Wycliffe(i)
20 O! man, who art thou, that answerist to God? Whether a maad thing seith to hym that made it, What hast thou maad me so?
21 Whether a potter of cley hath not power to make of the same gobet o vessel in to honour, an othere in to dispit?
22 That if God willynge to schewe his wraththe, and to make his power knowun, hath suffrid in greet pacience vessels of wraththe able in to deth,
23 to schewe the riytchessis of his glorie in to vessels of merci, whiche he made redi in to glorie.
24 Whiche also he clepide not oneli of Jewis, but also of hethene men, as he seith in Osee,