14 והיה הנער אשׁר אמר אליה הטי נא כדך ואשׁתה ואמרה שׁתה וגם גמליך אשׁקה אתה הכחת לעבדך ליצחק ובה אדע כי עשׂית חסד עם אדני׃
Genesis 24:14 Cross References - HOT
Genesis 15:8
8 ויאמר אדני יהוה במה אדע כי אירשׁנה׃
Genesis 24:44
44 ואמרה אלי גם אתה שׁתה וגם לגמליך אשׁאב הוא האשׁה אשׁר הכיח יהוה לבן אדני׃
Exodus 4:1-9
1 ויען משׁה ויאמר והן לא יאמינו לי ולא ישׁמעו בקלי כי יאמרו לא נראה אליך יהוה׃2 ויאמר אליו יהוה מזה בידך ויאמר מטה׃3 ויאמר השׁליכהו ארצה וישׁלכהו ארצה ויהי לנחשׁ וינס משׁה מפניו׃4 ויאמר יהוה אל משׁה שׁלח ידך ואחז בזנבו וישׁלח ידו ויחזק בו ויהי למטה בכפו׃5 למען יאמינו כי נראה אליך יהוה אלהי אבתם אלהי אברהם אלהי יצחק ואלהי יעקב׃6 ויאמר יהוה לו עוד הבא נא ידך בחיקך ויבא ידו בחיקו ויוצאה והנה ידו מצרעת כשׁלג׃7 ויאמר השׁב ידך אל חיקך וישׁב ידו אל חיקו ויוצאה מחיקו והנה שׁבה כבשׂרו׃8 והיה אם לא יאמינו לך ולא ישׁמעו לקל האת הראשׁון והאמינו לקל האת האחרון׃9 והיה אם לא יאמינו גם לשׁני האתות האלה ולא ישׁמעון לקלך ולקחת ממימי היאר ושׁפכת היבשׁה והיו המים אשׁר תקח מן היאר והיו לדם ביבשׁת׃
Judges 6:17
17 ויאמר אליו אם נא מצאתי חן בעיניך ועשׂית לי אות שׁאתה מדבר עמי׃
Judges 6:37
37 הנה אנכי מציג את גזת הצמר בגרן אם טל יהיה על הגזה לבדה ועל כל הארץ חרב וידעתי כי תושׁיע בידי את ישׂראל כאשׁר דברת׃
Judges 7:13-15
13 ויבא גדעון והנה אישׁ מספר לרעהו חלום ויאמר הנה חלום חלמתי והנה צלול לחם שׂערים מתהפך במחנה מדין ויבא עד האהל ויכהו ויפל ויהפכהו למעלה ונפל האהל׃14 ויען רעהו ויאמר אין זאת בלתי אם חרב גדעון בן יואשׁ אישׁ ישׂראל נתן האלהים בידו את מדין ואת כל המחנה׃15 ויהי כשׁמע גדעון את מספר החלום ואת שׁברו וישׁתחו וישׁב אל מחנה ישׂראל ויאמר קומו כי נתן יהוה בידכם את מחנה מדין׃
Judges 18:5
5 ויאמרו לו שׁאל נא באלהים ונדעה התצליח דרכנו אשׁר אנחנו הלכים עליה׃
1 Samuel 6:7-9
7 ועתה קחו ועשׂו עגלה חדשׁה אחת ושׁתי פרות עלות אשׁר לא עלה עליהם על ואסרתם את הפרות בעגלה והשׁיבתם בניהם מאחריהם הביתה׃8 ולקחתם את ארון יהוה ונתתם אתו אל העגלה ואת כלי הזהב אשׁר השׁבתם לו אשׁם תשׂימו בארגז מצדו ושׁלחתם אתו והלך׃9 וראיתם אם דרך גבולו יעלה בית שׁמשׁ הוא עשׂה לנו את הרעה הגדולה הזאת ואם לא וידענו כי לא ידו נגעה בנו מקרה הוא היה׃
1 Samuel 10:2-10
2 בלכתך היום מעמדי ומצאת שׁני אנשׁים עם קברת רחל בגבול בנימן בצלצח ואמרו אליך נמצאו האתנות אשׁר הלכת לבקשׁ והנה נטשׁ אביך את דברי האתנות ודאג לכם לאמר מה אעשׂה לבני׃3 וחלפת משׁם והלאה ובאת עד אלון תבור ומצאוך שׁם שׁלשׁה אנשׁים עלים אל האלהים בית אל אחד נשׂא שׁלשׁה גדיים ואחד נשׂא שׁלשׁת ככרות לחם ואחד נשׂא נבל יין׃4 ושׁאלו לך לשׁלום ונתנו לך שׁתי לחם ולקחת מידם׃5 אחר כן תבוא גבעת האלהים אשׁר שׁם נצבי פלשׁתים ויהי כבאך שׁם העיר ופגעת חבל נביאים ירדים מהבמה ולפניהם נבל ותף וחליל וכנור והמה מתנבאים׃6 וצלחה עליך רוח יהוה והתנבית עמם ונהפכת לאישׁ אחר׃7 והיה כי תבאינה האתות האלה לך עשׂה לך אשׁר תמצא ידך כי האלהים עמך׃8 וירדת לפני הגלגל והנה אנכי ירד אליך להעלות עלות לזבח זבחי שׁלמים שׁבעת ימים תוחל עד בואי אליך והודעתי לך את אשׁר תעשׂה׃9 והיה כהפנתו שׁכמו ללכת מעם שׁמואל ויהפך לו אלהים לב אחר ויבאו כל האתות האלה ביום ההוא׃10 ויבאו שׁם הגבעתה והנה חבל נבאים לקראתו ותצלח עליו רוח אלהים ויתנבא בתוכם׃
1 Samuel 14:8-10
1 Samuel 20:7
7 אם כה יאמר טוב שׁלום לעבדך ואם חרה יחרה לו דע כי כלתה הרעה מעמו׃
2 Samuel 5:24
24 ויהי בשׁמעך את קול צעדה בראשׁי הבכאים אז תחרץ כי אז יצא יהוה לפניך להכות במחנה פלשׁתים׃
2 Samuel 20:9
9 ויאמר יואב לעמשׂא השׁלום אתה אחי ותחז יד ימין יואב בזקן עמשׂא לנשׁק׃
2 Kings 20:8-11
8 ויאמר חזקיהו אל ישׁעיהו מה אות כי ירפא יהוה לי ועליתי ביום השׁלישׁי בית יהוה׃9 ויאמר ישׁעיהו זה לך האות מאת יהוה כי יעשׂה יהוה את הדבר אשׁר דבר הלך הצל עשׂר מעלות אם ישׁוב עשׂר מעלות׃10 ויאמר יחזקיהו נקל לצל לנטות עשׂר מעלות לא כי ישׁוב הצל אחרנית עשׂר מעלות׃11 ויקרא ישׁעיהו הנביא אל יהוה וישׁב את הצל במעלות אשׁר ירדה במעלות אחז אחרנית עשׂר מעלות׃
Proverbs 19:14
14 בית והון נחלת אבות ומיהוה אשׁה משׂכלת׃
Isaiah 7:11
11 שׁאל לך אות מעם יהוה אלהיך העמק שׁאלה או הגבה למעלה׃