Matthew 23:1-7 Imiren Sidna Ɛisa yenṭeq ɣer lɣaci d inelmaden-is yenna yasen :

Kabyle⁽ⁱ⁾ ¹ Imiren Sidna Ɛisa yenṭeq ɣer lɣaci d inelmaden-is yenna yasen : ² Lɛulama d ifariziyen sselmaden ccariɛa n Musa. ³ Xedmet ayen akk ara wen-d-inin, meɛna ur xeddmet ara wayen xeddmen nutni, axaṭer ayen i d-qqaṛen ur t-xeddmen ara. ⁴ Țcuddun tiɛekkmin ẓẓayen țɛebbin-tent ɣef tuyat n yemdanen, ma d nutni țțagin a ten-ɛiwnen ula s yixef n iḍuḍan-nsen. ⁵ Ayen akk i xeddmen, xeddmen-t iwakken a ten-walin yemdanen, țɛelliqen tiḥerztin ț-țeɣṛisin ɣef yiman-nsen. ⁶ Ḥemmlen ad ṭṭfen imukan imezwura ama di tmeɣṛiwin ama di leǧwameɛ, ḥemmlen m'ara țsellimen fell-asen yemdanen di tejmuyaɛ akk-d leswaq; ⁷ ḥemmlen daɣen m'ara sen-qqaṛen yemdanen : « a Sidi ».