Isaiah 30:30 Cross References - HOT

30 והשׁמיע יהוה את הוד קולו ונחת זרועו יראה בזעף אף ולהב אשׁ אוכלה נפץ וזרם ואבן ברד׃

Exodus 15:16

16 תפל עליהם אימתה ופחד בגדל זרועך ידמו כאבן עד יעבר עמך יהוה עד יעבר עם זו קנית׃

Joshua 10:11

11 ויהי בנסם מפני ישׂראל הם במורד בית חורן ויהוה השׁליך עליהם אבנים גדלות מן השׁמים עד עזקה וימתו רבים אשׁר מתו באבני הברד מאשׁר הרגו בני ישׂראל בחרב׃

1 Samuel 7:10

10 ויהי שׁמואל מעלה העולה ופלשׁתים נגשׁו למלחמה בישׂראל וירעם יהוה בקול גדול ביום ההוא על פלשׁתים ויהמם וינגפו לפני ישׂראל׃

Job 37:2-5

2 שׁמעו שׁמוע ברגז קלו והגה מפיו יצא׃3 תחת כל השׁמים ישׁרהו ואורו על כנפות הארץ׃4 אחריו ישׁאג קול ירעם בקול גאונו ולא יעקבם כי ישׁמע קולו׃5 ירעם אל בקולו נפלאות עשׂה גדלות ולא נדע׃

Job 40:9

9 ואם זרוע כאל לך ובקול כמהו תרעם׃

Psalms 2:5

5 אז ידבר אלימו באפו ובחרונו יבהלמו׃

Psalms 18:13-14

13 (18:14) וירעם בשׁמים יהוה ועליון יתן קלו ברד וגחלי אשׁ׃14 (18:15) וישׁלח חציו ויפיצם וברקים רב ויהמם׃

Psalms 29:3-9

3 קול יהוה על המים אל הכבוד הרעים יהוה על מים רבים׃4 קול יהוה בכח קול יהוה בהדר׃5 קול יהוה שׁבר ארזים וישׁבר יהוה את ארזי הלבנון׃6 וירקידם כמו עגל לבנון ושׂרין כמו בן ראמים׃7 קול יהוה חצב להבות אשׁ׃8 קול יהוה יחיל מדבר יחיל יהוה מדבר קדשׁ׃9 קול יהוה יחולל אילות ויחשׂף יערות ובהיכלו כלו אמר כבוד׃

Psalms 46:6

6 (46:7) המו גוים מטו ממלכות נתן בקולו תמוג ארץ׃

Psalms 50:1-3

1 מזמור לאסף אל אלהים יהוה דבר ויקרא ארץ ממזרח שׁמשׁ עד מבאו׃2 מציון מכלל יפי אלהים הופיע׃3 יבא אלהינו ואל יחרשׁ אשׁ לפניו תאכל וסביביו נשׂערה מאד׃

Psalms 76:5-8

5 (76:6) אשׁתוללו אבירי לב נמו שׁנתם ולא מצאו כל אנשׁי חיל ידיהם׃6 (76:7) מגערתך אלהי יעקב נרדם ורכב וסוס׃7 (76:8) אתה נורא אתה ומי יעמד לפניך מאז אפך׃8 (76:9) משׁמים השׁמעת דין ארץ יראה ושׁקטה׃

Psalms 97:3-5

3 אשׁ לפניו תלך ותלהט סביב צריו׃4 האירו ברקיו תבל ראתה ותחל הארץ׃5 הרים כדונג נמסו מלפני יהוה מלפני אדון כל הארץ׃

Psalms 98:1

1 מזמור שׁירו ליהוה שׁיר חדשׁ כי נפלאות עשׂה הושׁיעה לו ימינו וזרוע קדשׁו׃

Isaiah 28:2

2 הנה חזק ואמץ לאדני כזרם ברד שׂער קטב כזרם מים כבירים שׁטפים הניח לארץ ביד׃

Isaiah 29:6

6 מעם יהוה צבאות תפקד ברעם וברעשׁ וקול גדול סופה וסערה ולהב אשׁ אוכלה׃

Isaiah 32:19

19 וברד ברדת היער ובשׁפלה תשׁפל העיר׃

Isaiah 51:9

9 עורי עורי לבשׁי עז זרוע יהוה עורי כימי קדם דרות עולמים הלוא את היא המחצבת רהב מחוללת תנין׃

Isaiah 62:8

8 נשׁבע יהוה בימינו ובזרוע עזו אם אתן את דגנך עוד מאכל לאיביך ואם ישׁתו בני נכר תירושׁך אשׁר יגעת׃

Ezekiel 10:5

5 וקול כנפי הכרובים נשׁמע עד החצר החיצנה כקול אל שׁדי בדברו׃

Ezekiel 38:19-22

19 ובקנאתי באשׁ עברתי דברתי אם לא ביום ההוא יהיה רעשׁ גדול על אדמת ישׂראל׃20 ורעשׁו מפני דגי הים ועוף השׁמים וחית השׂדה וכל הרמשׂ הרמשׂ על האדמה וכל האדם אשׁר על פני האדמה ונהרסו ההרים ונפלו המדרגות וכל חומה לארץ תפול׃21 וקראתי עליו לכל הרי חרב נאם אדני יהוה חרב אישׁ באחיו תהיה׃22 ונשׁפטתי אתו בדבר ובדם וגשׁם שׁוטף ואבני אלגבישׁ אשׁ וגפרית אמטיר עליו ועל אגפיו ועל עמים רבים אשׁר אתו׃

Micah 1:4

4 ונמסו ההרים תחתיו והעמקים יתבקעו כדונג מפני האשׁ כמים מגרים במורד׃

Nahum 1:2-6

2 אל קנוא ונקם יהוה נקם יהוה ובעל חמה נקם יהוה לצריו ונוטר הוא לאיביו׃3 יהוה ארך אפים וגדול כח ונקה לא ינקה יהוה בסופה ובשׂערה דרכו וענן אבק רגליו׃4 גוער בים ויבשׁהו וכל הנהרות החריב אמלל בשׁן וכרמל ופרח לבנון אמלל׃5 הרים רעשׁו ממנו והגבעות התמגגו ותשׂא הארץ מפניו ותבל וכל ישׁבי׃6 לפני זעמו מי יעמוד ומי יקום בחרון אפו חמתו נתכה כאשׁ והצרים נתצו ממנו׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.