Wycliffe(i)
15 Yhe, thouy God sleeth me, Y schal hope in hym; netheles Y schal preue my weies in his siyt.
16 And he schal be my sauyour; for whi ech ypocrite schal not come in his siyt.
17 Here ye my word, and perseyue ye with eeris derke and harde figuratif spechis.
18 Yf Y schal be demed, Y woot that Y schal be foundun iust.
19 Who is he that is demed with me? Come he; whi am Y stille, and am wastid?
20 Do thou not to me twei thingis oneli; and thanne Y schal not be hid fro thi face.
21 Make thin hond fer fro me; and thi drede make not me aferd.
22 Clepe thou me, and Y schal answere thee; ethir certis Y schal speke, and thou schalt answere me.
23 Hou grete synnes and wickidnessis haue Y? Schewe thou to me my felonyes, and trespassis.