Romans 8:17-23 if sones, and eiris, `and eiris of God, and eiris togidere with Crist; if netheles we suffren togidere, that also we ben glorified togidere.

Wycliffe⁽ⁱ⁾ ¹⁷ if sones, and eiris, `and eiris of God, and eiris togidere with Crist; if netheles we suffren togidere, that also we ben glorified togidere. ¹⁸ And Y deme, that the passiouns of this tyme ben not worthi to the glorie to comynge, that schal be schewid in vs. ¹⁹ For the abidyng of creature abidith the schewyng of the sones of God. ²⁰ But the creature is suget to vanyte, not willynge, but for hym that made it suget in hope; ²¹ for the ilke creature schal be delyuered fro seruage of corrupcioun in to liberte of the glorie of the sones of God. ²² And we witen, that ech creature sorewith, and trauelith with peyne til yit. ²³ And not oneli it, but also we vs silf, that han the first fruytis of the spirit, and we vs silf sorewen with ynne vs for the adopcioun of Goddis sonys, abidynge the ayenbiyng of oure bodi.