Genesis 24:22 Cross References - HOT

22 ויהי כאשׁר כלו הגמלים לשׁתות ויקח האישׁ נזם זהב בקע משׁקלו ושׁני צמידים על ידיה עשׂרה זהב משׁקלם׃

Genesis 23:15-16

15 אדני שׁמעני ארץ ארבע מאת שׁקל כסף ביני ובינך מה הוא ואת מתך קבר׃16 וישׁמע אברהם אל עפרון וישׁקל אברהם לעפרן את הכסף אשׁר דבר באזני בני חת ארבע מאות שׁקל כסף עבר לסחר׃

Genesis 24:30

30 ויהי כראת את הנזם ואת הצמדים על ידי אחתו וכשׁמעו את דברי רבקה אחתו לאמר כה דבר אלי האישׁ ויבא אל האישׁ והנה עמד על הגמלים על העין׃

Genesis 24:47

47 ואשׁאל אתה ואמר בת מי את ותאמר בת בתואל בן נחור אשׁר ילדה לו מלכה ואשׂם הנזם על אפה והצמידים על ידיה׃

Exodus 32:2-3

2 ויאמר אלהם אהרן פרקו נזמי הזהב אשׁר באזני נשׁיכם בניכם ובנתיכם והביאו אלי׃3 ויתפרקו כל העם את נזמי הזהב אשׁר באזניהם ויביאו אל אהרן׃

Esther 5:1

1 ויהי ביום השׁלישׁי ותלבשׁ אסתר מלכות ותעמד בחצר בית המלך הפנימית נכח בית המלך והמלך יושׁב על כסא מלכותו בבית המלכות נכח פתח הבית׃

Isaiah 3:19-23

19 הנטיפות והשׁירות והרעלות׃20 הפארים והצעדות והקשׁרים ובתי הנפשׁ והלחשׁים׃21 הטבעות ונזמי האף׃22 המחלצות והמעטפות והמטפחות והחריטים׃23 והגלינים והסדינים והצניפות והרדידים׃

Jeremiah 2:32

32 התשׁכח בתולה עדיה כלה קשׁריה ועמי שׁכחוני ימים אין מספר׃

Ezekiel 16:11-12

11 ואעדך עדי ואתנה צמידים על ידיך ורביד על גרונך׃12 ואתן נזם על אפך ועגילים על אזניך ועטרת תפארת בראשׁך׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.