HOT(i)
15 ויהי כשׁמע איזבל כי סקל נבות וימת ותאמר איזבל אל אחאב קום רשׁ את כרם נבות היזרעאלי אשׁר מאן לתת לך בכסף כי אין נבות חי כי מת׃ 16 ויהי כשׁמע אחאב כי מת נבות ויקם אחאב לרדת אל כרם נבות היזרעאלי לרשׁתו׃ 17 ויהי דבר יהוה אל אליהו התשׁבי לאמר׃ 18 קום רד לקראת אחאב מלך ישׂראל אשׁר בשׁמרון הנה בכרם נבות אשׁר ירד שׁם לרשׁתו׃ 19 ודברת אליו לאמר כה אמר יהוה הרצחת וגם ירשׁת ודברת אליו לאמר כה אמר יהוה במקום אשׁר לקקו הכלבים את דם נבות ילקו הכלבים את דמך גם אתה׃