Leviticus 24:10-16 Lo! forsothe the sone of a womman of Israel, whom sche childide of a man Egipcian, yede out among the sones of Israel, and chidde in the castels with a man of Israel,

Wycliffe⁽ⁱ⁾ ¹⁰ Lo! forsothe the sone of a womman of Israel, whom sche childide of a man Egipcian, yede out among the sones of Israel, and chidde in the castels with a man of Israel, ¹¹ and whanne he hadde blasfemyd the name of the Lord, and hadde cursid the Lord, he was brouyt to Moises; forsothe his modir was clepid Salumyth, the douytir of Dabry, of the lynage of Dan; ¹² and thei senten hym to prisoun, til thei wisten what the Lord comaundide. ¹³ And the Lord spak to Moises and seide, ¹⁴ Lede out the blasfemere without the castels, and alle men that herden, sette her hondis on his heed, and al the puple stone hym. ¹⁵ And thou schalt speke to the sones of Israel, A man that cursith his God, ¹⁶ schal bere his synne, and he that blasfemeth the name of the Lord, die bi deeth; al the multitude of the puple schal oppresse hym with stoonus, whether he that blasfemede the name of the Lord is a citeseyn, whether a pilgrym, die he bi deeth.