14 לא תעשׁק שׂכיר עני ואביון מאחיך או מגרך אשׁר בארצך בשׁעריך׃
Deuteronomy 24:14 Cross References - HOT
Leviticus 25:35-43
35 וכי ימוך אחיך ומטה ידו עמך והחזקת בו גר ותושׁב וחי עמך׃36 אל תקח מאתו נשׁך ותרבית ויראת מאלהיך וחי אחיך עמך׃37 את כספך לא תתן לו בנשׁך ובמרבית לא תתן אכלך׃38 אני יהוה אלהיכם אשׁר הוצאתי אתכם מארץ מצרים לתת לכם את ארץ כנען להיות לכם לאלהים׃39 וכי ימוך אחיך עמך ונמכר לך לא תעבד בו עבדת עבד׃40 כשׂכיר כתושׁב יהיה עמך עד שׁנת היבל יעבד עמך׃41 ויצא מעמך הוא ובניו עמו ושׁב אל משׁפחתו ואל אחזת אבתיו ישׁוב׃42 כי עבדי הם אשׁר הוצאתי אתם מארץ מצרים לא ימכרו ממכרת עבד׃43 לא תרדה בו בפרך ויראת מאלהיך׃
Deuteronomy 15:12-18
12 כי ימכר לך אחיך העברי או העבריה ועבדך שׁשׁ שׁנים ובשׁנה השׁביעת תשׁלחנו חפשׁי מעמך׃13 וכי תשׁלחנו חפשׁי מעמך לא תשׁלחנו ריקם׃14 העניק תעניק לו מצאנך ומגרנך ומיקבך אשׁר ברכך יהוה אלהיך תתן׃15 וזכרת כי עבד היית בארץ מצרים ויפדך יהוה אלהיך על כן אנכי מצוך את הדבר הזה היום׃16 והיה כי יאמר אליך לא אצא מעמך כי אהבך ואת ביתך כי טוב לו עמך׃17 ולקחת את המרצע ונתתה באזנו ובדלת והיה לך עבד עולם ואף לאמתך תעשׂה כן׃18 לא יקשׁה בעינך בשׁלחך אתו חפשׁי מעמך כי משׁנה שׂכר שׂכיר עבדך שׁשׁ שׁנים וברכך יהוה אלהיך בכל אשׁר תעשׂה׃
Job 24:10-11
Job 31:13-15
Proverbs 14:31
31 עשׁק דל חרף עשׂהו ומכבדו חנן אביון׃
Proverbs 22:16
16 עשׁק דל להרבות לו נתן לעשׁיר אך למחסור׃
Ezekiel 22:7
7 אב ואם הקלו בך לגר עשׂו בעשׁק בתוכך יתום ואלמנה הונו׃
Amos 2:7
7 השׁאפים על עפר ארץ בראשׁ דלים ודרך ענוים יטו ואישׁ ואביו ילכו אל הנערה למען חלל את שׁם קדשׁי׃
Amos 4:1
1 שׁמעו הדבר הזה פרות הבשׁן אשׁר בהר שׁמרון העשׁקות דלים הרצצות אביונים האמרת לאדניהם הביאה ונשׁתה׃
Amos 8:4
4 שׁמעו זאת השׁאפים אביון ולשׁבית ענוי ארץ׃
Malachi 3:5
5 וקרבתי אליכם למשׁפט והייתי עד ממהר במכשׁפים ובמנאפים ובנשׁבעים לשׁקר ובעשׁקי שׂכר שׂכיר אלמנה ויתום ומטי גר ולא יראוני אמר יהוה צבאות׃