John 3:14-18 Hag evel ma savas Moizez an naer el lec'h distro, evel-se eo ret e vo savet Mab an den,

Breton⁽ⁱ⁾ ¹⁴ Hag evel ma savas Moizez an naer el lec'h distro, evel-se eo ret e vo savet Mab an den, ¹⁵ evit [na vo ket kollet] piv bennak a gred ennañ, [met ma] en devo ar vuhez peurbadus. ¹⁶ Rak kement en deus Doue karet ar bed, m'en deus roet e Vab nemetañ, evit na vo ket kollet piv bennak a gred ennañ, met m'en devo ar vuhez peurbadus. ¹⁷ Rak Doue n'en deus ket kaset e Vab er bed evit barn ar bed, met evit ma vo salvet ar bed drezañ. ¹⁸ An hini a gred ennañ n'eo ket barnet, met an hini na gred ket a zo dija barnet, abalamour n'en deus ket kredet e anv Mab nemetañ Doue.