Vulgate(i)
3 te autem faciente elemosynam nesciat sinistra tua quid faciat dextera tua
4 ut sit elemosyna tua in abscondito et Pater tuus qui videt in abscondito reddet tibi
5 et cum oratis non eritis sicut hypocritae qui amant in synagogis et in angulis platearum stantes orare ut videantur ab hominibus amen dico vobis receperunt mercedem suam
6 tu autem cum orabis intra in cubiculum tuum et cluso ostio tuo ora Patrem tuum in abscondito et Pater tuus qui videt in abscondito reddet tibi