Matthew 13:54-58 And he cam in to his cuntrei, and tauyte hem in her synagogis, so that thei wondriden, and seiden, Fro whennus this wisdam and vertues camen to this?

Wycliffe⁽ⁱ⁾ ⁵⁴ And he cam in to his cuntrei, and tauyte hem in her synagogis, so that thei wondriden, and seiden, Fro whennus this wisdam and vertues camen to this? ⁵⁵ Whether `is not this the sone of a carpentere? Whether his modir be not seid Marie? and hise britheren, James, and Joseph, and Symount, and Judas? and hise sistris, ⁵⁶ whether thei alle ben not among us? Fro whennus thanne `alle thes thingis camen to this? ⁵⁷ And so thei weren sclaundrid in hym. But Jhesus seide to hem, A profete is not with oute worschip, but in his owen cuntre, and in his owen hous. ⁵⁸ And he dide not there manye vertues, for the vnbileue of hem.