15 ויהי הוא טרם כלה לדבר והנה רבקה יצאת אשׁר ילדה לבתואל בן מלכה אשׁת נחור אחי אברהם וכדה על שׁכמה׃
Genesis 24:15 Cross References - HOT
Genesis 11:27
27 ואלה תולדת תרח תרח הוליד את אברם את נחור ואת הרן והרן הוליד את לוט׃
Genesis 11:29
29 ויקח אברם ונחור להם נשׁים שׁם אשׁת אברם שׂרי ושׁם אשׁת נחור מלכה בת הרן אבי מלכה ואבי יסכה׃
Genesis 21:14
14 וישׁכם אברהם בבקר ויקח לחם וחמת מים ויתן אל הגר שׂם על שׁכמה ואת הילד וישׁלחה ותלך ותתע במדבר באר שׁבע׃
Genesis 22:20-23
Genesis 24:24
24 ותאמר אליו בת בתואל אנכי בן מלכה אשׁר ילדה לנחור׃
Genesis 24:45
45 אני טרם אכלה לדבר אל לבי והנה רבקה יצאת וכדה על שׁכמה ותרד העינה ותשׁאב ואמר אליה השׁקיני נא׃
Genesis 29:9
9 עודנו מדבר עמם ורחל באה עם הצאן אשׁר לאביה כי רעה הוא׃
Exodus 2:16
16 ולכהן מדין שׁבע בנות ותבאנה ותדלנה ותמלאנה את הרהטים להשׁקות צאן אביהן׃
Judges 6:36-40
36 ויאמר גדעון אל האלהים אם ישׁך מושׁיע בידי את ישׂראל כאשׁר דברת׃37 הנה אנכי מציג את גזת הצמר בגרן אם טל יהיה על הגזה לבדה ועל כל הארץ חרב וידעתי כי תושׁיע בידי את ישׂראל כאשׁר דברת׃38 ויהי כן וישׁכם ממחרת ויזר את הגזה וימץ טל מן הגזה מלוא הספל מים׃39 ויאמר גדעון אל האלהים אל יחר אפך בי ואדברה אך הפעם אנסה נא רק הפעם בגזה יהי נא חרב אל הגזה לבדה ועל כל הארץ יהיה טל׃40 ויעשׂ אלהים כן בלילה ההוא ויהי חרב אל הגזה לבדה ועל כל הארץ היה טל׃
Ruth 2:2
2 ותאמר רות המואביה אל נעמי אלכה נא השׂדה ואלקטה בשׁבלים אחר אשׁר אמצא חן בעיניו ותאמר לה לכי בתי׃
Ruth 2:17
17 ותלקט בשׂדה עד הערב ותחבט את אשׁר לקטה ויהי כאיפה שׂערים׃
Psalms 34:15
15 (34:16) עיני יהוה אל צדיקים ואזניו אל שׁועתם׃
Psalms 65:2
2 (65:3) שׁמע תפלה עדיך כל בשׂר יבאו׃
Psalms 145:18-19
Proverbs 31:27
27 צופיה הליכות ביתה ולחם עצלות לא תאכל׃
Isaiah 58:9
9 אז תקרא ויהוה יענה תשׁוע ויאמר הנני אם תסיר מתוכך מוטה שׁלח אצבע ודבר און׃
Isaiah 65:24
24 והיה טרם יקראו ואני אענה עוד הם מדברים ואני אשׁמע׃
Daniel 9:20-23
20 ועוד אני מדבר ומתפלל ומתודה חטאתי וחטאת עמי ישׂראל ומפיל תחנתי לפני יהוה אלהי על הר קדשׁ אלהי׃21 ועוד אני מדבר בתפלה והאישׁ גבריאל אשׁר ראיתי בחזון בתחלה מעף ביעף נגע אלי כעת מנחת ערב׃22 ויבן וידבר עמי ויאמר דניאל עתה יצאתי להשׂכילך בינה׃23 בתחלת תחנוניך יצא דבר ואני באתי להגיד כי חמודות אתה ובין בדבר והבן במראה׃