Job 18:20 Cross References - HOT

²⁰ על יומו נשׁמו אחרנים וקדמנים אחזו שׂער׃

Deuteronomy 29:23-24

²³ (29:22) גפרית ומלח שׂרפה כל ארצה לא תזרע ולא תצמח ולא יעלה בה כל עשׂב כמהפכת סדם ועמרה אדמה וצביים אשׁר הפך יהוה באפו ובחמתו׃²⁴ (29:23) ואמרו כל הגוים על מה עשׂה יהוה ככה לארץ הזאת מה חרי האף הגדול הזה׃

1 Kings 9:8

⁸ והבית הזה יהיה עליון כל עבר עליו ישׁם ושׁרק ואמרו על מה עשׂה יהוה ככה לארץ הזאת ולבית הזה׃

Job 2:12-13

¹² וישׂאו את עיניהם מרחוק ולא הכירהו וישׂאו קולם ויבכו ויקרעו אישׁ מעלו ויזרקו עפר על ראשׁיהם השׁמימה׃¹³ וישׁבו אתו לארץ שׁבעת ימים ושׁבעת לילות ואין דבר אליו דבר כי ראו כי גדל הכאב מאד׃

Job 19:13-19

¹³ אחי מעלי הרחיק וידעי אך זרו ממני׃¹⁴ חדלו קרובי ומידעי שׁכחוני׃¹⁵ גרי ביתי ואמהתי לזר תחשׁבני נכרי הייתי בעיניהם׃¹⁶ לעבדי קראתי ולא יענה במו פי אתחנן׃¹⁷ רוחי זרה לאשׁתי וחנתי לבני בטני׃¹⁸ גם עוילים מאסו בי אקומה וידברו׃¹⁹ תעבוני כל מתי סודי וזה אהבתי נהפכו׃

Psalms 37:13

¹³ אדני ישׂחק לו כי ראה כי יבא יומו׃

Psalms 137:7

⁷ זכר יהוה לבני אדום את יום ירושׁלם האמרים ערו ערו עד היסוד׃

Jeremiah 18:16

¹⁶ לשׂום ארצם לשׁמה שׁרוקת עולם כל עובר עליה ישׁם ויניד בראשׁו׃

Jeremiah 50:27

²⁷ חרבו כל פריה ירדו לטבח הוי עליהם כי בא יומם עת פקדתם׃

Ezekiel 21:25

²⁵ (21:30) ואתה חלל רשׁע נשׂיא ישׂראל אשׁר בא יומו בעת עון קץ׃

Obadiah 1:11-15

¹¹ ביום עמדך מנגד ביום שׁבות זרים חילו ונכרים באו שׁערו ועל ירושׁלם ידו גורל גם אתה כאחד מהם׃¹² ואל תרא ביום אחיך ביום נכרו ואל תשׂמח לבני יהודה ביום אבדם ואל תגדל פיך ביום צרה׃¹³ אל תבוא בשׁער עמי ביום אידם אל תרא גם אתה ברעתו ביום אידו ואל תשׁלחנה בחילו ביום אידו׃¹⁴ ואל תעמד על הפרק להכרית את פליטיו ואל תסגר שׂרידיו ביום צרה׃¹⁵ כי קרוב יום יהוה על כל הגוים כאשׁר עשׂית יעשׂה לך גמלך ישׁוב בראשׁך׃