Vulgate(i)
11 undique terrebunt eum formidines et involvent pedes eius
12 adtenuetur fame robur eius et inedia invadat costas illius
13 devoret pulchritudinem cutis eius consumat brachia illius primogenita mors
14 avellatur de tabernaculo suo fiducia eius et calcet super eum quasi rex interitus
15 habitent in tabernaculo illius socii eius qui non est aspergatur in tabernaculo eius sulphur
16 deorsum radices eius siccentur sursum autem adteratur messis eius
17 memoria illius pereat de terra et non celebretur nomen eius in plateis
18 expellet eum de luce in tenebras et de orbe transferet eum
19 non erit semen eius neque progenies in populo suo nec ullae reliquiae in regionibus eius
20 in die eius stupebunt novissimi et primos invadet horror
21 haec sunt ergo tabernacula iniqui et iste locus eius qui ignorat Deum