Wycliffe(i)
1 Yn the meene tyme the grutchyng of the puple, as of men sorewynge for trauel, roos ayens the Lord. And whanne Moises hadde herd this thing, he was wrooth; and the fier of the Lord was kyndelid on hem, and deuouride the laste part of the tentis.
2 And whanne the puple hadde cried to Moises, Moises preiede the Lord, and the fier was quenchid.
3 And he clepid the name of that place Brennyng, for the fier of the Lord was kyndlid ayens hem.