Revelation 6:12-17 Walaɣ daɣen mi gcerreg Izimer nni ṭṭabeɛ wis sețța; tewwet zzelzla tameqqrant di lqaɛa, iṭij yuɣal d aberkan; agur yuɣal am idammen,

Kabyle⁽ⁱ⁾ ¹² Walaɣ daɣen mi gcerreg Izimer nni ṭṭabeɛ wis sețța; tewwet zzelzla tameqqrant di lqaɛa, iṭij yuɣal d aberkan; agur yuɣal am idammen, ¹³ ma d itran n igenni ɣellin-d ɣer lqaɛa am tbexsisin n tenqelț m'ara ț-țihuzz waḍu iǧehden. ¹⁴ Igenni yenneḍ am tẓeṛbit yețțlen, idurar ț-țegzirin meṛṛa ḥerrken seg imukan-nsen. ¹⁵ Igelliden akk-d imeqqranen n ddunit, wid iḥekkmen ɣef lɛeskeṛ, imeṛkantiyen, wid yesɛan lḥekma, aklan akk-d iḥuṛṛiyen, ulin meṛṛa ɣer idurar iwakken ad ffren zdaxel n lɣiṛan d iceṛfan, ¹⁶ qqaṛen i idurar d iceṛfan : ɣlit-ed fell-aɣ, ffret-aɣ zdat wudem n Win yeqqimen ɣef wukersi n lḥekma, zdat wurrif n Izimer; ¹⁷ axaṭer yusa-d wass ameqqran n wurrif-nsen, anwa ara imenɛen ?