Wycliffe(i)
8 Netheles if ye performen the kingis lawe, bi scripturis, Thou schalt loue thi neiybour as thi silf, ye don wel.
9 But if ye taken persones, ye worchen synne, and ben repreued of the lawe, as trespasseris.
10 And who euere kepith al the lawe, but offendith in oon, he is maad gilti of alle.
11 For he that seide, Thou schalt do no letcherie, seide also, Thou schalt not sle; that if thou doist not letcherie, but thou sleest, thou art maad trespassour of the lawe.
12 Thus speke ye, and thus do ye, as bigynnynge to be demyd bi the lawe of fredom.