Psalms 66

Vulgate^{(i) 1} cantate gloriam nomini eius date gloriam laudi eius ² dicite Deo quam terribile opus tuum in multitudine fortitudinis tuae mentientur tibi inimici tui ³ omnis terra adoret te et cantet tibi cantet nomini tuo semper ⁴ venite et videte opera Dei terribilia consilia super filiis hominum ⁵ convertit mare in aridam in flumine pertransibunt pede ibi laetabimur in eo ⁶ qui dominatur in fortitudine sua saeculo oculi eius gentes aspiciunt qui increduli sunt non exaltentur in semet ipsis semper ⁷ benedicite populi Deo nostro et auditam facite vocem laudis eius ⁸ qui posuit animam nostram in vitam et non dedit in commotione pedes nostros ⁹ probasti enim nos Deus igne nos conflasti sicut conflatur argentum ¹⁰ introduxisti nos in obsidione posuisti stridorem in dorso nostro ¹¹ inposuisti homines super caput nostrum transivimus per ignem et aquam et eduxisti nos in refrigerium ¹² ingrediar domum tuam in holocaustis reddam tibi vota mea ¹³ quae promiserunt tibi labia mea et locutum est os meum cum tribularer ¹⁴ holocausta medullata offeram tibi cum incensu arietum faciam boves cum hircis semper ¹⁵ venite audite et narrabo omnes qui timetis Deum quanta fecerit animae meae ¹⁶ ipsum ore meo invocavi et exaltavi in lingua mea ¹⁷ iniquitatem si vidi in corde meo non exaudiat Dominus ¹⁸ ideo exaudivit Deus et adtendit vocem deprecationis meae ¹⁹ benedictus Deus qui non abstulit orationem meam et misericordiam suam a me ²⁰ victori in psalmis canticum carminis Deus misereatur nostri et benedicat nobis inlustret faciem suam super nos semper