Deuteronomy 24:13 Cross References - HOT

13 השׁב תשׁיב לו את העבוט כבוא השׁמשׁ ושׁכב בשׂלמתו וברכך ולך תהיה צדקה לפני יהוה אלהיך׃

Genesis 15:6

6 והאמן ביהוה ויחשׁבה לו צדקה׃

Exodus 22:26-27

26 (22:25) אם חבל תחבל שׂלמת רעך עד בא השׁמשׁ תשׁיבנו׃27 (22:26) כי הוא כסותה לבדה הוא שׂמלתו לערו במה ישׁכב והיה כי יצעק אלי ושׁמעתי כי חנון אני׃

Deuteronomy 6:25

25 וצדקה תהיה לנו כי נשׁמר לעשׂות את כל המצוה הזאת לפני יהוה אלהינו כאשׁר צונו׃

Deuteronomy 15:9-10

9 השׁמר לך פן יהיה דבר עם לבבך בליעל לאמר קרבה שׁנת השׁבע שׁנת השׁמטה ורעה עינך באחיך האביון ולא תתן לו וקרא עליך אל יהוה והיה בך חטא׃10 נתון תתן לו ולא ירע לבבך בתתך לו כי בגלל הדבר הזה יברכך יהוה אלהיך בכל מעשׂך ובכל משׁלח ידך׃

Deuteronomy 24:15

15 ביומו תתן שׂכרו ולא תבוא עליו השׁמשׁ כי עני הוא ואליו הוא נשׂא את נפשׁו ולא יקרא עליך אל יהוה והיה בך חטא׃

Job 24:7-8

7 ערום ילינו מבלי לבושׁ ואין כסות בקרה׃8 מזרם הרים ירטבו ומבלי מחסה חבקו צור׃

Job 29:11-13

11 כי אזן שׁמעה ותאשׁרני ועין ראתה ותעידני׃12 כי אמלט עני משׁוע ויתום ולא עזר׃13 ברכת אבד עלי תבא ולב אלמנה ארנן׃

Job 31:16-20

16 אם אמנע מחפץ דלים ועיני אלמנה אכלה׃17 ואכל פתי לבדי ולא אכל יתום ממנה׃18 כי מנעורי גדלני כאב ומבטן אמי אנחנה׃19 אם אראה אובד מבלי לבושׁ ואין כסות לאביון׃20 אם לא ברכוני חלצו ומגז כבשׂי יתחמם׃

Psalms 106:30-31

30 ויעמד פינחס ויפלל ותעצר המגפה׃31 ותחשׁב לו לצדקה לדר ודר עד עולם׃

Psalms 112:9

9 פזר נתן לאביונים צדקתו עמדת לעד קרנו תרום בכבוד׃

Isaiah 58:8

8 אז יבקע כשׁחר אורך וארכתך מהרה תצמח והלך לפניך צדקך כבוד יהוה יאספך׃

Ezekiel 18:7

7 ואישׁ לא יונה חבלתו חוב ישׁיב גזלה לא יגזל לחמו לרעב יתן ועירם יכסה בגד׃

Ezekiel 18:12

12 עני ואביון הונה גזלות גזל חבל לא ישׁיב ואל הגלולים נשׂא עיניו תועבה עשׂה׃

Ezekiel 18:16

16 ואישׁ לא הונה חבל לא חבל וגזלה לא גזל לחמו לרעב נתן וערום כסה בגד׃

Ezekiel 33:15

15 חבל ישׁיב רשׁע גזלה ישׁלם בחקות החיים הלך לבלתי עשׂות עול חיו יחיה לא ימות׃

Daniel 4:27

27 (4:24) להן מלכא מלכי ישׁפר עליך וחטיך בצדקה פרק ועויתך במחן ענין הן תהוא ארכה לשׁלותך׃

Amos 2:8

8 ועל בגדים חבלים יטו אצל כל מזבח ויין ענושׁים ישׁתו בית אלהיהם׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.