה אשׁית בישׁע יפיח׃
Isaiah 5:7
7 כי כרם יהוה צבאות בית ישׂראל ואישׁ יהודה נטע שׁעשׁועיו ויקו למשׁפט והנה משׂפח לצדקה והנה צעקה׃
2 Samuel 7:1
1 ויהי כי ישׁב המלך בביתו ויהוה הניח לו מסביב מכל איביו׃
2 Kings 18:9-12
9 ויהי בשׁנה הרביעית למלך חזקיהו היא השׁנה השׁביעית להושׁע בן אלה מלך ישׂראל עלה שׁלמנאסר מלך אשׁור על שׁמרון ויצר עליה׃10 וילכדה מקצה שׁלשׁ שׁנים בשׁנת שׁשׁ לחזקיה היא שׁנת תשׁע להושׁע מלך ישׂראל נלכדה שׁמרון׃11 ויגל מלך אשׁור את ישׂראל אשׁורה וינחם בחלח ובחבור נהר גוזן וערי מדי׃12 על אשׁר לא שׁמעו בקול יהוה אלהיהם ויעברו את בריתו את כל אשׁר צוה משׁה עבד יהוה ולא שׁמעו ולא עשׂו׃
2 Chronicles 36:14-17
14 גם כל שׂרי הכהנים והעם הרבו למעול מעל ככל תעבות הגוים ויטמאו את בית יהוה אשׁר הקדישׁ בירושׁלם׃15 וישׁלח יהוה אלהי אבותיהם עליהם ביד מלאכיו השׁכם ושׁלוח כי חמל על עמו ועל מעונו׃16 ויהיו מלעבים במלאכי האלהים ובוזים דבריו ומתעתעים בנבאיו עד עלות חמת יהוה בעמו עד לאין מרפא׃17 ויעל עליהם את מלך כשׂדיים ויהרג בחוריהם בחרב בבית מקדשׁם ולא חמל על בחור ובתולה זקן וישׁשׁ הכל נתן בידו׃
Job 12:14
14 הן יהרוס ולא יבנה יסגר על אישׁ ולא יפתח׃
Job 23:8-9
Job 23:13
13 והוא באחד ומי ישׁיבנו ונפשׁו אותה ויעשׂ׃
Job 29:1-3
Psalms 13:1
1 למנצח מזמור לדוד׃ (13:2) עד אנה יהוה תשׁכחני נצח עד אנה תסתיר את פניך ממני׃
Psalms 27:9
9 אל תסתר פניך ממני אל תט באף עבדך עזרתי היית אל תטשׁני ואל תעזבני אלהי ישׁעי׃
Psalms 30:7
7 (30:8) יהוה ברצונך העמדתה להררי עז הסתרת פניך הייתי נבהל׃
Psalms 143:7
7 מהר ענני יהוה כלתה רוחי אל תסתר פניך ממני ונמשׁלתי עם ירדי בור׃
Isaiah 14:3-8
Isaiah 26:3
3 יצר סמוך תצר שׁלום שׁלום כי בך בטוח׃
Isaiah 32:17
17 והיה מעשׂה הצדקה שׁלום ועבדת הצדקה השׁקט ובטח עד עולם׃
Jeremiah 27:8
8 והיה הגוי והממלכה אשׁר לא יעבדו אתו את נבוכדנאצר מלך בבל ואת אשׁר לא יתן את צוארו בעל מלך בבל בחרב וברעב ובדבר אפקד על הגוי ההוא נאם יהוה עד תמי אתם בידו׃
1 Kings 12:28-30
2 Kings 21:9
9 ולא שׁמעו ויתעם מנשׁה לעשׂות את הרע מן הגוים אשׁר השׁמיד יהוה מפני בני ישׂראל׃
Job 34:21
21 כי עיניו על דרכי אישׁ וכל צעדיו יראה׃
Psalms 12:8
8 (12:9) סביב רשׁעים יתהלכון כרם זלות לבני אדם׃
Proverbs 29:2-12
2 ברבות צדיקים ישׂמח העם ובמשׁל רשׁע יאנח עם׃3 אישׁ אהב חכמה ישׂמח אביו ורעה זונות יאבד הון׃4 מלך במשׁפט יעמיד ארץ ואישׁ תרומות יהרסנה׃5 גבר מחליק על רעהו רשׁת פורשׂ על פעמיו׃6 בפשׁע אישׁ רע מוקשׁ וצדיק ירון ושׂמח׃7 ידע צדיק דין דלים רשׁע לא יבין דעת׃8 אנשׁי לצון יפיחו קריה וחכמים ישׁיבו אף׃9 אישׁ חכם נשׁפט את אישׁ אויל ורגז ושׂחק ואין נחת׃10 אנשׁי דמים ישׂנאו תם וישׁרים יבקשׁו נפשׁו׃11 כל רוחו יוציא כסיל וחכם באחור ישׁבחנה׃12 משׁל מקשׁיב על דבר שׁקר כל משׁרתיו רשׁעים׃
Ecclesiastes 9:18
18 טובה חכמה מכלי קרב וחוטא אחד יאבד טובה הרבה׃
Hosea 5:11
11 עשׁוק אפרים רצוץ משׁפט כי הואיל הלך אחרי צו׃
Hosea 13:11
11 אתן לך מלך באפי ואקח בעברתי׃
Micah 6:16
16 וישׁתמר חקות עמרי וכל מעשׂה בית אחאב ותלכו במעצותם למען תתי אתך לשׁמה וישׁביה לשׁרקה וחרפת עמי תשׂאו׃
Leviticus 26:41
41 אף אני אלך עמם בקרי והבאתי אתם בארץ איביהם או אז יכנע לבבם הערל ואז ירצו את עונם׃
Ezra 9:13-14
Nehemiah 9:33-38
33 ואתה צדיק על כל הבא עלינו כי אמת עשׂית ואנחנו הרשׁענו׃34 ואת מלכינו שׂרינו כהנינו ואבתינו לא עשׂו תורתך ולא הקשׁיבו אל מצותיך ולעדותיך אשׁר העידת׃35 והם במלכותם ובטובך הרב אשׁר נתת להם ובארץ הרחבה והשׁמנה אשׁר נתת לפניהם לא עבדוך ולא שׁבו ממעלליהם הרעים׃36 הנה אנחנו היום עבדים והארץ אשׁר נתתה לאבתינו לאכל את פריה ואת טובה הנה אנחנו עבדים עליה׃37 ותבואתה מרבה למלכים אשׁר נתתה עלינו בחטאותינו ועל גויתינו משׁלים ובבהמתנו כרצונם ובצרה גדולה אנחנו׃38 (10:1) ובכל זאת אנחנו כרתים אמנה וכתבים ועל החתום שׂרינו לוינו כהנינו׃
Job 33:27
27 ישׁר על אנשׁים ויאמר חטאתי וישׁר העויתי ולא שׁוה׃
Job 40:3-5
Job 42:6
6 על כן אמאס ונחמתי על עפר ואפר׃
Jeremiah 31:18-19
Daniel 9:7-14
7 לך אדני הצדקה ולנו בשׁת הפנים כיום הזה לאישׁ יהודה וליושׁבי ירושׁלם ולכל ישׂראל הקרבים והרחקים בכל הארצות אשׁר הדחתם שׁם במעלם אשׁר מעלו׃8 יהוה לנו בשׁת הפנים למלכינו לשׂרינו ולאבתינו אשׁר חטאנו׃9 לאדני אלהינו הרחמים והסלחות כי מרדנו׃10 ולא שׁמענו בקול יהוה אלהינו ללכת בתורתיו אשׁר נתן לפנינו ביד עבדיו הנביאים׃11 וכל ישׂראל עברו את תורתך וסור לבלתי שׁמוע בקלך ותתך עלינו האלה והשׁבעה אשׁר כתובה בתורת משׁה עבד האלהים כי חטאנו׃12 ויקם את דבריו אשׁר דבר עלינו ועל שׁפטינו אשׁר שׁפטונו להביא עלינו רעה גדלה אשׁר לא נעשׂתה תחת כל השׁמים כאשׁר נעשׂתה בירושׁלם׃13 כאשׁר כתוב בתורת משׁה את כל הרעה הזאת באה עלינו ולא חלינו את פני יהוה אלהינו לשׁוב מעוננו ולהשׂכיל באמתך׃14 וישׁקד יהוה על הרעה ויביאה עלינו כי צדיק יהוה אלהינו על כל מעשׂיו אשׁר עשׂה ולא שׁמענו בקלו׃
Micah 7:9
9 זעף יהוה אשׂא כי חטאתי לו עד אשׁר יריב ריבי ועשׂה משׁפטי יוציאני לאור אראה בצדקתו׃
Job 10:2
2 אמר אל אלוה אל תרשׁיעני הודיעני על מה תריבני׃
Job 35:11
11 מלפנו מבהמות ארץ ומעוף השׁמים יחכמנו׃
Psalms 19:12
12 (19:13) שׁגיאות מי יבין מנסתרות נקני׃
Psalms 25:4-5
Psalms 32:8
8 אשׂכילך ואורך בדרך זו תלך איעצה עליך עיני׃
Psalms 139:23-24
Psalms 143:8-10
Proverbs 28:13
13 מכסה פשׁעיו לא יצליח ומודה ועזב ירחם׃
Job 9:12
12 הן יחתף מי ישׁיבנו מי יאמר אליו מה תעשׂה׃
Job 15:31
31 אל יאמן בשׁו נתעה כי שׁוא תהיה תמורתו׃
Job 18:4
4 טרף נפשׁו באפו הלמענך תעזב ארץ ויעתק צור ממקמו׃
Job 33:5
5 אם תוכל השׁיבני ערכה לפני התיצבה׃
Job 33:32
32 אם ישׁ מלין השׁיבני דבר כי חפצתי צדקך׃
Job 34:11
11 כי פעל אדם ישׁלם לו וכארח אישׁ ימצאנו׃
Job 41:11
11 (41:3) מי הקדימני ואשׁלם תחת כל השׁמים לי הוא׃
Psalms 89:30-32
Psalms 135:6
6 כל אשׁר חפץ יהוה עשׂה בשׁמים ובארץ בימים וכל תהומות׃
Proverbs 11:31
31 הן צדיק בארץ ישׁלם אף כי רשׁע וחוטא׃
Isaiah 45:9
9 הוי רב את יצרו חרשׂ את חרשׂי אדמה היאמר חמר ליצרו מה תעשׂה ופעלך אין ידים׃
Job 34:2
2 שׁמעו חכמים מלי וידעים האזינו׃
Job 34:4
4 משׁפט נבחרה לנו נדעה בינינו מה טוב׃
Job 34:10
10 לכן אנשׁי לבב שׁמעו לי חללה לאל מרשׁע ושׁדי מעול׃
Job 34:16
16 ואם בינה שׁמעה זאת האזינה לקול מלי׃
Job 13:2
2 כדעתכם ידעתי גם אני לא נפל אנכי מכם׃
Job 15:2
2 החכם יענה דעת רוח וימלא קדים בטנו׃
Job 35:16
16 ואיוב הבל יפצה פיהו בבלי דעת מלין יכבר׃
Job 38:2
2 מי זה מחשׁיך עצה במלין בלי דעת׃
Job 42:3
3 מי זה מעלים עצה בלי דעת לכן הגדתי ולא אבין נפלאות ממני ולא אדע׃
Job 12:6
6 ישׁליו אהלים לשׁדדים ובטחות למרגיזי אל לאשׁר הביא אלוה בידו׃
Job 21:7
7 מדוע רשׁעים יחיו עתקו גם גברו חיל׃
Job 23:16
16 ואל הרך לבי ושׁדי הבהילני׃
Job 24:1
1 מדוע משׁדי לא נצפנו עתים וידעו לא חזו ימיו׃
Job 34:8-9
Psalms 17:3
3 בחנת לבי פקדת לילה צרפתני בל תמצא זמתי בל יעבר פי׃
Psalms 26:2
2 בחנני יהוה ונסני צרופה כליותי ולבי׃
1 Samuel 15:23
23 כי חטאת קסם מרי ואון ותרפים הפצר יען מאסת את דבר יהוה וימאסך ממלך׃
Job 8:2-3
Job 11:2-3
Job 23:2
2 גם היום מרי שׂחי ידי כבדה על אנחתי׃
Job 27:23
23 ישׂפק עלימו כפימו וישׁרק עליו ממקמו׃
Job 35:2-3
Job 42:7
7 ויהי אחר דבר יהוה את הדברים האלה אל איוב ויאמר יהוה אל אליפז התימני חרה אפי בך ובשׁני רעיך כי לא דברתם אלי נכונה כעבדי איוב׃