Genesis 24:21 Cross References - HOT

21 והאישׁ משׁתאה לה מחרישׁ לדעת ההצליח יהוה דרכו אם לא׃

Genesis 24:12

12 ויאמר יהוה אלהי אדני אברהם הקרה נא לפני היום ועשׂה חסד עם אדני אברהם׃

Genesis 24:56

56 ויאמר אלהם אל תאחרו אתי ויהוה הצליח דרכי שׁלחוני ואלכה לאדני׃

2 Samuel 7:18-20

18 ויבא המלך דוד וישׁב לפני יהוה ויאמר מי אנכי אדני יהוה ומי ביתי כי הביאתני עד הלם׃19 ותקטן עוד זאת בעיניך אדני יהוה ותדבר גם אל בית עבדך למרחוק וזאת תורת האדם אדני יהוה׃20 ומה יוסיף דוד עוד לדבר אליך ואתה ידעת את עבדך אדני יהוה׃

Psalms 34:1-6

1 לדוד בשׁנותו את טעמו לפני אבימלך ויגרשׁהו וילך׃ (34:2) אברכה את יהוה בכל עת תמיד תהלתו בפי׃2 (34:3) ביהוה תתהלל נפשׁי ישׁמעו ענוים וישׂמחו׃3 (34:4) גדלו ליהוה אתי ונרוממה שׁמו יחדו׃4 (34:5) דרשׁתי את יהוה וענני ומכל מגורותי הצילני׃5 (34:6) הביטו אליו ונהרו ופניהם אל יחפרו׃6 (34:7) זה עני קרא ויהוה שׁמע ומכל צרותיו הושׁיעו׃

Psalms 107:1

1 הדו ליהוה כי טוב כי לעולם חסדו׃

Psalms 107:8

8 יודו ליהוה חסדו ונפלאותיו לבני אדם׃

Psalms 107:15

15 יודו ליהוה חסדו ונפלאותיו לבני אדם׃

Psalms 107:43

43 מי חכם וישׁמר אלה ויתבוננו חסדי יהוה׃

Psalms 116:1-7

1 אהבתי כי ישׁמע יהוה את קולי תחנוני׃2 כי הטה אזנו לי ובימי אקרא׃3 אפפוני חבלי מות ומצרי שׁאול מצאוני צרה ויגון אמצא׃4 ובשׁם יהוה אקרא אנה יהוה מלטה נפשׁי׃5 חנון יהוה וצדיק ואלהינו מרחם׃6 שׁמר פתאים יהוה דלותי ולי יהושׁיע׃7 שׁובי נפשׁי למנוחיכי כי יהוה גמל עליכי׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.