1 Timothy 2:1 Cross References - Wycliffe

¹ Therfor Y biseche first of alle thingis, that bisechingis, preieris, axyngis, doyngis of thankyngis, ben maad for alle men,

²³ and neiyede, and seide, Whether thou schalt leese a iust man with the wickid man? ²⁴ if fifti iust men ben in the citee, schulen thei perische togidere, and schalt thou not spare that place for fifti iust men, if thei ben ther ynne? ²⁵ Fer be it fro thee that thou do this thing, and sle a iust man with a wickid man, and that a iust man be maad as a wickid man; this is not thin that demest al erthe; thou schalt not make this doom. ²⁶ And the Lord seide to him, If Y schal fynde in Sodom fifti iust men in the myddis of the citee, Y schal foryyue to al the place for hem. ²⁷ Abraham answerde and seide, For Y bigan onys, Y schal speke to my Lord, sithen Y am dust and aische; ²⁸ what if lesse than fifti iust men bi fyue ben, schalt thou do a wey al the cite for fyue and fourti? And the Lord seide, Y schal not do a wei, if I schal fynde fyue and fourti there. ²⁹ And eft Abraham seide to hym, But if fourti ben there, what schalt thou do? The Lord seide, Y schal not smyte for fourti. ³⁰ Abraham seide, Lord, Y biseche, take thou not to indignacioun, if Y speke; what if thretti be foundun there? The Lord answerde, Y schal not do, if Y schal fynde thretti there. ³¹ Abraham seide, For Y bigan onys, Y schal speke to my Lord; what if twenti be foundun there? The Lord seide, Y schal not sle for twenti. ³² Abraham seide, Lord, Y biseche, be thou not wrooth, if Y speke yit onys; what if ten be founden there? The Lord seide, Y schal not do a wey for ten.

⁴¹ Ferthermore and whanne an alien, which is not of thi puple Israel, cometh fro a fer lond for thi name; for thi grete name, and thi strong hond, ⁴² and thin arm `holdun forth schal be herd euery where; therfor whanne he cometh, and preieth in this place, ⁴³ thou schalt here in heuene, in the firmament of thi dwellyng place, and thou schalt do alle thingis, for whiche the alien clepith thee, that alle puplis of londis lerne to drede thi name, as thi puple Israel doith, and preue, that thi name is clepid on this hows, which Y bildide.

¹ The titil of the seuene and sixtithe salm. To the victorie, the salm `of the song `of Dauid. ² God rise vp, and hise enemyes be scaterid; and thei that haten hym fle fro his face. ³ As smoke failith, faile thei; as wax fletith fro the face of fier, so perische synneris fro the face of God. ⁴ And iust men eete, and make fulli ioye in the siyt of God; and delite thei in gladnesse.

¹⁹ Hou ben thei maad into desolacioun; thei failiden sodeynli, thei perischiden for her wickidnesse.

⁹ And thus ye schulen preye, Oure fadir that art in heuenes, halewid be thi name; ¹⁰ thi kyngdoom come to; be thi wille don `in erthe as in heuene;

³⁰ For God dispisith the tymes of this vnkunnyng, and now schewith to men, that alle euery where doon penaunce; for that he hath ordeyned a dai,

⁸ First Y do thankyngis to my God, bi Jhesu Crist, for alle you, for youre feith is schewid in al the world.

¹⁷ But Y thanke God, that ye weren seruauntis of synne; but ye han obeischid of herte in to that fourme of techyng, in which ye ben bitakun.

³ For Y bitook to you at the bigynnyng that thing which also Y haue resseyued; that Crist was deed for oure synnes, bi the scripturis;

⁶ So that we preyeden Tite, that as he bigan, so also he performe in you this grace.

¹³ For which thing Y axe, that ye faile not in my tribulaciouns for you, which is youre glorie.

²⁰ euermore doynge thankingis for alle thingis in the name of oure Lord Jhesu Crist to God and to the fadir.

³ I do thankyngis to my God

¹² And the Lord multiplie you, and make youre charite to be plenteuouse of ech to othere, and in to alle men, as also we in you;

³ We owen to do thankyngis eueremore to God for you, britheren, so as it is worthi, for youre feith ouer wexith, and the charite of ech of you to othere aboundith.

⁴ oure sauyour, that wole that alle men ben maad saaf, and that thei come to the knowyng of treuthe.

⁵ And sche that is a widewe verili, and desolate, hope in to God, and be bisy in bisechingis and preieris niyt and dai.

²⁴ But it bihoueth the seruaunt of the Lord to chide not; but to be mylde to alle men, able to teche,

¹¹ For the grace of `God, oure sauyour,

² to blasfeme no man, to be not ful of chiding, but temperat, schewynge al myldenesse to alle men.

¹¹ And we coueiten that ech of you schewe the same bisynesse to the fillyng of hope in to the ende;

¹⁶ Therfor knouleche ye ech to othere youre synnes, and preye ye ech for othere, that ye be sauyd. For the contynuel preyer of a iust man is myche worth.