Wycliffe(i)
1 Therfor Y biseche first of alle thingis, that bisechingis, preieris, axyngis, doyngis of thankyngis, ben maad for alle men,
2 for kingis and alle that ben set in hiynesse, that we leden a quyet and a pesible lijf, in al pite and chastite.
3 For this thing is good and acceptid bifor God,
4 oure sauyour, that wole that alle men ben maad saaf, and that thei come to the knowyng of treuthe.