HOT(i)
7 ויהי גבול מנשׁה מאשׁר המכמתת אשׁר על פני שׁכם והלך הגבול אל הימין אל ישׁבי עין תפוח׃ 8 למנשׁה היתה ארץ תפוח ותפוח אל גבול מנשׁה לבני אפרים׃ 9 וירד הגבול נחל קנה נגבה לנחל ערים האלה לאפרים בתוך ערי מנשׁה וגבול מנשׁה מצפון לנחל ויהי תצאתיו הימה׃ 10 נגבה לאפרים וצפונה למנשׁה ויהי הים גבולו ובאשׁר יפגעון מצפון ובישׂשכר ממזרח׃ 11 ויהי למנשׁה בישׂשכר ובאשׁר בית שׁאן ובנותיה ויבלעם ובנותיה ואת ישׁבי דאר ובנותיה וישׁבי עין דר ובנתיה וישׁבי תענך ובנתיה וישׁבי מגדו ובנותיה שׁלשׁת הנפת׃