Isaiah 19:5-10 And watir of the see schal wexe drie, and the flood schal be desolat, and schal be dried.

Wycliffe⁽ⁱ⁾ ⁵ And watir of the see schal wexe drie, and the flood schal be desolat, and schal be dried. ⁶ And the floodis schulen faile, and the strondis of the feeldis schulen be maad thynne, and schulen be dried; a rehed and spier schal fade. ⁷ The botme of watir schal be maad nakid, and stremys fro her welle; and the moiste place of al seed schal be dried, schal waxe drie, and schal not be. ⁸ And fischeris schulen morne, and alle that casten hook in to the flood, schulen weile; and thei that spreden abrood a net on the face of watris, schulen fade. ⁹ Thei schulen be schent, that wrouyten flex, foldynge and ordeynynge sutil thingis. ¹⁰ And the watir places therof schulen be drye; alle that maden poondis to take fischis, schulen be schent.