Wycliffe(i)
16 Sixe thingis ben, whyche the Lord hatith; and hise soule cursith the seuenthe thing.
17 Hiye iyen, a tunge liere, hondis schedinge out innocent blood,
18 an herte ymagynynge worste thouytis, feet swifte to renne in to yuel,
19 a man bringynge forth lesingis, a fals witnesse; and him that sowith discordis among britheren.
20 Mi sone, kepe the comaundementis of thi fadir; and forsake not the lawe of thi modir.