HOT(i)
15 נפשׁ כי תמעל מעל וחטאה בשׁגגה מקדשׁי יהוה והביא את אשׁמו ליהוה איל תמים מן הצאן בערכך כסף שׁקלים בשׁקל הקדשׁ לאשׁם׃ 16 ואת אשׁר חטא מן הקדשׁ ישׁלם ואת חמישׁתו יוסף עליו ונתן אתו לכהן והכהן יכפר עליו באיל האשׁם ונסלח׃ 17 ואם נפשׁ כי תחטא ועשׂתה אחת מכל מצות יהוה אשׁר לא תעשׂינה ולא ידע ואשׁם ונשׂא עונו׃ 18 והביא איל תמים מן הצאן בערכך לאשׁם אל הכהן וכפר עליו הכהן על שׁגגתו אשׁר שׁגג והוא לא ידע ונסלח׃ 19 אשׁם הוא אשׁם אשׁם ליהוה׃