1 ויהי בשׁלשׁים שׁנה ברביעי בחמשׁה לחדשׁ ואני בתוך הגולה על נהר כבר נפתחו השׁמים ואראה מראות אלהים׃
Ezekiel 1:1 Cross References - HOT
Genesis 15:1
1 אחר הדברים האלה היה דבר יהוה אל אברם במחזה לאמר אל תירא אברם אנכי מגן לך שׂכרך הרבה מאד׃
Genesis 46:2
2 ויאמר אלהים לישׂראל במראת הלילה ויאמר יעקב יעקב ויאמר הנני׃
Exodus 24:10
10 ויראו את אלהי ישׂראל ותחת רגליו כמעשׂה לבנת הספיר וכעצם השׁמים לטהר׃
Numbers 4:3
3 מבן שׁלשׁים שׁנה ומעלה ועד בן חמשׁים שׁנה כל בא לצבא לעשׂות מלאכה באהל מועד׃
Numbers 12:6
6 ויאמר שׁמעו נא דברי אם יהיה נביאכם יהוה במראה אליו אתודע בחלום אדבר׃
Ecclesiastes 9:1-2
Isaiah 1:1
1 חזון ישׁעיהו בן אמוץ אשׁר חזה על יהודה וירושׁלם בימי עזיהו יותם אחז יחזקיהו מלכי יהודה׃
Jeremiah 24:5-7
Ezekiel 1:3
3 היה היה דבר יהוה אל יחזקאל בן בוזי הכהן בארץ כשׂדים על נהר כבר ותהי עליו שׁם יד יהוה׃
Ezekiel 3:15
15 ואבוא אל הגולה תל אביב הישׁבים אל נהר כבר ואשׁר המה יושׁבים שׁם ואשׁב שׁם שׁבעת ימים משׁמים בתוכם׃
Ezekiel 3:23
23 ואקום ואצא אל הבקעה והנה שׁם כבוד יהוה עמד ככבוד אשׁר ראיתי על נהר כבר ואפל על פני׃
Ezekiel 8:3
3 וישׁלח תבנית יד ויקחני בציצת ראשׁי ותשׂא אתי רוח בין הארץ ובין השׁמים ותבא אתי ירושׁלמה במראות אלהים אל פתח שׁער הפנימית הפונה צפונה אשׁר שׁם מושׁב סמל הקנאה המקנה׃
Ezekiel 10:15
15 וירמו הכרובים היא החיה אשׁר ראיתי בנהר כבר׃
Ezekiel 10:20
20 היא החיה אשׁר ראיתי תחת אלהי ישׂראל בנהר כבר ואדע כי כרובים המה׃
Ezekiel 10:22
22 ודמות פניהם המה הפנים אשׁר ראיתי על נהר כבר מראיהם ואותם אישׁ אל עבר פניו ילכו׃
Ezekiel 11:24
24 ורוח נשׂאתני ותביאני כשׂדימה אל הגולה במראה ברוח אלהים ויעל מעלי המראה אשׁר ראיתי׃
Ezekiel 40:2
2 במראות אלהים הביאני אל ארץ ישׂראל ויניחני אל הר גבה מאד ועליו כמבנה עיר מנגב׃
Ezekiel 43:3
3 וכמראה המראה אשׁר ראיתי כמראה אשׁר ראיתי בבאי לשׁחת את העיר ומראות כמראה אשׁר ראיתי אל נהר כבר ואפל אל פני׃
Daniel 8:1-2
Hosea 12:10
10 (12:11) ודברתי על הנביאים ואנכי חזון הרביתי וביד הנביאים אדמה׃
Joel 2:28
28 (3:1) והיה אחרי כן אשׁפוך את רוחי על כל בשׂר ונבאו בניכם ובנותיכם זקניכם חלמות יחלמון בחוריכם חזינות יראו׃