Matthew 27:23-26 Alle seien, `Be he crucified. The iustice seith to hem, What yuel hath he doon? And thei crieden more, and seiden, Be he crucified.

Wycliffe⁽ⁱ⁾ ²³ Alle seien, `Be he crucified. The iustice seith to hem, What yuel hath he doon? And thei crieden more, and seiden, Be he crucified. ²⁴ And Pilat seynge that he profitide no thing, but that the more noyse was maad, took watir, and waischide hise hondis bifor the puple, and seide, Y am giltles of the blood of this riytful man; bise you. ²⁵ And al the puple answeride, and seide, His blood be on vs, and on oure children. ²⁶ Thanne he deliuerede to hem Barabas, but he took to hem Jhesu scourgid, to be crucified.